Mateu 7:14 - Tshwa Bible

¹⁴ Kanilezi a nyangwa ya wutomi yi hlonganile, ni ndlela yi yako kona yi khumile, mbatsongwani lava va yi kumako.

Mateu 7:14 Mawu Ofanana

Tisimu 16:11

Wena u ta nzi kangeta a ndlela ya wutomi; A mahlweni ka wena ku tele hi litsako, Ni canjeni ga wena ga xinene ku tele hi kuxalala kala kupinzuka.

Mavingu 8:20

Nzi famba ndleleni ya kululama, omu xikari ka tisoko ta kulamula ku lulamileko:

Isaya 30:21

Loku u hambukela tlhelo ga xinene kutani tlhelo ga xibhabha, a tindleve ta wena ti tazwa a gezu lenzhako ka wena, giku: A ndlela hi leyi, famba ha yona.

Isaya 35:8

A gonzo gi tava kona laho, ni ndlela, Leyi yi ta nga vitanwa aku i Ndlela yi basileko; A vangahlazekangiko va nga ta hunza ha yona, Yi tava ya vona voce; Lava va ta nga famba ndleleni leyo, Hambu loku va hi zipumbu va nga ta lahleka. Joh. 14:6; Kuv. 21:27

Isaya 57:14

Aku: Bhoxani ndlela, ecanyetani misava, Basisani ndlela, Mu susa zikhunguvanyiso lomu ndleleni ya vanhu va mina.

Jeremia 6:16

Jehova i ngalo: Yimani tindleleni, mu languta; mu wutisela a tindlela ta kale, muku: Xana a ndlela yinene hi yihi ke? zonake fambani ha yona, mu ta kuma kuhumula ka mihefemulo ya nwina. Kanilezi vona va lo hlamula, vaku: A hi vumeli ku famba ha yona. Isa. 28:12; Mat. 11:29; 23:37

Mateu 20:16

Lezo a vo gumesa va ta maha va kuranga, ni va kuranga va ta maha vo gumesa. Xip. 19:30; 22:14

Mateu 22:14

Hakuva mbanyingi va rambilweko, kanilezi va tsongwani va hlawulilweko.

Mateu 7:13

Enghenani hi nyangwa yo hlongana; hakuva a nyangwa yi yako kulobyisweni yi anamile, ni ndlela yi komamako kona yi kulile; mbanyingi va fambako ha yona. Lu. 13:24

Mateu 7:15

Chavani a vaprofeti va mawunwa, lava va tako ka nwina na va ambele a tinguwo ta tiyivu, kanilezi timbilwini tabye va hi timhisi leti ti pamako. Deut. 13:3; Jer. 23:16; Rom. 16:17

Marku 8:34

I lo vitana a xidlemo zinwe ni vapizani vakwe, aku ngalo kabye: Loku munhu a ranza ku nzi lanzela, a ti tsike, a rwala xihambano xakwe, a nzi lanzela. Mat. 10:38; 16:24; Lu. 9:23

Luka 12:32

Nwina ntlhambi wu tsongwani, mu nga chavi; hakuva kuranza ka Raru wa nwina a ku mu nyika mufumo. Mat. 11:25, 26

Johani 16:2

Va ta mu hlongola masinagogeni; kunene, xa hata xikhati laha munwe ni munwani loyi a mu dayako, a ta nga alakanya lezaku i tirela Nungungulu. Xip. 9:22; Miti. 26:9, 10

Johani 16:33

Nzi mu tivisile a timhaka leti, lezaku mu fela kuva ni kurula a ka mina. Mu na ni kukarateka tikweni, kanilezi tiyani hlana, mina nzi hlulile tiko. Xip. 14:1, 27; 15:19; Rom. 5:1; 2 Tim. 3:12; 1 Joh. 4:4

Mitiro 14:22

na va tiyisa a mihefemulo ya vapizani, va va khongotela ku tiyiseta kukholweni, vaku hi yimelwe hi ku enghena mufunweni wa Nungungulu hi zikarato zo tala. Xip. 11:23; Mat. 10:38; Rom. 8:17

Va le Roma 12:2

Ngha mu nga pimanyisi a tiko ga nguva leyi; kanilezi ngha mu hunzuluswa hi ku mahiwa luswa a kupima ka nwina, kasi mu fela ku hlola mu tiva lezi zi nga kuranza ka Nungungulu, loku ko saseka, ku amukelekako, ni ku mbheleleko. Efe. 1:18; 1 Ped. 1:14; 1 Joh. 2:15

Va le Roma 9:32

Hikuyini ke? Hilezi va nga kala ku wu lava hi kukholwa, kanilezi va wu lava hi mitiro. Va lo khunguvanyeka ribyeni ga xikhunguvanyiso: Lu. 2:34; 1 Kor. 1:23