Mateu 6:12 - Tshwa Bible

¹² Hi tsetselele milanzu ya hina, khwatsi hilezi hi va tsetselelako lava va nga ni milanzu ka hina. Xip. 18:21

Mateu 6:12 Mawu Ofanana

1 Tihosi 8:30

Ingisa kukhongela ka nanza ga wena, ni ka vanhu va wena va ka Israeli, loku va ta khongela ka legi wutshamu. Ingisa na u hi kwaleyo tilweni wutshanwini ga wena, ni laha u zwako, tsetselela!

1 Tihosi 8:34

zi ingise wena na u hi kwaseyo tilweni, u tsetselela a vanhu va wena va ka Israeli a kuonha kabye, u va tlhelisela ka tiko legi u nyikileko vadadani vabye!

1 Tihosi 8:39

va ingise na u hi kwaseyo tilweni laho u tshamileko kona, u va tsetselela u tira; u nyika ka munwe ni munwani kotisa tindlela takwe, kota lezi wena u tivako a mbilu ya munhu, hakuva hi wena wece u tivako timbilu ta vontlhe vanana va vanhu, Tis. 7:10; Jer. 11:20; 17:10

1 Tihosi 8:50

u tsetselela a vanhu va wena a zionho lezi va ku onheleko ha zona, ni zihambuko zabye zontlhe lezi va zi mahileko, u va maha va hawukelwa hi vakhomi vabye, kasi va fela ku va tsetselela,

Tisimu 130:4

Kanilezi a kutsetselelwa ku le ka wena, Lezaku wena u chabyiwa. Dan. 9:9

Tisimu 32:1

I katekile yena loyi a xihambuko xakwe xi tsetselelweko, Loyi a xionho xakwe xi fenengetilweko. Rom. 4:6

Eksodusi 34:7

loyi a nga ni wuxinji ka khume ga mazana, loyi a tsetselelako munhu wa kubiha, ni wa kuhambuka ni kuonha; kanilezi lava va nga ti soliko hi milanzu leyi va nga nayo a nga va rivaleli; kanilezi i tsayisa a vanana ni vazukulu kala ku chikela ka xizukulwana xa wunharu ni xa wumune, hi kota ya kuonha ka vapswali vabye. Joba 9:2; Jer. 32:18; Nah. 1:3

Isaya 1:18

Tanani, hi wulawulisana timhaka, ku wula Jehova. Hambu loku zionho za nwina zi pswhukile, zi nga basa khwatsi i gapongo; hambu loku zi pswhukisile ku zirila, zi nga ku khwatsi i woya go basa.

Danieli 9:19

Hosi, zwana! Hosi, tsetselela! Hosi, ingisa, tira u nga hlweli; hi kota ya vito ga wena, Nungungulu wa mina, hakuva a muti wa wena ni vanhu va wena va vitanwa hi vito ga wena.

Mateu 26:28

hakuva lexi hi nkhata wa mina wa xivumelwano xiswa, lowu wu halatelwako a vanyingi a kutsetselelweni ka zionho. Ekso. 24:8; Jer. 31:31; Rom. 5:15

Mateu 9:2

Ku lo nehiwa kakwe a munhu a nga file reve ga tlhelo, na etlele sangweni. Jesu na a wona kukholwa kabye i te ngalo ka loyi a nga file reve ga tlhelo; Nwananga, tiya hlana. A zionho za wena zi tsetselelwe. Mar. 2:3; Lu. 5:18; Xip. 8:10

Marku 11:25

Loku mu yimile mu khongela, tsetselelani a munhu loyi mu nga hi ni mhaka naye; kasi ni Raru wa nwina loyi a nga le tilweni a fela ku mu tsetselela a zihambuko za nwina. Mat. 6:14; Kol. 3:13

Luka 11:4

Hi tsetselele a zionho za hina; hakuva na hinawu ha tsetselela vontlhelele lava va aga ni milanzu ka hina. U nga hi yisi kuringweni.

Luka 13:4

Hambu ni lavo va khume ni ntlhanu ni vanharu, lava va nga welwa hi likhokhola la Siloame, li va daya; mu alakanya lezaku va wa hi vanyamilanzu ku hunza vanwani lava va akileko Jerusalema ke?

Luka 6:37

Mu nga lamuli, na nwina mu nga ta lamuliwa; mu nga koni, na nwina mu nga ta koniwa; tsetselelani, na nwina mu ta tsetselelwa. Mat. 7:1

Mitiro 13:38

Hikwalaho, vamakabye, ngha zi tiveka ka nwina, lezaku ha yena ku biwa hungu ka nwina hi kutsetselelwa ka zionho.

Va le Efesusi 1:7

Hi kuma ha yena a kutirulwa ka hina hi kota ya nkhata wakwe, ku nga kutsetselelwa ka zihambuko za hina, hi ku ringana ni kutala ka tipswalo takwe, Rom. 3:24; Maheb. 9:12

Va le Efesusi 4:32

Ngha mu hi ni wunene ka munwe ni munwani, mu zwelana wusiwana, ni ku tsetselelana, kota lezi Nungungulu kambe a nga mu tsetselela ha Kristu.

Va le Kolosi 3:13

Honiselanani ni ku tsetselelana; loku munhu a hi ni xisolo ka munwani, kota lezi Hosi yi nga mu tsetselela, nwinawu mahani zalezo.