Mateu 5:6 - Tshwa Bible

⁶ Va katekile lava va nga ni ndlala ya leʼzo lulama ni tora ga zona, hakuva va ta xuriswa. Isa. 55:1

Mateu 5:6 Mawu Ofanana

Tisimu 107:9

Hakuva wa kolwisa a muhefemulo wu nga ni tora, A muhefemulo wu nga ni ndlala i wu xurisa hi malongo.

Tisimu 145:19

Lava va mu chavako va nyikwa lezi va zi ranzako, I tazwa kurila kabye, a va ponisa.

Tisimu 17:15

A kululameni ka mina nzi ta wona a nghohe ya wena, Loku nzi khindlimuka nzi ta eneliswa hi dzumba ga wena. Mat. 5:8; Joh. 17:24; 1 Kor. 13:12

Tisimu 63:5

A muhefemulo wa mina wu to khwatsi wu xure hi mongo ni mafura; A nomu wa mina wu ta ku dumisa hi milomu yi tsakako,

Tisimu 65:4

I katekile a munhu loye wena u mu hlawulako, loye u mu tshinelako ka wena, Kasi a fela ku tshama ziluvelweni za wena. Hina hi ta xura hi malongo ya yindlu ya wena, Le wutshanwini go basa ga tempeli ya wena.

Tisimu 84:2

A muhefemulo wa mina wa xuva, ina, wa navela a ziluvelo za Jehova; A mbilu ya mina ni miri wa mina za rilela hi kutsaka ka Nungungulu a hanyako.

Mavingu 10:24

Lexi a xi chavako a wa kubiha xi ta mu wela; anilezi a wa kululama i ta mahelwa mixuvo yakwe.

Mavingu 21:21

Loyi a lanzelako kululama ni wuxinji, ta kuma wutomi, ni kululama ni wudzunzo.

Xizimba xa ka Solomoni 5:1

Nzi enghenile sinwini ga mina, makweru wanga, makoti wa mina; Nzi wungeletele a mure wa mina ni mipepo ya mina; Nzi gile a zihahla za mina ni wulombe ga mina, Nzi nwile vinya ga mina ni masi. Ganani maxaka; nwanani, mu popiwa hi liranzo.

Isaya 25:6

A ka xitsunga lexi Jehova wa tiyimpi i ta mahela matiko wontihe a mubuzo, Mubuzo wa zilo zi nonileko, ni vinya gi hlutilweko, Zakuga za mafura ni mongo, ni vinya go bava gi minyilweko.

Isaya 41:17

Lava va tsimbeketilweko ni vavumali va lava mati va nga ma kumi, A tirimi tabye ti womile hi tora; Kanilezi mina Jehova nzi ta vazwa, Mina Nungungulu wa ka Israeli nzi nga ta va tsika.

Isaya 44:3

Hakuva nzi ta nyika mati ka lava va nga ni tora, Ni micongwana a misaveni yi womileko; Nzi ta chulula a Moya wa mina hehla ka vana va wena, Ni xikatekiso xa mina hehla ka mahluke ya wena;

Isaya 65:13

Hikwalaho Hosi Jehova i ngalo: A malanza ya mina ma taga, kanilezi nwina mu tava ni ndlala, A malanza ya mina ma tanwa, kanilezi nwina mu tazwa tora; A malanza ya mina ma ta tsaka, kanilezi nwina mu tava ni tingana.

Isaya 66:11

Kasi mu ta anwa mu xura Hi mali ya kuchavelelwa kakwe; Kasi mu ta buzela, Mu tsakiswa hi wunyingi ga mavele yakwe.

Jeremia 31:25

Hakuva nzi mahile a muhefemulo wu kareleko wuku retsevele, ni mihefemulo yontlhe yi xanisekako nzi yi xurisile. Tis. 107:9; Mat. 11:28

Luka 1:53

Lava va nga ni ndlala i va xurisile hi lezi zo nanziha; A tlhelisa lava va fumileko na Va nga hi na nchumu.

Luka 6:21

Mu katekile nwina lava mu zwako ndlala lezi, hakuva mu ta xurisiwa. Mu katekile nwina lava mu rilako lezi, hakuva mu ta tsaka. Isa. 55:1; 65:13; Mat. 5:4, 6

Luka 6:25

Mu na ni khombo nwina lava mu xurileko lezi; hakuva mu tazwa ndlala. Mu na ni khombo nwina lava mu hlekako lezi; hakuva mu taba mikosi mu rila. Isa. 65:13

Johani 4:14

kanilezi kani hi wihi a nwako mati laya nzi mu nyikako wona, cima a nga tazwa tora; kanilezi a mati laya nzi mu nyikako wona, ma ta maha a xibuka xa mati nzeni kakwe, laya ma velako ma yisa wutomini ga pinzukelwa. Xip. 6:35, 58; 7:38

Johani 6:27

Mu nga tireli a zakuga lezi zi mbhelako, kanilezi tirelani a zakuga lezi zi simamisako wutomini ga pinzukelwa, lezi a Nʼwana wa munhu a ta nga mu nyika zona; hakuva hi yena loyi a vekilweko xifungo hi Dadani, loyi a nga Nungungulu. Mat. 3:17; 17:5; Xip. 4:14

Johani 7:37

Hi siku go gumesa, legi gi nga siku ga hombe ga mubuzo, Jesu i lo yima, aba hungu, aku: Loku munhu azwa tora, a ate ka mina, a tanwa. Levi 23:36; Isa. 55:1; Kuv. 22:17

Kuvululelwa 7:16

Va nga ha tazwa ndlala, hambu ni tora, va nga ha ta tlahulwa hi gambo ni kuhisa. Tis. 121:6; Isa. 49:10