Mateu 5:22 - Tshwa Bible

²² Kanilezi mina nziku ka nwina: Kani hi mani a zangarelako makabye wakwe i yimelwe hi ku lamulwa hi hubye; kani hi wihi a ta nga wula ka makabye wakwe, aku: Xipumbu, i yimelwe hi ku lamulwa hi hlengeletano; kani hi wihi a wulako aku: Wena u phuphulu, i yimelwe hi ku hoxiwa Gehena ga nzilo. Jak. 2:20; 1 Joh. 3:15

Mateu 5:22 Mawu Ofanana

Genesisi 37:4

Makunu laha vanakulobye va nga wona lezaku wa ranziwa hi raru wabye ku hunza vontlhe vanakulobye, zonake va lo mu venga, va nga wulawuli naye hi kurula.

Genesisi 37:8

A vanakulobye vaku ka yena: Kasi u tava hosi ya hina, u fuma hehla ka hina ke? Zonake va lo mu venga nguvunguvu hi kota ya miloro yakwe ni kuwulawula kakwe.

2 Samueli 16:7

Lezi a nga kari a rukatela ha zona Ximei, i waku: Huma, huma munhu nziwena wa nkhata, munhu wa Beliali!

2 Samueli 6:20

Zonake Davida i lo tlhelawu a ya katekisa a ngango wakwe. Mikali wa Saule i lo huma a mu khinga, aku; Mbudzunzo muni yi ti dzunzileko ha gona a hosi ya ka Israeli nyamutlha! Ko kala a funungula wutsumbu gakwe mahlweni ka zitiri za xisati za malanza yakwe khwatsi munhu a nga hiko na kupima.

1 Tihosi 21:4

Ahabi i lo famba ndlwini yakwe na a tsanwile, a xaniseka hi kota ya timhaka ta Nabote a muJezreeli, taku: A nzi zi koti ku ku nyika a tshomba ya vadadani va mina, I lo ya etlela mubhedini wakwe, a nghohe yakwe na yi cuwukile khurisini, a ngagi nchumu.

2 Kronekele 16:10

Zonake Asa i lo zangarela a muwoni a mu hoxa paxweni. I wa mu zangarele nguvu hi kota ya mhaka leyo. I lo xanisa a vanwani vo kari ka xwalexo xikhati.

2 Kronekele 19:5

I lo yimisa a Valamuli lomu tikweni, a mitini yontlhe ya makhokhola ya va ka Juda, ka muti ni muti. Deut. 16:18

Nehemia 5:8

Nziku ka vona: Hi ntamu wa hina hi tirule vanakulori, va nga vaJuda lava va nga wa xabyisilwe ka vamatiko; kanilezi nwina mu xavisa vanakuloni. Va ta xabyiswa ka hina ke? Zonake va su kaye, va vumala ni xa ku wula.

Tisimu 109:3

Va nzi ranzele hi timhaka ta livengo, Va nzi vukela ahandle ka nanzu.

Tisimu 14:1

A phuphulu gi wula mbilwini ya gona, giku: A ku kona Nungungulu. Vona va bolile, va maha mitiro yo nyenyeza; A ku kona loyi a mahako kusaseka. Rom. 3:10-12; Gen. 6:5, 11, 12; Tis. 74:18, 22

Tisimu 25:3

A ku wiswi tingana ni munwe wa lava va ku langutelako; Va ta wiswa tingana lava va kanganyisako handle ka xigelo.

Tisimu 35:19

Va nga tsaki ha mina lava va nga valala va mina handle ka xigelo, Hambu ku tsunyeta hi mahlo lava va nzi vengako handle ka nanzu. Joh. 15:25

Tisimu 37:8

Khawula zanga, u tsika khulo; U nga zangari, hakuva zi vanga kubiha ntsena.

Tisimu 49:10

Hakuva wa wona a titlhari na tifa, A zipumbu ni zigwela zi lova zinwe, Va siya titshomba tabye ka vanwani. Mutsa. 2:16, 18; Jer. 17:11

Tisimu 69:4

Lava va nzi vengako handle ka nanzu Va tele ku hunza misisi ya hloko ya mina; Va na ni ntamu lava va hlotako ku nzi lovisa, Na va hi valala va mina handle ka xigelo. Nzi fanele ku tlhelisa lezi nzi nga yivangiko. Joh. 15:25

Tisimu 7:4

Loku nzi mu tlhelisele kubiha loyi nzi nga hanya naye hi kurula, Loku nzi phangile loyi a nzi vengako ahandle ka xigelo, Tis. 55:20

Tisimu 92:6

A xipumbu a xi zi tivi, Hambu wa lihlanyi a nga pimi a zakunghahi.

