Mateu 5:29 - Tshwa Bible

²⁹ Loku a tihlo ga wena ga xinene gi ku maha u khubeka, gi xokole, u gi hoxa kule; hakuva zi ku sasekele lezaku xiro xinwe xa wena xi lova, lezaku kasi a miri wa wena wontihe wu nga hoxiwi Gehena. Xip. 18:8, 9; Mar. 9:43-47; Rom. 8:13

Mateu 5:29 Mawu Ofanana

Joba 20:13

Hambu a ku hlayisa, a nga ku tsiki, A simamisa ku ku hlayisa nonwini wakwe;

Mateu 10:28

Mu nga chavi lava va dayako miri, na va nga hi na ntamu a ku daya muhefemulo; kanilezi chavani loyi a nga ni ntamu a ku lovisa a muhefemulo ni miri le Gehena. Lu. 12:4; 1 Ped. 3:14

Mateu 11:6

I katekile loyi a nga khunguvanyekiko hi kota ya mina. Isa. 8:14; 1 Kor. 1:23; 1 Ped. 2:8

Mateu 16:26

Hakuva zi ta mu vuna yini munhu loku a bhinzula tiko gontlhe, a lahlekelwa hi muhefemulo wakwe ke?. A munhu i ta humesa yini ku tekisa muhefemulo wakwe ke? Tis. 49:7, 8

Mateu 17:27

kanilezi kasi hi nga va khunguvanyisa famba bimbini, u ya tlonweka ximemba, u khoma a xidluwani lexi u ta nga xi tlhukula kuranga. Laha na u ahlamisile a nomu wa xona, u ta kuma a xekeli; gi teke, u va nyika a ya mina ni ya wena.

Mateu 19:12

Hakuva yi kona mithenwa leyi yi nga belekiswa lezo hi le marumbyini ya vanyine; va kona lava va nga theniwa hi vanhu; kambe va kona lava va nga ti maha mithenwa hi kota ya mufumo wa tilo. Loyi a zi kotako ku yi amukela, a yi amukele. 1 Kor. 7:32, 34; 9:5, 15

Mateu 23:15

Khombo a give ka nwina vatsali ni vaFarisi, nwina vaxengeteli! Hakuva mu tsemakanya bimbi ni misava kasi ku ya maha munwe a kuva kholwa ga nwina; loku mu mu kumile, mu mu maha a nʼwana wa Gehena a ku hunza nwina hi kumbiri.

Mateu 23:33

Nwina tinyoka, a pswalo wa maphiri, mu ta ponisa kuyini a kulamulwa ka Gehena ke?

Mateu 5:22

Kanilezi mina nziku ka nwina: Kani hi mani a zangarelako makabye wakwe i yimelwe hi ku lamulwa hi hubye; kani hi wihi a ta nga wula ka makabye wakwe, aku: Xipumbu, i yimelwe hi ku lamulwa hi hlengeletano; kani hi wihi a wulako aku: Wena u phuphulu, i yimelwe hi ku hoxiwa Gehena ga nzilo. Jak. 2:20; 1 Joh. 3:15

Mateu 5:30

Ni loku canja ga wena ga xinene gi ku maha u khubeka, gi tseme, u gi hoxa kule; hakuva zi ku sasekele lezaku xiro xinwe xa wena xi lova, lezaku kasi a miri wa wena wontihe wu ngayi Gehena.

Marku 8:36

Hakuva zi ta mu vuna yini munhu a ku bhinzula tiko gontlhe, loku a lahlekelwa hi muhefemulo wakwe ke?

Luka 12:5

Kanilezi nzi ta mu byela loyi mu ta nga mu chava: Chavani loyi a nga ni ntamu ku hoxa Gehena anzhako ka kuva na a dele miri; ina, nziku ka nwina, mu chaveni yena.

Va le Roma 6:6

na hi tiva lezaku a munhu wa hina wa kale i belelwe zinwe naye, kasi a miri wa kuonha wu fela ku hetiswa, lezaku hi nga havi tikhumbi ta kuonha, Gal. 2:20; Kol. 2:11

Va le Roma 8:13

hakuva loku mu hanya hi ka nyama mu tafa; kanilezi loku mu daya a mitiro ya miri hi moya mu ta hanya. Gal. 6:8

1 Va le Korinte 9:27

Kanilezi nzi tsayisa a miri wa mina nzi wu hlula; ku nga taku, na nzi kanele ka vanwani mina wutsumbu nzi hoxiwa. Jer. 6:30; 2 Kor. 13:5

Va le Galatia 5:24

Vona lava va nga va Kristu Jesu va belele a nyama yabye zinwe ni kumbilukela ni kunavela ka yona. Rom. 6:6

Va le Kolosi 3:5

Hikwalaho dayani a ziro za nwina za laha misaveni: a wubhayi, ni kungahlazeki, ni wurembi, ni kumbilukela ka kubiha, ni likaka, li nga kukhozela zifananiso;