Mateu 6:33 - Tshwa Bible

³³ Kanilezi a kuranga lavani mufumo wakwe, ni kululama kakwe, zonake ku ta engetelwa ka nwina zontlhe lezi zilo. Tis. 37:25; Mar. 10:30; Lu. 12:31

Mateu 6:33 Mawu Ofanana

1 Tihosi 17:13

Elija i te ngalo kakwe: U nga chavi! Famba u ya maha kota lezi u wulileko; ntsena lezaku ranga hi ku ya nzi mahela a xikhekhetselo u nzi nehela leno handle, anzhako ka lezo u ta ti bhikela za wena ni nʼwana wa wena.

Tisimu 112:3

A titshomba ni kufuma zi tava ndlwini yakwe, A kululama kakwe ku simamisa kala kupinzuka.

Tisimu 37:25

Nzi wa hi muswa, makunu nzi wa kale, Kanilezi a nzi se nga wona a wakululama a tsikiwa, Ge hambu ku wona a vanana vakwe va kombela zakuga.

Tisimu 37:3

Tsumba Jehova, u maha kusaseka; Lezo u ta aka tikweni, u tsumbeka.

Mavingu 10:3

Jehova a nga ta tsika muhefemulo wa a lulamileko wuzwa ndlala, anilezi wa ala a kunavela ka wa kubiha.

Mavingu 28:10

Loyi a hambukisako va kululama tindleleni ta kubiha, ta wela rinzini legi a gi kelileko; anilezi a valulamileko va taga tshomba yo saseka. Mat. 15:14

Mavingu 8:18

A wukosi ni kudzunzeka zi na mina, na, a wukosi gi nga mbheliko ni kululama.

Mutshawuteli 10:2

A mbilu ya tlhari yi le reveni gakwe ga xinene, kanilezi a mbilu ya xipumbu yi le reveni ga ximatse.

Isaya 26:9

A muhefemulo wa mina wu ku xuvile ni wusiku, A moya wu nga nzeni ka mina wu hlotisisa wena; Hakuva loku u tsayisa misava kulamuleni ka wena, A vaaki va yona va gonza kululama.

Isaya 33:6

Mu ta tshameka masikwini ya wena, A wutlhari ni wutivi gi ta vanga kuhanyiswa; Ni kuchava Jehova hi tshomba ya Zioni.

Isaya 45:24

Ku wulilwe ku ngalo: A kululama ni ntamu zi le ka Jehova yece. Va tata kakwe na va kanganyiseka Vontlhe lava va mu zangareleko.

Jeremia 23:6

Juda i ta hanyiswa masikwini yakwe, na Israeli i ta tshama hi kurula. Legi hi vito gakwe a to vitanwa ha gona: Jehova hi kululama ka hina.

Mateu 19:28

Jesu i lo va hlamula, aku: Hizinene nziku ka nwina: Hi xikhatini xa ku vuxetwa luswa ka zontlhe, laha a Nʼwana wa munhu a ta nga tshama xitshanwini xakwe xa wuhosi, nwina lava mu nzi lanzeleko mu ta tshama ka 12 wa zitshamu za wuhosi, mu lamula a 12 wa tixaka ta Israeli.

Mateu 19:29

Zonake ni wihi loyi a siyileko tiyindlu, kutani vanakulobye, kutani vamakabye, kutani raru, kutani nyine, kutani vanana, kutani zipetso hi kota ya vito ga mina, i ta kuma a za kutala ku hunza, i taga a tshomba ya wutomi ga pinzukelwa.

Mateu 3:2

aku: Hunzulukani, hakuva mufumo wa tilo wu tshinele. Xip. 4:17; 10:7

Mateu 4:17

A ka xikhati lexo Jesu i lo sangula ku kanela, aku: Hunzulukani, hakuva a mufumo wa tilo wu tshinele. Mar. 1:14, 15; Xip. 10:7

Mateu 5:6

Va katekile lava va nga ni ndlala ya leʼzo lulama ni tora ga zona, hakuva va ta xuriswa. Isa. 55:1

Luka 1:6

Hi wumbiri gabye va wa lulamile mahlweni ka Nungungulu, va gonga yontlhe milayo ni zileletelo za Hosi, va nga hi na nanzu. Gen. 11:1

Luka 12:31

kanilezi lavani a mufumo wakwe, zonake lezi zilo zi ta engetelwa ka nwina. Mat. 6:33

Johani 5:4

Hakuva a ngelosi yi wa relela hi zikhati zo kari, yi ta vindlukisa a mati ya lomu xitivaneni; zonake loyi a nga ranga a enghena matini loku mati ma vindlusilwe, i wa hanyiswa hi gihi wubabyi legi a nga hi nago.