Mavingu 14:16

Loyi a tlharihileko wa chava, a huma kubiheni; anilezi a xipumbu xi honisa xi ti tsumba.

Mavingu 18:6

A nomu wa xipumbu wu xi enghenisa timholoveni, i nomu wakwe wu mu vitanela timbirimbi.

Jeremia 17:11

Khwatsi hi hwari leyi yi kuhlehelako a manza lawa yi nga ma tsikelangiko, Zinghaho ni loye a hlengeletelako a kufuma handle ka nongameto; Na hi xikari ka masiku yakwe i ta ku tsika, Ni kugumeseni kakwe i tava muhunguki.

Mikosi 3:52

Lava va nzi vengako a handle ka nanzu, Va nzi hlotile khwatsi nzi xinyanyani.

Danieli 3:13

Nebukadnezzare i lo vunjukelana hi zanga, a vitanisa Xadrake, na Mexake, na Abed-nego. Laha a vavanuna lava va nga tiswa mahlweni ka hosi,

Danieli 3:19

Zonake Nebukadnezzare i lo zangara nguvu, a nghohe yakwe yi visukela Xadrake na Mexake na Abed-nego. I lo rumisa lezaku a nzhimbo va wu hisisa ku hunza tolovelo ya wona hi ntlhanu wa zikhati ni zimbiri.

Obadia 1:10

U ta fenengetwa hi tingana hi kota ya kubiha loku u ku maheleko nakuloni Jakobe, u ta lobyiswa kala kupinzuka.

Obadia 1:12

Kanilezi wena u nga cuwuki a siku ga nakuloni, gi nga siku ga khombo gakwe, u nga tsakeli a siku ga kulobyiswa ka vanana va ka Juda, kambe u nga wulawuli hi ku ti kukumukisa a sikwini ga kuxaniseka.

Mateu 10:17

Ti woneleni hi vanhu, hakuva va ta mu nyikela tihubyeni, va mu xupula masinagogeni yabye. Mar. 13:9; Lu. 12:11; Miti. 5:40

Mateu 10:28

Mu nga chavi lava va dayako miri, na va nga hi na ntamu a ku daya muhefemulo; kanilezi chavani loyi a nga ni ntamu a ku lovisa a muhefemulo ni miri le Gehena. Lu. 12:4; 1 Ped. 3:14

Mateu 12:24

Kanilezi laha a vaFarisi na va zi zwile, va te ngalo: Loyi munhu i hlongola madimoni ntsena hi ntamu wa Belzebuba, loyi a nga hosi ya madimoni.

Mateu 17:5

Na a ha wulawula, a refu go ngangamela gi lo va khubhunyeta; a gezu gi huma refini giku: Loyi hi Nwananga a ranzekako, nzi xaleleko ha yena; mu ingiseni. Deut. 18:15; 2 Ped. 1:17

Mateu 18:21

Zonake Pedro i lo tshinela, aku kakwe: Hosi, a makabye wa mina i ta nzi onhela makhati mangani, nzi mu tsetselela ke? Ku kala ntlhanu ni kumbiri ke?

Mateu 18:35

A Dadani wa mina wa le tilweni t ta mu maha zalezo, loku mu nga tsetseleli hi timbilu munwe ni munwani a makabye wakwe. Mav. 21:13; Mar. 11:26; Jak. 2:13

Mateu 23:15

Khombo a give ka nwina vatsali ni vaFarisi, nwina vaxengeteli! Hakuva mu tsemakanya bimbi ni misava kasi ku ya maha munwe a kuva kholwa ga nwina; loku mu mu kumile, mu mu maha a nʼwana wa Gehena a ku hunza nwina hi kumbiri.

Mateu 23:33

Nwina tinyoka, a pswalo wa maphiri, mu ta ponisa kuyini a kulamulwa ka Gehena ke?

Mateu 25:41

Zonake i taku ngalo ka lava va nga reveni gakwe ga xibhabha: Sukani ka mina, nwina mu rukatelweko, mu ya nzilweni wa pinzukelwa lowu wu longiselweko Satani ni tingelosi takwe; Tis. 6:8; 2 Ped. 2:4

Mateu 26:59

Zonake a vapristi va hombe ni hubye yontlhe va lo lava a wukustumunyu ga mawunwa ha Jesu, kasi va fela ku mu daya;

Mateu 3:17

Zonake ku lo zwala a gezu gi huma matilweni, giku: Loyi hi Nʼwana wa mina a ranzekako, nzi xaleleko khwatsi ha yena. Tis. 2:7; Mar. 1:11; Lu. 9:35; Joh. 12:28; Efe. 1:6

Mateu 5:34

Kanilezi mina nziku ka nwina: Mu nga hlambanyi ni kanwe; hambu hi tilo, hakuva xitshamu xa wuhosi xa Nungungulu; Isa. 66:1; Xip. 23:16

Mateu 5:44

Kanilezi mina nziku ka nwina: Ranzani valala va nwina, mu kombelela lava va mu xanisako; Lu. 6:27, 35; 23:34; Miti. 7:60

Marku 14:55

A vapristi va hombe ni hubye yontlhe va lo lava wukustumunyu go vukela Jesu, aku kasi va fela ku mu daya; kanilezi a va gi kumangi.

