Mateu 6:5 - Tshwa Bible

⁵ Laha mu khongelako, mu nge khwatsi hi vaxengeteli, lava va ranzako a ku khongela na va yimile masinagogeni ni lomu mahanzakanyeni ya maphango, kasi va fela ku woniwa hi vanhu. Hizinene nziku ka nwina, va sina va amukele a nchachazelo wabye.

Mateu 6:5 Mawu Ofanana

Tisimu 5:2

Ingisa kurila ka mina, Hosi ya mina ni Nungungulu wa mina, Hakuva nza ku kombela.

Tisimu 55:17

Nzi ta kombela, nziba huwa laha gambyeni, ni mixo ni hlikanhi; Yena i tazwa a gezu ga mina. Dan. 6:10

Mavingu 15:8

A muphahlo wa va kubiha manyala ka Jehova; anilezi i tsakiswa hi mukombelo wa valulamileko.

Mavingu 16:5

Vontlhe lava va nga ni mbilu ya ku ti kulisa va hi manyalataniso ka Jehova; ima va nga ta pona ku tsayiswa.

Isaya 1:15

Loku mu tlakusela mandla ya nwina ka mina, nzi ta ti vala mahlo; ni loku mu anzisa mikombelo, nzi nga ta yi ingisela, hakuva a mandla ya nwina ma tele hi nkhata.

Jeremia 29:12

Mu ta nzi vitana, mu famba mu nzi khongela, mina nzi ta mu ingisa.

Danieli 6:10

Laha Danieli a ngazwa lezaku a nayo wu tiyisilwe, i loya ndlwini yakwe, laha a tinjhanela ta kwaruto yakwe ya le hehla ti nga vululwe ngomama ni Jerusalema, a khizama hi madzolo a khongela makhati manharu hi siku, na a bonga Nungungulu wakwe khwatsi hi zikhati zi hunzileko. 1 Tih. 8:44, 48

Mateu 21:22

Ni zilo zontlhe mu ta nga zi kombela hi kukhongela, na mu kholwa, mu ta amukeliswa. Mar. 11:24; Lu. 11:9; Jak. 5:16

Mateu 23:13

Kanilezi khombo a give ka nwina vatsali ni vaFarisi, nwina vaxengeteli! Hakuva mu valela vanhu a mufumo wa tilo; nwina wutsumbu a mu engheni, hambu ni ku va vumela va enghena lava va ranzako ku enghena.

Mateu 23:5

A mitiro yabye yontlhe va yi maha kasi ku woniwa hi vanhu; hakuva va anamisa a mafilakterio yabye, va lehisa a machakafula ya tinguwo tabye. Mitse. 15:38; Deut. 22:12

Mateu 23:6

Va ranza a zitshamu za le mahlweni lomu mibuzweni, ni zitshamu za le mahlweni masinagogeni,

Mateu 6:1

Ti woneleni lezaku mu nga mahi a kululama ka nwina mahlweni ka vanhu, kasi ma wonwa hi vona; loku zi nge nghaho a mu na nchachazelo ka Raru wa nwina wa le tilweni.

Mateu 6:16

Loku mu yila, mu nga tsuvi khwatsi hi vaxengeteli, hakuva va tshuvika tinghohe tabye, kasi va fela ku wonwa hi vanhu vaku va yila. Hizinene nziku ka nwina, va sina va wu amukele a nchachazelo wabye. Isa. 58:5

Mateu 6:2

Hikwalaho loku u nyika loyi a vumalako, u ngabi mpunzu mahlweni ka wena, khwatsi hi lezi va mahako a vaxengeteli masinagogeni ni lomo maphangweni, kasi va fela ku dumiswa hi vanhu. Hizinene nziku ka nwina; Va sina va amukele a nchachazelo wabye. Rom. 12:8

Mateu 9:38

Hikwalaho kombelani a Hosi ya kutshovela, lezaku yi rumela a zitiri kutshoveleni ka yona.

Marku 11:25

Loku mu yimile mu khongela, tsetselelani a munhu loyi mu nga hi ni mhaka naye; kasi ni Raru wa nwina loyi a nga le tilweni a fela ku mu tsetselela a zihambuko za nwina. Mat. 6:14; Kol. 3:13

Marku 12:38

A kugonziseni kakwe aku ngalo: Tlharihani hi vatsali, lava va ranzako ku famba na va ambele a tinguwo to leha ni ku losiwa lomu maphangweni, Mat. 23:1; Lu. 11:43; 20:46

Luka 11:43

Khombo a give ka nwina vaFarisi; hakuva mu ranza a zitshamu za le mahlweni masinagogeni, ni kuloswa wutshanwini go hlengeletana. Mat. 23:6; Mar. 12:38, 39

Luka 18:1

Yena i lo kanela kabye a mufananiso xungetano ni lezaku va fanele ku khongela a xikhati xontlhe, va nga Xip. 11:5; Rom. 12:12; Kol. 4:2

Luka 18:13

Kanilezi a muhlengisi i lo yima kule, a nga tiyangi ni ku tlakusa a mahlo yakwe le tilweni, kanilezi a tiba xifuva, aku: Nungungulu, ngha u hi ni wuxinji ka mina nzi nga muonhi.

Luka 20:47

kanilezi na va phanga a tiyindlu ta tinoni, a xikhati va mahako mikhongelo yo leha. Vona va ta tsayiswa hi tsayiselelo wa hombe. Mat. 23:14

Luka 6:24

Kanilezi mu tava ni khombo nwina lava mu fumileko; hakuva mu sina mu tangalisilwe. Am. 6:1; Mat. 6:2, 5, 16

Johani 16:24

Cima ka lezi a mu se nga kombela nchumu vitweni ga mina; kombelani, mu ta nyikiwa, kasi a kutsaka ka nwina ku fela ku mbhelela.

Va le Efesusi 6:18

Khongelani zikhati zontlhe hi mikhongelo ni kukombela hi Moya, mu rinzela hi lihlaza-mbilu ni ku kombelela a vobasa vontlhe. Lu. 18:1; Fil. 1:4

1 Va le Tesalonika 5:17

Khongelani mu nga tsiki. Lu. 18:1

Jakobe 4:6

Kanilezi yena wa hi engetela tipswalo, hikwalaho a mutsalo wu ngalo: Nungungulu wa ala a vamatshanza, kanilezi a nyika tipswalo ka lava va ti koramisako. Mav. 3:34; 1 Ped. 5:5