Mateu 5:16 - Tshwa Bible

¹⁶ Hizalezo ngha na kuwonekela ka nwina ku woninga mahlweni ka vanhu, kasi va wona mitiro ya nwina yo saseka, va dumisa a Raru wa nwina wa le tilweni. Joh. 15:8; 1 Kor. 14:25; 1 Ped. 2:12

Mateu 5:16 Mawu Ofanana

Eksodusi 34:35

A vanana va ka Israeli va lo wona lezaku a nghohe ya Mosi ya hatima, zonake Mosi a engeta a ti fenengeta a nghohe yakwe hi nguwo, kala aya enghena kambe a, kuya wulawula na Jehova.

Mavingu 4:18

Kanilezi a ndlela ya valulamileko yi kotisa kuwonekela ka mixo, oku ku enzelekako kala a hlikanhi wu mbhelela.

Isaya 58:8

Zonake a kuwonekela ka wena ku ta woneka kota wuronga, Ni xilonza za wena zi ta hatlisa ku hola, A kululama ka wena ku ta ku rangela Ni wukulu ga Jehova gi ta ku vikela lenzhako.

Isaya 61:3

Ni ku nyika ka vontlhe laʼva rilako le Zioni Lezaku va ambexwa zidlodlo a wutshanwini ga khuma, A mafura ya kutsaka wutshanwini ga kurila, Ni nguwo ya kudumisa wutshanwini ga moya wa gome; Kasi va ta vitanwa lezaku Tisinya ta kululama, Leti ti byalilweko hi Jehova, kasi a fela ku dumiswa.

Mateu 23:5

A mitiro yabye yontlhe va yi maha kasi ku woniwa hi vanhu; hakuva va anamisa a mafilakterio yabye, va lehisa a machakafula ya tinguwo tabye. Mitse. 15:38; Deut. 22:12

Mateu 23:9

Mu nga vitani munhu laha misaveni muku i dadani; hakuva a Raru wa nwina munwe, hi loyi a nga le tilweni. Mal. 1:6

Mateu 5:45

kasi mu fela kuva vana va Raru wa nwina loyi a nga le tilweni; hakuva wa tsuwukisa gambo gakwe hehla ka vobiha ni ka vosaseka, a nisa vula hehla ka valulamileko ni ka va nga lulamangiko.

Mateu 6:16

Loku mu yila, mu nga tsuvi khwatsi hi vaxengeteli, hakuva va tshuvika tinghohe tabye, kasi va fela ku wonwa hi vanhu vaku va yila. Hizinene nziku ka nwina, va sina va wu amukele a nchachazelo wabye. Isa. 58:5

Mateu 6:9

Hikwalaho khongelani kota lezi: Dadani wa hina wa le tilweni, a vito ga wena a gi hlawuliwe. Lu. 11:2

Mateu 9:8

Laha vanhu va nga zi wona, va lo rewuka va dumisa Nungungulu, loyi a nyikileko ntamu wa kunghahi ka vanhu.

Luka 11:2

Yena aku ngalo kabye: Laha mu khongelako wulani, muku: Dada, a vito ga wena a gi hlawuliwe; a wute mufumo wa wena.

Johani 15:8

Dadani wa mina wa dumiswa hi lezi, lezaku mu pswala mihanzu yo tala, mu maha vapizani va mina. Xip. 13:35; Fil. 1:11

Mitiro 9:36

Le mutini wa Jopa ku wa hi ni mupizani wa xisati a vitwako Tabita, lezo hi ku ngalo Dorkasi, loyi a nga tele hi mitiro yo saseka, ni ku nyika zinyikiwo ka zisiwana. Tit. 3:8; 1 Tim. 2:10

1 Va le Korinte 14:25

A zigungu za mbilu yakwe za tsetsulwa, zonake i tawa hasi hi nghohe yakwe a khizamela Nungungulu aku: Hizinene Nungungulu i kona xikari ka nwina. Isa. 45:14; Zak. 8:23

2 Va le Korinte 9:13

Loku va wona a ntiro lowu va ta dumisa Nungungulu hi kota ya kuingisa ka nwina kukholweni ka ivangeli ya Kristu, ni xinyikiwo xa nwina ka vona ni ka vontlhe. Mat. 5:16; Maheb. 13:16

Va le Galatia 1:24

Vona va lo dumisa Nungungulu ha mina.