Marku 15:1

Ni mixo a vapristi va hombe va lo xuxa khungo zinwe ni masingalakati ni vatsali, ni hubye yontlhe; zonake va lo boha Jesu, va famba naye, va ya mu nyikela ka Pilatu. Tis. 2:2; Mat. 27:1; Joh. 13:28

Luka 12:5

Kanilezi nzi ta mu byela loyi mu ta nga mu chava: Chavani loyi a nga ni ntamu ku hoxa Gehena anzhako ka kuva na a dele miri; ina, nziku ka nwina, mu chaveni yena.

Luka 22:66

Loku gi cile, a hlengeletano ya masingalakati ya vanhu yi lo tlhangana zinwe ni vapristi va hombe ni vatsali; va mu yisa hubyeni yabye, vaku: Mat. 27:1; Miti. 22:5

Johani 11:47

Zonake a vapristi va hombe ni vaFarisi va lo tsombanyisa a huwo, vaku ngalo: Hi ta maha yini? A munhu loyi i maha ziwoniso zinyingi. Tis. 2:2; Mat. 26:3; Miti. 4:16

Johani 15:25

Kanilezi yi fela ku tatisekisa lezo a mhaka leyi yi tsalilweko nayweni wabye, yaku: Va nzi vengile mahala. Tis. 35:19

Johani 7:20

A xidlemo xi lo hlamula, xiku: Wena u na ni dimoni! Himani a lavako ku ku daya? Xip. 8:48, 52; 10:20

Johani 8:48

A vaJuda va lo hlamula, vaku kakwe: Kasi a hi wulangi zona, laha hi nge ngalo, lezaku u muSamaria, ni ku u na ni dimoni?

Mitiro 17:18

Ni titlhari to kari ta gonzo ya vaEpikure ni ya vaStoike ti kanetisana naye. Vanwani vaku ngalo: I lava ku wula yini a mubyabyatsi loyi ke? A vanwani vaku: I khwatsi mukaneli wa vanungungulu va le matikweni. Va lo wula lezo hilezi a nga kanela hi Jesu ni kuvuka ka vafileko.

Mitiro 22:30

Kanilezi hi manziko wa kona, na yi lava ku tiva a zinene za mhaka leyi Paule a nga kecariwa ha yona hi vaJuda, yi lo mu tlhatlha, yi laya a vapristi va hombe ni hubye yontlhe a kuva va tsombana, zonake yi lo tisa Paule, yi mu yimisa mahlweni kabye.

Mitiro 23:1

Paule i lo cuwukisisa a hubye, aku ngalo: Nzi hanyile mahlweni ka Nungungulu na nzi hi ni livalo li nene kala siku ga nyamutlha. 1 Kor. 4:4; 2 Kor. 1:12; 2 Tim. 1:3

Mitiro 24:20

Hambu ni valava ngha va wula a nanzu lowu va wu kumileko ka mina laha nzi nga yimile mahlweni ka hubye, Xip. 23:6; 23:20

Mitiro 4:15

va va laya ku huma handle ka hubye. Va lo wutisana xikari kabye,

Mitiro 5:21

Laha va nga zi zwile, va lo enghena tempeleni ni mixo, va gonzisa kona. Kanilezi a mupristi wa hombe, ni lava va nga hi naye, va lota va ta tsombanyisa a hubye ni masingalakati wontihe ya vana va ka Israeli, zonake va lo rumela paxweni a ku ya teka vapostoli. Xip. 4:5, 6

Mitiro 5:27

Loku va wuyile navo, va lo va yimisa mahlweni ka hubye. A mupristi wa hombe i lo va wutisa,

Mitiro 6:12

Va lo vuxa vanhu, ni masingalakati, ni vatsali, zonake va lo mu tela, va ta mu khoma, va mu yisa hubyeni.

Mitiro 6:15

Vontlhe lava va nga tshamile hubyeni va lo mu cuwukisisa, va wona a nghohe yakwe yi fana ni nghohe ya ngelosi. Mat. 28:3

Mitiro 7:37

Hi yaloye Mosi a ngaku ngalo ka vanana va ka Israeli: Nungungulu i ta mu vuxela a muprofeti wo kota mina xikari ka vamakabye va nwina. Deut. 18:15

Va le Roma 12:10

Ranzanani hi liranzo la wumakabye; loyi ni loyi a dzunza munwani ku hunza wutsumbu.

