Mateu 8:34 - Tshwa Bible

³⁴ Zonake vontlhe va muti va lo huma a ku ta khinga Jesu; laha na va mu wonile, va lo mu khongotela a ku suka tikweni gabye.

Mateu 8:34 Mawu Ofanana

1 Tihosi 17:18

Zonake loyi wasati i te ngalo ka Elija! I mhaka muni nzi nga nayo na wena munhu wa Nungungulu? Kasi u tile laha a ku ta nzi alakanyisa zionho za mina ni ku ta daya nwananga ke? Lu. 5:8

1 Tihosi 18:17

Laha Ahabi a nga wonile Elija, i te ngalo kakwe: Xana a hi wena muxanisi wa va ka Israeli ke?

Joba 21:14

Hambu lezi va ngaku ngalo ka Nungungulu: Suka ka hina, Hakuva a hi ranzi a ku tiva a tindlela ta wena!

Joba 22:17

Lava va teku ka Nungungulu: Suka ka hina! Xini a nga hi mahelako a Nyamintamu ke?

Amosi 7:12

Kambe Amazia aku ka Amosi: Wena muvumbi, ti fambele u chavela tikweni ga ka Juda, lomo u ta nga ya kuma kona zakuga, ni ku profetela kona, 1 Sam. 9:9; Am. 2:12

Mateu 8:29

Va lo kanyuluka, vaku: I mhaka muni hi nga nayo na wena, Nʼwana wa Nungungulu? U tile laha ku ta hi xanisa na xi nga se ku chikela xikhati ke?

Luka 5:8

Simoni Pedro loku a zi wonile, i lowa hasi madzolweni ya Jesu, aku: Hosi, suka ka mina, hakuva nzi muonhi. 2 Sam. 6:9; 1 Tih. 17:18

Luka 8:28

Laha a nga wona Jesu, i loba huwa, awa lahasi mahlweni ka yena, aku ngalo hi gezu ga hombe: I mhaka muni nzi nga nayo na wena Jesu, Nʼwana wa Nungungulu loyi a nga Hehla-Hehla? Nza ku khongotela, u nga nzi xanisi.

Mitiro 16:39

ti lota ti ta va khongotela; na ti va humesile, ti lo va kombela a kuva va suka mutini wabye. Mat. 8:34

Deuteronome 5:25

Makunu hi ta fela yini ke? Hakuva a nzilo lowu wa hombe wu ta hi lovisa; loku ho engeta kambe hizwa a gezu ga Jehova Nungungulu wa hina, hi tafa.

1 Samueli 16:4

Samueli i lo maha khwatsi hi lezi Jehova a wulileko kakwe. I loya Betlehema. A masingalakati ya muti ma lo mu khinga na ma rurumela na vaku: Ina lezi uta hi kurula?