Mateu 8:20 - Tshwa Bible

²⁰ Jesu aku ngalo kakwe: A vahlati va na ni timhako, ni tinyanyani ta tilo ti na ni zisaka; kanilezi a Nʼwana wa munhu a nga nako laha a nga vekako kona hloko yakwe.

Mateu 8:20 Mawu Ofanana

Tisimu 104:12

A tinyanyani ta tilo ti akela zisaka kusuhani ka zona, Ti yimba maravini ya tisinya.

Tisimu 104:17

Lomu a tinyanyani ti akako kona zisaka, A sekwa yi aka yindlu lomu tisinyeni ta misululwani.

Tisimu 109:22

Hakuva nzi xisiwana ni muvumali, A mbilu ya mina ya bayiseka nzeni ka mina.

Tisimu 40:17

Mina nzi loyi a xanisilweko, nzi muvumali, Kanilezi Jehova wa nzi alakanya; Wena u muvuni wa mina ni mutiruli wa mina, U nga hlweli, O Nungungulu wa mina.

Tisimu 69:29

Kanilezi mina loyi nzi hlokiswako ni ku xaniswa, A kuhanyisa ka wena a ku nzi tlakuse, O Nungungulu.

Tisimu 84:3

Hakuva a manjingiri i ti kumele a yindlu, Ni mbewulwani yi ni xisaka lomu yi nga vekako kona mavinyani ya yona, Ma nga wona maalati ya wena, Jehova wa tiyimpi, Hosi ya mina ni Nungungulu wa mina.

Danieli 7:13

Lomu miwonisweni ya wusiku nzi lo wona a munwe loyi a fananako ni nʼwana wa munhu na ata hi marefu ya tilo, ata ka wakale hi masiku, a yisiwa mahlweni kakwe. Mat. 16:27; 24:30; Mar. 14:62

Mateu 12:32

Kani hi wihi a wulawulako kubiha hi Nʼwana wa munhu i ta tsetselelwa; kanilezi kani hi wihi a wulawulako a vukela Moya wa ku Basa, cima a nga ta tsetselelwa a ka xikhati lexi, hambu ka xikhati xi tako. Joh. 7:12, 52; 1 Tim. 1:13

Mateu 12:40

Kotisa lezi Jona a nga tshama nzeni ka hlavi a masiku manharu ni wusiku ginharu, lezo Nʼwana wa munhu i ta tshama nzeni ka misava masiku manharu ni wusiku ginharu. Jona 1:17

Mateu 12:8

Hakuva a Nʼwana wa munhu i Hosi ya sabado.

Mateu 13:37

I lo hlamula aku ngalo: Loyi a xwanyako a mbewu yi nene hi Nʼwana wa munhu;

Mateu 16:13

Laha Jesu na chikele tlhelweni ga le Kesaria wa Filipi, i lo wutisa Vapizani vakwe, aku: A vanhu ve ngalo, hi yena mani a Nʼwana wa munhu? Mar. 8:27; Lu. 9:18

Mateu 16:27

Hakuva a Nʼwana wa munhu i tata hi kungangamela ka Raru wakwe, zinwe ni tingelosi takwe; hi kwalaho i ta chachazela munwe ni munwani kotisa mitiro yakwe. Mar. 8:38; 2 Kor. 5:10; Kuv. 2:23

Mateu 17:9

Kota lezi va nga kari va relela hi le xitsungeni, Jesu i lo va laya, aku: Mu nga byeli munhu hi xiwoniso lexi, a kala Nʼwana wa munhu a vuka hi ka vafileko, Xip. 16:20; Mar. 8:36

Mateu 19:28

Jesu i lo va hlamula, aku: Hizinene nziku ka nwina: Hi xikhatini xa ku vuxetwa luswa ka zontlhe, laha a Nʼwana wa munhu a ta nga tshama xitshanwini xakwe xa wuhosi, nwina lava mu nzi lanzeleko mu ta tshama ka 12 wa zitshamu za wuhosi, mu lamula a 12 wa tixaka ta Israeli.