Johani 6:27

Mu nga tireli a zakuga lezi zi mbhelako, kanilezi tirelani a zakuga lezi zi simamisako wutomini ga pinzukelwa, lezi a Nʼwana wa munhu a ta nga mu nyika zona; hakuva hi yena loyi a vekilweko xifungo hi Dadani, loyi a nga Nungungulu. Mat. 3:17; 17:5; Xip. 4:14

Mitiro 20:25

Makunu nza zi tiva lezaku nwina nwentlhe, lava nzi nga fambafamba xikari ka nwina nzi kanela a mufumo wa Nungungulu, mu nga ta ha wona a nghohe ya mina kambe. Rom. 15:23

Mitiro 28:31

na a kanela hi mufumo wa Nungungulu, a gonzisa a timhaka ta Hosi Jesu Kristu hi kutiya kontlhe, na a nga tsimbetelwi hi munhu. Xip. 4:31; Efe. 6:19

Va le Roma 1:17

Hakuva a kululama ka Nungungulu ku wonekelisilwe ka yona, ku huma kukholweni ku yisa kukholweni; khwatsi hi lezi ku tsalilweko ku ngalo: Loyi a lulamileko i ta hanya, hi kukholwa. Xip. 3:21; Hab. 2:4; Joh. 3:36; Gal. 3:11

Va le Roma 10:3

Hakuva va wa kohlwa hi kululama ka Nungungulu, na va lava ku ti yimisela a kabye kululama, a va ti koramisangi kululameni ka Nungungulu.

Va le Roma 14:17

Hakuva a mufumo wa Nungungulu a hi kuga ni kunwa, kanilezi hi kululama ni kurula ni kutsaka hi Moya wa ku Basa. 1 Kor. 8:8

Va le Roma 8:31

Makunu hi taku yini hi lezi zilo ke? Loku Nungungulu a hi zinwe na hina; himani loyi a nga hi vukelako ke?

1 Va le Korinte 1:30

Kanilezi i ntiro wakwe lezi nwina mu nga ka Kristu Jesu, loyi Nungungulu a nga mu yimisa a kuva wutlhari ga hina, ni kululama ka hina, ni kubasiswa ni kutirulwa.

1 Va le Korinte 3:22

hambu a hi Paule, kutani Apolose, kutani Kefasi, kutani misava, kutani wutomi, kutani kufa, kutani lezi zi nga kona, kutani lezi zi ta ngata; zontlhe za nwina;

2 Va le Korinte 5:21

Hakuva loyi a nga kala a nga ku tivi kuonha, Nungungulu i lo mu maha xionho hi kota ya hina; lezaku ha yena hi fela kuva kululama ka Nungungulu. Isa. 53:6, 9; Jer. 23:6; Rom. 1:17; Gal. 3:13; Fil. 3:9; Maheb. 7:26

Va le Filipi 3:9

nzi kumiwa ka yena, na nzi nga hi na kululama ka mina loku ku nga ka nayo, kanilezi loku ku nga ka kukholwa ka Kristu, a kululama loku ku tako hi ka Nungungulu hi kukholwa, Tis. 143:2; Isa. 64:6; Rom. 1:17; 10:3; Gal. 2:16; 2 Ped. 1:1

2 Va le Tesalonika 1:5

Lezo za komba lezaku a kulamula ka Nungungulu ku lulamile; aku kasi ma fela ku hlayelwa lezaku mu fanelwe hi mufumo wa Nungungulu, lowu mu xanisekelako wona. Fil. 1:28; Kuv. 3:4

1 Timote 4:8

Hakuva a ku ti toloveta a ntiro wa miri ka vuna kutsongwani, kanilezi a kuhanya ka kukholwa ka vuna zilweni zontlhe; ku na ni xitsumbiso xa wutomi kuhanyeni loku ni ka loku ku tako. Tis. 37:4; 84:11; Mat. 6:33

2 Pedro 1:1

Simoni Pedro, a nanza tlhelo mupostoli wa Jesu Kristu, nza rungula vona lava va kumileko a kukholwa ku nga ni tsengo wa hombe wo fanana ni loku hi ku kumileko hina kululameni ka Nungungulu wa hina tlhelo Muhanyisi Jesu Kristu, nziku:

2 Pedro 1:11

hakuva hi ku maha lezo mu ta nyikiwa a ku enghena mufunweni wu nga mbheliko wa Hosi ya hina ni Muhanyisi Jesu Kristu.