Mateu 6:25 - Tshwa Bible

²⁵ Hikwalaho nziku ka nwina: Mu nga karatekeli a kuhanya ka nwina, lezaku mu taga yini, kutani mu tanwa yini; hambu ni miri wa nwina, lezaku mu ta ambala yini. A kuhanya a ku hunzi kuga ke, ni miri a wu hunzi a tinguwo ke? Tis. 55:22; Fil. 4:6; 1 Ped. 5:7

Mateu 6:25 Mawu Ofanana

Tisimu 55:22

Rula a nzhwalo wa wena ka Jehova, i ta ku seketela, Cima a nga ta vumela loyi a lulamileko a ku tsekatsekiswa. Mat. 6:25; Lu. 12:22; 1 Ped. 5:7

Jeremia 45:5

Xana u ti lavela a zilo za hombe ke? U nga zi lavi, hakuva nzi ta neha makhombo hehla ka nyama yontlhe, ku wula Jehova. Kanilezi a wutomi ga wena nzi ta ku nyika giku khwatsi muphango matshanwini wontihe lawa u ta ngaya ka wona.

Mateu 10:19

Kanilezi loku va mu nyikela kabye, mu nga kanakani muku mu ta wulawulisa kuyini niku zini mu ta nga wulawula, hakuva zi ta nyikiwa ka nwina hi xikhati lexi mu ta nga wulawula. Ekso. 4:12; Mar. 13:11-13; Lu. 12:11

Mateu 13:22

Loyi a nga xwanyiwa xikari ka mizwa, hi yena loyi a zwako mhaka, kanilezi a kukaratekela a zilo za tiko, ni kukhohlisa ka xuma, ku tlimba a mhaka, lezaku yi nga pswali mihanzu. Jer. 4:3; Mar. 10:23

Mateu 6:31

Hikwalaho mu nga karateki, muku; Hi taga yini? kutani, Hi tanwa yini? kutani, Xana hi ta zi kuma kwihi a za kuambala?

Mateu 6:34

Hikwalaho mu nga karatekeli za manziko; hakuva manziko i ta karatekela a wutsumbu ga yena. A siku ginwe ni ginwani gi na ni khombo gi ringanako gona.

Marku 13:11

Laha va mu kokovisako a ku mu yisa kulamulweni, mu nga kanakani hi lezi mu ta nga zi wula; kanilezi wulawuleni lezi mu ta nga nyikiwa hi xikhati xwalexo; hakuva a hi nwina lava mu wulawulako, kanilezi hi Moya wa ku Basa. Mat. 10:19; Lu. 12:11; Miti. 2:4

Marku 4:19

kanilezi a kukaratekela a za tiko, ni kukhohlisa ka kufuma, ni ku navela zilo zinwani ku enghena kabye ku tlimba mhaka, yi nga ha pswali mihanzu. 1 Tim. 6:9, 17

Luka 12:11

Loku va mu yisa mahlweni ka masinagoga, ni ka vafumeli, ni ka tihosi, mu nga kanakani lezaku mu ta ti hlamulela hi yini, ni lezaku mu ta wulawula yini; Mat. 10:19; Mar. 13:11; Xip. 21:14

Luka 8:14

Ni leti ti weleko mizweni, hi vona lava va zwileko; kanilezi loku va ti fambela va tlimbiwa hi kukaratekela, ni kufuma ni kutsaka ka kuhanya loku; a va pswali mihanzu yi kala yi buva.

Va le Roma 8:32

Yena loyi a nga kala ku ala ni Nʼwana wakwe, kanilezi a mu nyikela hi kota ya hina hontlhe, xana a nga ta hi nyika zilo zontlhe zinwe naye ke?

1 Va le Korinte 7:32

Kanilezi nzi ranza ku ngha mu tlhatlheka kukaratekeni. Loyi a nga tekangiko i chela kota hi zilo za Hosi, lezaku i ta yi nengelisisa kuyini a Hosi. 1 Tim. 5:5

Va le Filipi 4:6

Mu nga kanakaneli nchumu; kanilezi a timhakeni tontlhe tivisani a mixuvo ya nwina ka Nungungulu hi kukombela ni kukhongotela, na mu kari mu bonga. Tis. 55:2; Mav. 16:3; Mat. 6:25; Lu. 12:22

2 Timote 2:4

Loku a munhu aya yimpini a nga ti binzisi hi mitiro ya loku kuhanya, hakuva i fela ku tsakisa loyi a mu hlomisileko. 1 Kor. 9:25

1 Pedro 5:7

Vekani hehla ka yena kontlhe a kukarateka ka nwina, hakuva wa mu khatalela. Tis. 37:5