Mavingu 11:24 - Tshwa Bible

²⁴ I kona loyi a nyikako hi matsenya, kasi wa engeteliwa; i loyi a tsonako ku hunza mpimo, kanilezi a maha xisiwana.

Mavingu 11:24 Mawu Ofanana

2 Kronekele 31:10

Azaria, a mupristi wa hombe wa yindlu ya ka Zadoke, i lo hlamula, aku kakwe: Kusukela xikhatini lexo va sanguleko ha xona, ku neha mihlengo lomu ndlwini ya Jehova, hi gile, hi xura, hi tlhela hi siya zinyingi, hakuva Jehova i katekisile a vanhu vakwe; ni lezi zi seleko hi zona zi teleko nguvu.

Tisimu 112:9

Wa hana, a nyika ka lava va vumalako; A kululama kakwe ku simamisa kala kupinzuka; A limhonzo lakwe li ta tlakuswa hi wudzunzo. 1 Sam. 2:1; 2 Kor. 9:9

Mavingu 11:18

A hakhelo ya wa kubiha ya khohlisa; anilezi loyi a byalako kululama i ta kuma nchachazelo wu nene. Hos. 10:12; Jak. 3:18

Mavingu 11:23

A valulamileko va xuvisisa zinene ntsena; anilezi a va kubiha va langutela zanga.

Mavingu 11:25

A muhefemulo wa wuhana wu ta kuluka; oyi a cheletelako mati i ta cheletelwawu,

Mavingu 13:7

I kona loyi a ti fumisako na a nga hi na nchumu; kona loyi a ti mahako xisiwana kasi i fumile.

Mavingu 19:17

Loyi a hawukelako zisiwana i pembisa ka Jehova; ena i ta chachazelwa hi zimaho zakwe za zi nene. Mat. 10:42; 25:40

Mavingu 28:27

Loyi a nyikako ka zisiwana cima a nga ta vumala; anilezi loyi a ti valako mahlo yakwe, i tava ni ziruko zo tala.

Mavingu 28:8

Loyi a anzisako a tshomba yakwe hi bhinzu gi bihileko, yi hlengeletelela loyi a hawukelako Zisiwana.

Mutshawuteli 11:6

Byala a mbewu ya wena na ga hi mixo, ni laha gambyeni u nga humuti a woko ga wena; hakuva a ku zi tivi lezaku ku ta mila yihi, leyi kutani leyiya, hambu loku ti mila hi wumbiri ga tona.

Hagai 1:6

Mu byalile nguvu, kanilezi mu tshovele zitsongwani; maga, kanilezi a mu xuri; manwa, kanilezi a mu kolwi; ma fenengela, kanilezi a mu kufumeli; loyi a tirelako hakhelo i hakhela ku yi chela lomu xikhwameni xi bhoxekeleko.

Malaki 3:8

A munhu a nga zi kota ku yivela Nungungulu ke? kasike nwina ma nzi yivela. Kanilezi mu ngalo: Xini hi ku yiveleko? Hi zawukhume ni minyikelo. Mitse. 18:24; Neh. 10:37; 12:44

Luka 6:38

Nyikani, ku ta nyikiwa ka nwina; va ta mu nyika xifuveni xa nwina a xiringaniso xi nene, xi kanyetelweko, lexi xi kuhlungelweko xi halakela. Hakuva hi lipimo lolu mu pimelako vanwani ha lona, mu ta pimelwawu ha lona. Tis. 79:12; Mav. 19:17; Mar. 4:24

Deuteronome 15:10

Mu nyike hi matsenya, ni loku u mu nyikile, a mbilu ya wena yi nga kanakani; hakuva hi kota ya lezo u mahileko, Jehova Nungungulu wa wena i ta ku katekisa ka yontlhe mitiro ya wena ni ka zontlhe lezi u zi mahako. 2 Kor. 9:7