1 Va le Korinte 6:10

ni makhamba, ni zinaveli, ni zidakwa, ni lava va rukatelako, ni vaphangi; a va kunghaho va nga taga a tshomba ya mufumo wa Nungungulu.

1 Va le Korinte 6:6

Kanilezi a munhu wa kecara makabye wakwe a mahlweni ka vangakholwiko!

Deuteronome 15:11

Hakuva a xisiwana cima xi nga ta vumaleka lomu tikweni; hikwalaho nzi ku nyika lowu nayo inyamutlha, nziku: U ta vulula a canja ga wena lomu tikweni ka makabye wa wena wa xisiwana, ni muvumali loyi a nga lomu tikweni ga wena. Mat. 26:11; Joh. 12:6

Deuteronome 16:18

II ta yimisa Valamuli ni vatsali ka yontlhe miti leyi Jehova Nungungulu wa wena a ta nga ku nyika, hi tinyangwa ta wena; va ta lamula vanhu hi kululama.

1 Va le Tesalonika 4:6

lezaku ku nga hi kona munhu a onhako makabye hi lexi xilo; hakuva Nungungulu hi muphoteli wa zontlhe lezo, kota lezi hi nga mu byela kale hi tiyisa ka nwina. Levi 19:11

Titusi 3:2

va nga lumbeti munhu, va nga holovi, va hi va nene, va kombisa kuolova ka vanhu vontlhe. Ekso. 20:16; Efe. 4:31

Maheberu 12:25

Cuwukani a ku kala mu nga mu ali loyi a wulawulako. Hakuva loku a vakale va nga ponangi, laha va nga mu ala loyi a nga va laya na hi laha misaveni, nguvunguvu hina hi nga ta pona loku hi mu fularela loyi a layako hi le tilweni;

Maheberu 5:9

na a mbhelelisilwe i lo maha a muvangi wa kuhanyiswa ka pinzukelwa, ka vontlhe lava va mu ingisako;

Jakobe 2:20

Xipumbu nzi wena, hikuyini u nga ranziko a ku tiva lezaku a kukholwa loku ku nga hava mitiro a ku vuni nchumu ke?

Jakobe 3:6

Na lona lirimi i nzilo; a lirimi i tiko ga kubiha xikari ka ziro za hina; li nyenyezisa a miri wontihe, li dzivela a ndlela yontlhe ya kuhanya ka hina, lona wutsumbu li dzivelwa hi nzilo wa Gehena. Mat. 15:19; Mar. 7:15

1 Pedro 2:23

laha a nga rukatelwa a nga rukatelangiwo; laha a nga xaniseka a nga dzuxangi, kanilezi i lo yisa mhaka yakwe ka loyi a lamulako hi nongameto. Mat. 27:39; Lu. 23:46; Joh. 8:48

1 Pedro 3:9

Mu nga tlheliseli a kubiha hi kubiha, hambu ku tlhelisela a nzhukano hi nzhukano; kanilezi katekisani vanhu, hakuva mu vitanelwe lezo, lezaku mu taga a tshomba ya kukateka. Mat. 5:39

1 Johani 2:9

Loyi a wulako aku i le kuwonekeleni, na a venga a makabye wakwe, wa ha hi munyameni ni lezi.

1 Johani 3:10

Hi xwalexo xi kombisako lava va nga vana va Nungungulu ni lava va nga vana va Satani: kani hi wihi loyi a nga mahiko lezi zi lulamileko a hi wa Nungungulu, ge ni loyi a nga ranziko makabye wakwe.

1 Johani 5:16

Loku munhu a wona makabye wakwe na a kari a maha a xionho lexi xi nga yisiko kufeni, ngha a mu kombelela, na Nungungulu i ta mu nyika kuhanya, loku a xionho xi hi lexi xi nga yisiko kufeni. Xi kona a xionho xi yisako kufeni, a nzi wuli lezaku ku kombelelwa xona. Joba 42:8; Jer. 7:16; Mar. 3:29

Juda 1:9

Kanilezi Mikaeli, a ngelosi ya hombe, laha a nga kanetana na Satani hi xirumbi xa Mosi, i lo chava ku mu lamula hi nzhukano, kanilezi i te ngalo: A Hosi a yi ku kawuke. Dan. 12:1; Zak. 3:2; 2 Ped. 2:11

Kuvululelwa 20:14

A lifu ni wutshamu ga vafileko zi lo hoxwa tiveni ga nzilo: a tiva ga nzilo hi kufa ka wumbiri. 1 Kor. 15:26, 54, 55