Mateu 9:36 - Tshwa Bible

³⁶ Kanilezi laha na a wonile zidlemo, i lo zi zwela wusiwana, hakuva va wa xaniseka na va hangalakile, kota tiyivu ti nga hava murisi. Mitse. 27:17; Ezek. 34:5

Mateu 9:36 Mawu Ofanana

1 Tihosi 22:17

Mikaia i te ngalo: Mina nzi wonile va ka Israeli vontlhe na va hangalakile lomu zitsungeni khwatsi tiyivu ti nga hiko na murisi. Jehova na aku ngalo: Lava vanhu a va na nwinyi, a munwe ni munwani a tlhele hi kurula le ndlwini yakwe. Mitse. 27:17; Mat. 9:36

2 Kronekele 18:16

Mikaia aku: Mina nzi lo wona va ka Israeli vontlhe na va hangalakile zitsungeni kotisa tiyivu ti nga hiko na murisi, Jehova na aku: A vanhu lava a va na nwinyi; munwe ni munwani a tlhele aya ndlwini yakwe!

Isaya 13:14

Va taku khwatsi hi pfundla wu hlongoliswako, Vaku khwatsi hi tiyivu ti nga hiko na muhlayisi, Munwe ni munwani i ta tlhelela ka va ka kabye, Vontlhe va tsutsumela matikweni yabye.

Jeremia 50:6

A vanhu va mina va wa hi tiyivu leti ti lahlekileko. Va hambukisilwe hi varisi vabye, va va tsika lomu zitsungeni. Va pepetsekile lomu zitsungeni vaya migangeni, va kohlwa hi ranga gabye.

Zakaria 10:2

Hakuva a materafime ma wulawula zahava, ni vangoma va vumba mawunwa; vanyamilorwani va lora zahava, va tangalisa hi lezi zi nga nyawuliko. Hikwalaho a vanhu va penga kota a ntlhambi wa tiyivu, va xaniseka hi ku vumala murisi. Isa. 8:19; Mat. 9:36

Zakaria 11:16

Hakuva nzi ta vuxa lomu tikweni a murisi loyi a to kala a nga hlayisi leti ti lahlekileko, ge hambu a ku famba a lava leti ti hangalakileko, ni ku chuma leti ti tshovekileko. A nga ta gisa leyi yi nga tomi, kanilezi i taga a nyama ya leti ti nonileko, a kala a panza ni makhanzo ya tona.

Mitsengo 27:17

loyi a ta nga va rangela mahlweni kuhumeni kabye, ni ku va rangela kuengheneni kabye, loyi a ta nga va humesa ni ku va enghenisa; kasi a tlhangano wa Jehova wu nga mahi kota tlhambi lowu wu nga hiko na murisi.

Mateu 10:6

Kanilezi yanani ka tiyivu ti lahlekileko ta yindlu ya ka Israeli. Isa. 53:6; Miti. 13:46

Mateu 14:14

Loku a huma ngalaveni a wona a xidlemo xa hombe, i lo xi zwela wusiwana, a hanyisa vababyako vabye. Xip. 9:36; Mar. 6:34

Mateu 15:24

I lo hlamula, aku: A nzi rumiwangi ka vanwani, sine ka tiyivu ti lahlekileko ta yindlu ya ka Israeli. Xip. 10:5, 6; Rom. 15:8

Mateu 15:32

Jesu i lo vitana vapizani vakwe, aku ngalo: Nza xi zwela wusiwana a xidlemo lexi, hakuva hi masiku manharu na xi simamisile na mina, na xi nga hi na zakuga; a nzi ranzi ku va tlhelisa na va hi ni ndlala, va nga dzuka va sika ndleleni. Mar. 8:1

Marku 6:34

Laha Jesu a nga huma ngalaveni i lo wona a xidlemo xa hombe, a va zwela wusiwana, hakuva va wa kota tiyivu ti nga hiko na murisi; i lo sangula ku va gonzisa timhaka to tala. Mat. 9:36; 14:14; Lu. 9:11

Marku 8:2

Nza xi zwela wusiwana a xidlemo, hakuva hi masiku manharu makunu na va tshamile na mina, na va nga hi na zakuga.

Maheberu 4:15

Hakuva a mupristi wa hombe loyi hi nga naye, a hi loyi a tsanzekako ku hi zwela wusiwana hi kota ya gome ga hina; kanilezi munwe loyi a ringilweko hi matlhelo wontihe khwatsi hi hina, kanilezi a nga onhangi. Isa. 53:3; Lu. 22:28; 2 Kor. 5:21

Maheberu 5:2

Yena wa zi kota ku timisela ni lava va nga tiviko ni va hambukileko, hakuva na yena wutsumbu i na ni gome;