Mateu 6:4 - Tshwa Bible

⁴ lezaku a zinyikiwo za wena zi nyikiwa kufihlaleni; zonake a Raru wa wena loyi a wonako kufihlaleni i ta ku tlhelisela. Lu. 14:14

Mateu 6:4 Mawu Ofanana

Tisimu 139:12

A ka wena a munyama a wu phumi, A wusiku gica kukotisa hlikanhi; A ka wena a munyama ni kuwonekela zi ringene. Jak. 1:17

Tisimu 17:3

U hlolile a mbilu ya mina, u yi hlolisisa ni wusiku; U nzi hlolile, kanilezi a ku kumangi nanzu; A maalakanyo yo biha a ma humi nonwini wa mina.

Tisimu 44:21

Xana Nungungulu a wa nga zi tivangi ke? Hakuva wa tiva a mifihlakalo ya mbilu.

Mavingu 25:22

Hakuva zi tava a nhulu ya makhala ya nzilo hehla ka hloko yakwe, a Jehova i ta ku chachazela.

Jeremia 17:10

Mina Jehova nzi hlota mbilu, nzi kamba a tiswa; Nzi nyika ka munwe ni munwani kota mahanyela yakwe, Kukotisa a mbhanzu wa zimaho zakwe. 1 Sam. 16:7; Rom. 2:6; Kuv. 2:23

Jeremia 23:24

Xana munhu a nga fihlala matshanwini ya zihundla lezaku nzi nga mu woni ke? ku wula Jehova. Xana a nzi tatisi a tilo ni misava ke? ku wula Jehova.

Mateu 10:42

Kani hi mani a nyikako ka munwe wa lava va tsongwani a khokho ga mati yo titimela ntsena, hi ku tiva lezaku mupizani, hizinene nziku ka nwina, a nga ta lahlekelwa hi nchachazelo wakwe. Mar. 9:41; Maheb. 6:10

Mateu 6:18

kasi u fela ku kala u nga wonwi hi vanhu lezaku wa yila, u woniwa ntsena hi Raru wa wena loyi a nga xihundleni; zonake a Raru wa wena loyi a wonako xihundleni, i ta ku tlhelisela.

Mateu 6:3

Kanilezi loku u nyika lava va vumalako, ngha na canja ga wena ga xibhabha gi nga zi tivi lezi zi mahiwako hi ga xinene,

Mateu 6:6

Kanilezi wena; loku u khongela, enghena ndlwini ya wena, zonake loku u valile livati, khongela ka Raru wa wena loyi a nga xihundleni, ni Raru wa wena loyi a wonako xihundleni i taku tlhelisela. 2 Tih. 4:33

Luka 14:14

zonake u ta kateka, hakuva va vumala za ku ku tlhelisela ha zona; hakuva u ta tlheliselwa a kuvukeni ka valulamileko.

Luka 8:17

Hakuva a ku na zilo xi fihlilweko, xi ta nga kala ku wonekeliswa; hambu ni xilo xa le xihundleni, lexi xi ta nga kala ku tibyiwa xita kubaseni. Mat. 10:26; Xip. 12:2

1 Va le Korinte 4:5

Hikwalaho mu nga lamuli nchumu hi xihatla, yi kala yita Hosi; leyi yi ta nga humesa kubaseni a zilo zi fihlilweko za munyama, yi wonekelisa a makungo ya timbilu; zonake munwe ni munwani i ta kuma hi ka Nungungulu a kudzunziwa loku ku mu ringeneko. Mat. 7:1; Rom. 2:29; 2 Kor. 5:10; Kuv. 20:12

Maheberu 4:13

Hakuva a xi kona ximahwa xi fihlilweko mahlweni ka yena; kanilezi zontlhe zi vululwe ziku dlunya mahlweni ya yena loyi hi ta nga ti hlamulela mahlweni kakwe.

Juda 1:24

Makunu loyi a nga ni ntamu wo mu hlayisa kasi mu nga khunguvanyeki, a mu yimisa na mu nga hi na nanzu mahlweni ka kungangamela kakwe na mu kari mu tsaka, Efe. 3:20; Kol. 1:22

Kuvululelwa 2:23

A vana vakwe nzi ta va daya hi kufa; zonake a mabandla wontihe ma ta zi tiva lezaku hi mina nzi hlolako tiswa ni timbilu, nzi ta nyika munwe ni munwani wa nwina khwatsi hi mitiro yakwe. 1 Sam. 16:7; Tis. 62:12; Rom. 2:6

1 Samueli 2:30

Hikwalaho Jehova Nungungulu wa ka Israeli i ngalo: Mina nzi wulile lezaku a yindlu ya wena ni yindlu ya raru wa wena yi ta famba mahlweni ka mina kala kupinzuka. Kanilezi makunu Jehova i ngalo: Lezo a zive kule na mina! Hakuva nzi ta dzunza lava va nzi dzunzako; kanilezi lava va nzi kanyisako va ta wiswa tingana.