Mateu 7:13 - Tshwa Bible

¹³ Enghenani hi nyangwa yo hlongana; hakuva a nyangwa yi yako kulobyisweni yi anamile, ni ndlela yi komamako kona yi kulile; mbanyingi va fambako ha yona. Lu. 13:24

Mateu 7:13 Mawu Ofanana

Genesisi 6:12

Nungungulu i lo wona lezaku a misava yi wa onhekile; hakuva a vanhu vontlhe va wa onhile tindlela tabye laha misaveni.

Genesisi 6:5

Nungungulu i lo wona kuonha ka vanhu lezaku ku kulile laha misaveni, ni lezaku a mixuvo ya timbilu tabye yi bihile masiku wontihe.

Mavingu 16:25

Yi kona ndlela yi wonekako na yi lulamile munhwini, anilezi magumo ka yona yi yisa kufeni.

Mavingu 7:27

A yindlu yakwe i ndlela yi yako Xeole, i kongomako tindlwini ta kufa.

Mavingu 9:6

Tsikani wupumbu, mu ta hanya: ambani hi ndlela ya kupimisisa.

Isaya 1:9

Loku Jehova wa tiyimpi a wa nga hi siyelangi misalela, ngha hi wa kotile Sodoma, hi fanana na Gomora. Gen. 10:24; Mik. 3:22; Rom. 9:29

Isaya 35:8

A gonzo gi tava kona laho, ni ndlela, Leyi yi ta nga vitanwa aku i Ndlela yi basileko; A vangahlazekangiko va nga ta hunza ha yona, Yi tava ya vona voce; Lava va ta nga famba ndleleni leyo, Hambu loku va hi zipumbu va nga ta lahleka. Joh. 14:6; Kuv. 21:27

Isaya 55:7

A wa kubiha ngha a tsika ndlela yakwe, Ni loyi a nga lulamangiko a tsike maalakanyo yakwe; Ngha a tlhelela ka Jehova, na yena i tava ni tipswalo kakwe, Ni ka Nungungulu wa hina, hakuva i ta tsetselela hi matsenya.

Mateu 23:13

Kanilezi khombo a give ka nwina vatsali ni vaFarisi, nwina vaxengeteli! Hakuva mu valela vanhu a mufumo wa tilo; nwina wutsumbu a mu engheni, hambu ni ku va vumela va enghena lava va ranzako ku enghena.

Mateu 25:41

Zonake i taku ngalo ka lava va nga reveni gakwe ga xibhabha: Sukani ka mina, nwina mu rukatelweko, mu ya nzilweni wa pinzukelwa lowu wu longiselweko Satani ni tingelosi takwe; Tis. 6:8; 2 Ped. 2:4

Mateu 25:46

Ni lava va taya kutsayisweni ka pinzukelwa; kanilezi a valulamileko va taya wutomini ga pinzukelwa, Dan. 12:2; Joh. 5:29

Mateu 3:2

aku: Hunzulukani, hakuva mufumo wa tilo wu tshinele. Xip. 4:17; 10:7

Mateu 3:8

Hikwalaho humesani mihanzu yi kombisako kuhunzuluka.

Mateu 7:14

Kanilezi a nyangwa ya wutomi yi hlonganile, ni ndlela yi yako kona yi khumile, mbatsongwani lava va yi kumako.

Luka 14:33

Zinghaho ni wihi wa nwina a nga tsikiko zontlhe lezi a nga nazo, a nga zi koti ku maha mupizani wa mina.

Luka 9:33

Ku te laha ma nga onekana naye, Pedro aku ngalo ka Jesu: Hosi, zi hi sasekele a kuva hi tshama laha; hi vumele ku aka mixaxa minharu: munwe ngwa wena, ni munwe ngwa Mosi, ni munwe ngwa Elija; i wa nga zi tivi lezi a zi wulako.

Johani 10:9

Mina nzi nyangwa, loku munhu a enghena ha mina, i ta hanyiswa; i ta enghena a huma, a kuma mikova. Xip. 14:6; Efe. 2:18

Johani 14:6

Jesu aku kakwe: Mina nzi ndlela, ni zinene, ni wutomi; a nga kona a tako ka Dadani, loku a ngati ha mina. Xip. 1:4; 8:32; 10:9; Maheb. 9:8

Mitiro 3:19

Hikwalaho ti soleni, mu hunzuluka, kasi a zionho za nwina zi fela ku vinyetelwa, kasi ku chikela a zikhati za kuhumutwa hi le ka Hosi;

Va le Roma 9:22

Nungungulu na a ranza ku wonisa a zanga yakwe ni ku kombisa a ntamu wakwe, kutani loku a timisela nguvu hi zibya lezi za zanga lezi zi longiselweko a kudawa, u taku yini ke, 1 Tes. 5:9

2 Va le Korinte 4:4

hakuva a nungungulu wa misava leyi i pfhupelisile a kupima ka lava va nga kholwiko, kasi va nga woni a kuwonekela ka ivangeli yo ngangamela ya Kristu, loyi a nga mufananiso wa Nungungulu. Isa. 6:10; Joh. 12:31; 14:30; 16:10; Efe. 6:12; Fil. 2:6; Kol. 1:15; Maheb. 1:3

2 Va le Korinte 6:17

Hikwalaho ti hambanyiseni mu huma xikari ka vona, ku wula Hosi; mu nga khumbi a xilo xo nyenyeza, zonake nzi ta mu amukela. Isa. 52:11; Kuv. 18:4

Va le Galatia 5:24

Vona lava va nga va Kristu Jesu va belele a nyama yabye zinwe ni kumbilukela ni kunavela ka yona. Rom. 6:6

Va le Filipi 3:19

A kugumelwa kabye hi kulova; a nungungulu wabye hi xingwengwe, va ti dzunza hi lezi zi nga tingana tabye, va khatalela a zilo za misava ntsena.

1 Johani 5:19

Hina ha zi tiva lezaku hi va ka Nungungulu, ni lezaku a tiko gontlhe gi le ntanwini wa loyi wa kubiha.

Kuvululelwa 12:9

Zonake drako loyi wa hombe, a nga nyoka leyi ya kale, yi tibyako Muhlevi na Satani, a mukhohlisi wa tiko gontlhe, yena i lo hoxwa lahasi misaveni, ni tingelosi takwe ti lo hoxwa zinwe naye. Gen. 3:1; Lu. 10:18; Xip. 9:1

Kuvululelwa 13:8

Vontlhe lava va akileko misaveni va ta xi khozela, vontlhe lava a mavito yabye ma nga tsaliwangiko bhukwini ga wutomi ga Yivana leyi yi nga tlhabyiwa hi le kusanguleni ka tiko. Ekso. 32:32; Fil. 4:3; Xip. 17:8

Kuvululelwa 20:15

Ni wihi loyi ku nga tsaliwangiko a vito gakwe lomu bhukwini ga wutomi, i lo hoxwa tiveni ga nzilo.

Kuvululelwa 20:3

Yi lo mu hoxa nkeleni wa lieswila, yi wu vala, yi wu tiyisa hi xifungo hehla kakwe, kasi a nga khohlisi matiko ku kala ku mbhela 1,000 wa malembe. Anzhako ka lezo i yimelwe hi kuva a tlhatlhiwa xikhatanyana. Dan. 6:17; Xip. 16:14