Mateu 7:15 - Tshwa Bible

¹⁵ Chavani a vaprofeti va mawunwa, lava va tako ka nwina na va ambele a tinguwo ta tiyivu, kanilezi timbilwini tabye va hi timhisi leti ti pamako. Deut. 13:3; Jer. 23:16; Rom. 16:17

Mateu 7:15 Mawu Ofanana

1 Tihosi 13:18

Na yena i te ngalo kakwe: Minawu nzi muprofeti kota wena. A ngelosi ya Jehova yi lo wula ka mina yiku: Mu tlhelise a wuya lomu ndlwini ya wena a taga zakuga anwa mati. Kanilezi i wo hemba mawunwa.

Jeremia 29:21

Jehova wa tiyimpi, a Nungungulu wa Israeli i ngalo xungetano ha Ahabi a nʼwana Kolaya, na Zedekia a nʼwana Maaseya, lava va mu profetelako mawunwa vitweni ga mina: Langata, nzi ta va nyikela canjeni ga Nebukadnezzare, hosi ya Babuloni; yena i ta va daya mahlweni ka nwina.

Jeremia 29:32

hikwalaho Jehova i ngalo: Mina nzi ta tsayisa Xemaya wa le Nehelame ni vana vakwe; a nga tava na munhu wo tshama xikari ka tiko legi, kambe a nga ta wona makatekwa lawa nzi to mahela a vanhu va mina, ku wula Jehova, hakuva i wulawulile zo vukela Jehova.

Ezekieli 13:16

va nga vona vaprofeti va ka Israeli, lava va profetako hi Jerusalema, va wona miwoniso ya kurula, kasi lezo a ku na kurula, ku wula Hosi Jehova.

Ezekieli 13:22

Kota lezi mu xanisileko a mbilu ya loyi wo lulama hi mawunwa ya nwina, loyi mina nzi nga mu xanisangiko, na mu tiyisa a mandla ya loyi wo biha, kasi a nga hunzuluki ndleleni yakwe ya kubiha, a hanyiswa,

Ezekieli 22:25

Ku na ni gujeguje xikari ka vaprofeti va nga ka gona, khwatsi i nghala leyi yi dzumelako a pfimba. Vaga mihefemulo ya vanhu, va wutla titshomba ni zilo za lisima; va anzisa a tsengo wa tinoni xikari ka gona. Mika 3:11; Mar. 12:40

Ezekieli 22:27

A tihosana ta gona ti khwatsi timhisi ti huhulukelako a pfimba xikari ka gona; ti halata nkhata, ti lovisa mihefemulo ya vanhu lezaku ti kuma bhinzu.

Danieli 11:34

Makunu laha na va xanisiwa va ta kuma xivuno xi tsongwani; kanilezi vanyingi va ta ti tlhanganyisa navo hi kukhohlisa.

Mika 3:11

A tihosi ta kona ti lamula hi ku xavelelwa, a vapristi va kona va gonzisa hi ku fela nzhiho, a vaprofeti va kona va vumbela mali: kanilezi va ti seketela ha Jehova, vaku: Kasi Jehova a nga xikari ka hina ke? a kubiha a ku na ku hi wela!

Zakaria 13:4

Hi siku lego munwe ni munwani wa vaprofeti i tawa tingana hi miwoniso yakwe a xikhati a profetako; ge a nga ta ambala a nguwo ya woya kasi ku khohlisa. 2 Tih. 1:8; Mat. 3:4

Mateu 10:17

Ti woneleni hi vanhu, hakuva va ta mu nyikela tihubyeni, va mu xupula masinagogeni yabye. Mar. 13:9; Lu. 12:11; Miti. 5:40

Mateu 16:11

Hikuyini mu nga pimiko lezaku a nzi wulangi ka nwina hi zibaba? Kanilezi tlharihani a comelo ga vaFarisi ni vaSadusi.

Mateu 16:6

Jesu aku ngalo kabye: Ti woneleni, mu tlharihela a comelo ga vaFarisi ni vaSadusi. Lu. 12:1

Mateu 24:11

Ku ta huma vaprofeti vanyingi va mawunwa, va pengisa votala. 2 Ped. 2:1; 1 Tim. 1:4

Mateu 7:14

Kanilezi a nyangwa ya wutomi yi hlonganile, ni ndlela yi yako kona yi khumile, mbatsongwani lava va yi kumako.

Luka 12:15

Aku ngalo kabye: Tlharihani, mu chava a timbilu ta makangwa; hakuva a wutomi ga munhu a nga gi kumi hi wunyingi ga zilo lezi a nga nazo. 1 Tim. 6:7

Luka 6:26

Mu na ni khombo laha vanhu vontlhe va ta nga wulawula khwatsi ha nwina; hakuva va lo mahisa lezo a vararu vabye ka vaprofeti va mawunwa. Joh. 15:19; 1 Joh. 4:5

Johani 10:12

Loyi a rihiwako, na a nga hi murisi, a tiyivu na ti nga hi takwe, loku a wona a mhisi na yi kari yita, wa tsika tiyivu, a tsutsuma; a mhisi yi khoma tiyivu, yi ti hangalasa. Zak. 11:16, 17

Mitiro 13:40

Hikwalaho ti woneleni, lezaku ku nga dzuki ku wela hehla ka nwina lezi zi tsalilweko mabhukwini ya vaprofeti, ku ngalo: Hab. 1:5

Mitiro 13:6

Laha na va tsemakanyile xihlale va kala va chikela Pafosi, va lo kuma a mungoma wo kari, a muJuda a nga hi muprofeti wa mawunwa, loyi a vito gakwe a nga hi Bar-Jesu.

