Mavingu 13:16 - Tshwa Bible

¹⁶ Vontlhe vanhu vo tlhariha va tirisa wutivi; anilezi a xipumbu xi kombisa wupumbu ga xona.

Mavingu 13:16 Mawu Ofanana

Tisimu 112:5

I katekile a munhu loyi a zwelako wusiwana, a lombisa, A timhaka takwe ti ta yimeliwa kulamulweni. Mav. 14:21; Lu. 6:34

Mavingu 14:33

A wutlhari gi akile mbilwini ya loyi a nga ni kupimisisa; anilezi a maalakanyo ya zipumbu ma tivekiswa.

Mavingu 15:2

A lirimi la tlhari li nanzihisa wutivi; anilezi a nomu wa zipumbu wu pupuma wupumbu.

Mavingu 18:2

A xipumbu a xi tsakiswi hi ku hlota kupimisisa, i lava ntsena ku humesa lezi zi nga mbilwini ya xona.

Mavingu 21:24

Mutseketseli hi vito ga munhu wa matshanza, a ti kukumukisako, oyi a mahako zilo hi zanga ya matshanza.

Mutshawuteli 10:13

A masangulo ya timhaka ta nomu wa xona mbupumbu, ni magumo ya kuwulawula ka xona wuhunguki.

Mutshawuteli 10:3

Loku xipumbu xi famba ndleleni xi vumala wutlhari; xi wula ka vontlhe xiku: Hi nga wona xipumbu!

Isaya 52:13

Langutani, a nanza ga mina gi ta humelela, I ta kuliswa, a dzunziwa, a tlakuswa hehla. Miti. 2:33; Fil. 2:9

Mateu 10:16

Langutani, nza mu ruma na mu fanana ni tiyivu xikari ka timhisi; hikwalaho, tlharihani kota tinyoka, mu ku khwatsi mu matuva, mu ngavi na wumbyori. Lu. 10:3; Rom. 16:19; 1 Kor. 14:20

Va le Roma 16:19

Hakuva a kuingisa ka nwina ku la su gafe ka vanhu vontlhe. Hikwalaho nza tsaka ha nwina, kanilezi nza lava a kuva mu tlhariha zilweni zo saseka, muva lava va nga tlharihangiko ka lezo za kubiha. Mat. 10:16

1 Va le Korinte 14:20

Vamakabye mu nga mahi zihlangi kupimeni ka nwina, kanilezi mahani zihlangi ka zakubiha, mu maha madota kupimeni. Tis. 119:99; 131:2; Mat. 11:25; 18:3; 1 Ped. 2:2

Va le Efesusi 5:17

Hikwalaho mu nga mahi zipumbu, kanilezi pimani lezaku xini a kuranza ka Hosi. Rom. 12:2; Kol. 4:5; 1 Tes. 4:3

1 Samueli 25:17

Hikwalaho zi tive u ehleketa lezi u ta nga maha, hakuva ku xubyiwa ku mahiwa mhango ka hosi ya hina ni yindlu yakwe yontlhe, kanilezi na a hi munhu wa tihanyi, loyi hi tsanzekako ku Wulawula naye.

1 Samueli 25:25

Hosi yanga, u nga dzuki u khatalela loyi wa kubiha, a nga Nabali, khwatsi hi lezi gi nga lezo a vito gakwe, kunene hi Nabali hi zalezo a nga zona, ni wupumbu gi na yena. Kasike mina nanza ga wena a nzi ma wonangi a majaha lawo u ma rumileko.