Marku 8:38

Hakuva loyi a nga ni tingana ha mina ni timhaka ta mina xizukulwaneni lexi xa wubhayi ni kuonha, a Nʼwana wa munhu kambe i tava ni tingana ha yena, laha a ta nga wuya hi kungangamela ka Raru wakwe, zinwe ni tingelosi to basa. Mat. 10:33; Lu. 9:26; 2 Tim. 1:8

Luka 12:8

Nziku ka nwina: Kani hi mani a ta nga nzi vumela mahlweni ka vanhu, na yena Nʼwana wa munhu i ta mu vumela mahlweni ka tingelosi ta Nungungulu. Mat. 10:32; Mar. 8:38; 2 Tim. 2:12; Kuv. 3:5

Luka 18:8

Nziku ka nwina: I ta va photela hi kuhatlisa. Ahemba-lokoke, laha Nʼwana wa munhu a ta nga wuya, i ta ta kuma kukholwa misaveni ke? Maheb. 10:37; 2 Ped. 3:8, 9

Luka 2:12

A xiwoniso xa nwina hi lexi: Mu ta ya kuma a xinwanana na xi petselwe dzobyeni, xi latiwa lomu xigowolweni xa tihomu.

Luka 2:16

Va lo famba hi kuhatlisa, va ya kuma Maria na Josefa, ni xinwanana na xi latilwe xigowolweni xa tihomu.

Luka 2:7

I lo beleka a nisanyana wakwe wa matewula; i lo mu petsela dzobyeni, a mu lata xigowolweni xa tihomu, hakuva a va nga hi na wutshamu lomo ndlwini ya vapfhumba.

Luka 21:36

Rinzelani zikhati zontlhe, na mu kombela lezaku muva ni ntamu ku pona zontlhe lezi zi ta nga maheka, ni ku yima mahlweni ka Nʼwana wa munhu. Mat. 24:42; Xip. 18:1; Tis. 1:5

Luka 8:3

na Johana, a sati wa Kuza a nekwa ya Herodi, na Susana, ni vanwani vo tala, lava va nga va tirela hi zilo zabye.

Luka 9:58

Jesu i te ngalo kakwe: A vahlati va na ni minkele, ni tinyanyani ta tilo ti na ni zisaka; kanilezi Nʼwana wa munhu a nga na wutshamu go khigela koha hloko yakwe.

Johani 1:51

A engeta aku: Hizinene, hizinene, nziku ka nwina: Mu ta wona tilo na gi vululekile, a tingelosi ta Nungungulu na ti kari ti kanziha ti relela hehla ka Nʼwana wa munhu. Gen. 28:12

Johani 12:34

A xidlemo xi lo mu hlamula, xiku: Hi zwile nayweni lezaku Kristu i ta tshama kala kupinzuka; hi yini u wulako uku: A Nʼwana wa munhu i yimelwe hi ku tlakuswa ke? Hi mani yena Nʼwana loye wa munhu ke? Isa. 53:8; Ezek. 37:25; Dan. 2:44

Johani 13:31

Laha na a humele, Jesu aku ngalo: Makunu Nʼwana wa munhu i dumisilwe, na Nungungulu i dumisilwe ka yena; Xip. 12:23; 1 Ped. 4:11

Johani 3:13

A ku na munhu a kanzihileko le tilweni, sine loyi a releleko hi le tilweni, a nga Nʼwana wa munhu, loyi a nga hi le tilweni. Mat. 30:4; Miti. 2:34; Efe. 4:9

Johani 3:14

Kukotisa lezi Mosi a nga tlakusa a nyoka xiwuleni, hizalezo Nʼwana wa munhu i fanelwe ku tlakuswa; Mitse. 21:9

Johani 6:27

Mu nga tireli a zakuga lezi zi mbhelako, kanilezi tirelani a zakuga lezi zi simamisako wutomini ga pinzukelwa, lezi a Nʼwana wa munhu a ta nga mu nyika zona; hakuva hi yena loyi a vekilweko xifungo hi Dadani, loyi a nga Nungungulu. Mat. 3:17; 17:5; Xip. 4:14

Johani 6:53

Jesu aku ngalo kabye: Hizinene nziku ka nwina: Loku mu ngagi a nyama ya Nʼwana wa munhu, munwa a nkhata wakwe, a mu na wutomi nzeni ka nwina. Mat. 26:26, 28

Johani 6:62

Zonake mu taku yini loku mu wona Nʼwana wa munhu na a kanziha laha a nga hi kona hi kusanguleni ke? Mar. 16:19; Miti. 1:9; Efe. 4:8

Mitiro 7:56

aku ngalo: Mangabye, nzi wona tilo na gi vululekile, ni Nʼwana wa munhu na a yimile hi le canjeni ga xinene ga Nungungulu. Mat. 3:16; Dan. 7:13

2 Va le Korinte 8:9

Hakuva ma ti tiva a tipswalo ta Hosi ya hina Jesu Kristu, lezaku hambu lezi a nga fumile, i lo maha xisiwana hi kota ya nwina, lezaku nwina mu fela ku fuma hi kota ya wusiwana gakwe. Mat. 8:20; Lu. 9:58; Fil. 2:6, 7