Va le Galatia 2:4

Nzi lo maha lezo hi kota ya vamakabye va mawunwa lava va nga enghenile bandleni hi ku nyanimela, kasi ku ta kamba a kutlhatlheka ka hina loku hi nga nako ka Kristu Jesu, lezaku va fela ku hi enghenisa wukhumbini. Xip. 3:25; 4:3, 9

Va le Efesusi 4:14

lezaku hi nga ha mahi zihlangi, hi ndlengandlengiswa kukotisa mabyandlati ya bimbi hi timheho tontlhe ta tigonzo, kutani hi kukanganyisa ka vanhu, ni wumbyori gabye ga ku khohlisa. Mat. 11:7

Va le Efesusi 5:6

Ngha mu nga dzuki mu kanganyiswa hi timhaka ta hava; hakuva hi kota ya zionho zo maha lezo gata a khulo ga Nungungulu hehla ka lava va nga ingisiko. Jer. 29:8; Mat. 24:4

Va le Filipi 3:2

Ti woneleni ka timbyana, ti woneleni ka zitiri za kubiha, ti woneleni ka lava vo ti tsemelela. Rom. 2:28; Gal. 5:2, 15

Va le Kolosi 2:8

Ti woneleni lezaku a munhu a nga dzuki a mu koka hi tigonzo ta wutlhari ga hava hi ku lanzela a mikhuwo ya vanhu, ni mintamu yo sangula ya misava, na ku nga hi ka Kristu. Jer. 29:8; Mat. 15:2; Maheb. 13:9

2 Timote 3:13

Kanilezi a vanhu vo biha ni vakanganyisi va ta nonohisa vaya mahlweni kubiheni, va kanganyisa vanwani, va tlhela va kanganyiswa.

2 Timote 4:3

Hakuva xa hata xikhati laha va ta nga ala a gonzo yi hanyisako; kanilezi kota lezi va nga ni tindleve ti nyakanyelelako a kuzwa, va ta ti lavela vagonzisi vo tsakisa kumbilukela kabye; 1 Tim. 1:10

2 Pedro 3:17

Hikwalaho, varanzekako, kota lezi mu byelilweko zilo lezi na zi nga se ku maheka, tlharihani, mu nga dzuka mu kokiwa hi zihambuko za vakubiha, mu retemuka kutiveni ka nwina. Mar. 13:23; Efe. 4:14

1 Johani 4:1

Varanzekako, mu nga kholwi mimoya yontlhe, kanilezi hlotani a mimoya mu tiva loku yi huma ka Nungungulu; hakuva a vaprofeti vanyingi va mawunwa va la suga fenemete laha tikweni. Jer. 29:8; Mat. 24:24; Kuv. 2:2

Juda 1:4

Hakuva ku enghenile vanhu vo kari hi xihundla, lava ku tsalilweko kale ha vona lezaku va ta koneka kulamulweni, mbanhu va nga chaviko Nungungulu, va hunzula tipswalo ta Nungungulu wa hina va ti yisa wubhayini va kaneta loyi a nga yena Nwinyi wa hina ni Hosi, Jesu Kristu. Rom. 9:21; 2 Ped. 2:10; 1 Joh. 2:22

Kuvululelwa 16:13

Nzi lo wona mimoya yinharu yo biha, yo khwatsi makhele, yi huma nonwini wa drako, ni nonwini wa xihari, ni nonwini wa muprofeti wa mawunwa. 1 Joh. 4:1-3; Xip. 12:3, 9; 19:20

Kuvululelwa 17:6

Nzi lo wona wasati na a popilwe hi nkhata wa vobasa, ni nkhata wa vakustumunyu va Jesu; nzi su hlamala nguvu. Xip. 6:9, 10; 13:15; 18:24

Kuvululelwa 19:20

A xihari xi lo khomiwa zinwe ni muprofeti wa mawunwa, loyi a nga maha zirewukiso mahlweni ka xona, lezi a nga khohlisa ha zona lava va nga wa amukele a xifungo xa xihari, ni lava va nga khozela a xifananiso xa xona; hi wumbiri gabye va lo hoxwa na va ha hanya lomu tiveni ga nzilo legi gi vurako hi solufa. Dan. 7:11; Xip. 13:12; 14:10; 16:13

Kuvululelwa 20:10

Zonake Satani, loyi a nga va khohlisa, i ta hoxwa tiveni ga nzilo ni solufa, laho ku nga kona xihari ni muprofeti wa mawunwa; va ta xaniswa mumu ni wusiku kala kupinzuka ni kupinzuka. Xip. 14:10, 11