Va le Efesusi 2:10

Hakuva hina hi ntiro wakwe, a ka Kristu Jesu hi vangelwe mitiro yo saseka, leyi Nungungulu a yi longiseleko kale lezaku hi ta famba ha yona. Xip. 1:4

Va le Efesusi 5:8

Hakuva a kale mu wa hi munyama, kanilezi makunu mu kuwonekela Hosini; fambani khwatsi hi vanana va kuwonekela,

1 Va le Tesalonika 2:12

Kasi ma famba hi kufaneleko Nungungulu, loyi a mu vitaneleko mufunweni wakwe ni kungangameleni kakwe. Kol. 1:10; 1 Ped. 1:15

1 Timote 2:10

kanilezi a va hombe hi mitiro yo saseka, kota lezi zi faneleko a vavasati lava va ti wulako lezaku va chava Nungungulu.

1 Timote 5:10

loyi a bikilweko lezaku i mahile mitiro yo saseka, loku a ngha a wundlile vana, loku a ngha a rurele vapfhumba, loku a ngha a hlazile mikonzo ya vobasa, loku a ngha a vunetele zisiwana, ni loku a ngha a pinyamile mitirweni yontlhe yo saseka. Gen. 18:4; Lu. 7:38; Miti. 16:15

1 Timote 5:25

Hizalezo ni mitiro yo saseka yi le kubaseni, kanilezi ni leyi yi nga woniwiko, a yi na ku fihliwa. 1 Ped. 3:8-18

1 Timote 6:18

Va laye lezaku va maha zo saseka, va fuma hi mitiro yi nene, va ranza ku avela vanwani a zilo zabye, va hana;

Titusi 2:14

loyi a nga ti nyikela hi kota ya hina, kasi a fela ku hi tirula kubiheni kontlhe, a ti basisela a vanhu lava va ta ngava vakwe, va pinyamileko mitirweni yo saseka. Ekso. 15:16; Deut. 7:6; 14:2; Maheb. 9:14

Titusi 2:7

Uva xiwonelo xa mitiro yontlhe yo saseka; a kugonziseni ka wena u kombisa a kubasa ni kudzunzeka, Efe. 6:24; 1 Ped. 3:1, 5; 5:3

Titusi 3:14

A vanhu va hina ngha va gonza ku tira mitiro yo saseka, kasi va fela ku vuna laha ku vumalekako, lezaku va ngavi lava va nga hava mihanzu. Fil. 1:11; Kol. 1:10; 2 Ped. 1:8

Titusi 3:4

Kanilezi laha ku nga woneka a wunene ga Nungungulu a Muhanyisi wa hina, ni liranzo lakwe a ka vanhu,

Maheberu 10:24

Ngha hi khatalelana kasi ha susumetana liranzweni ni mitirweni yo saseka;

1 Pedro 2:12

mu hi ni mahanyela ma nene xikari ka vamatiko, lezaku lezi va mu hlevako ha zona, aku khwatsi mu vamahi va kubiha, va fela ku dumisa Nungungulu ha zona hi siku legi a ta nga va enzela, hi kota ya mitiro ya nwina yo saseka leyi va yi wonileko. Mat. 5:16; Fil. 2:15

1 Pedro 2:9

Kanilezi nwina mu lixaka li hlawulilweko, a vapristi va wuhosi, a tiko gi basileko, a vanhu va lumbako Nungungulu, kasi mu fela a kuba hungu hi mitiro yi rewukisako ya yena loyi a nga mu vitana mu huma munyameni, muta kuwonekeleni kakwe ku hlamalisako; Deut. 10:15; Joh. 17:19; Miti. 26:18

1 Pedro 3:1

Hizalezo na nwina vasati, ingisani vanuna va nwina; lezaku kasi hambu loku va hi kona lava va nga ingisiko mhaka, va fela ku kokiwa hi mahanyela ya vasati vabye hi handle ka mhaka; Mat. 18:15; 1 Kor. 7:16

1 Pedro 3:16

na mu hi ni livalo li nene, kasi va fela ku telwa hi tingana hi lezi va mu hlevako ha zona, lava va rukatelako a mahanyela ya nwina ya ma nene ka Kristu. Tit. 2:8; Maheb. 13:18

1 Pedro 4:11

Loku munhu a kanela, i fanele ku kanela khwatsi hi loyi a humesako timhaka ta Nungungulu; loku munhu a tira bandleni, a tire hi kuringana ni ntamu lowu Nungungulu a mu nyikako wona; lezaku Nungungulu a fela ku dufhiswa ka zontlhe ha Jesu Kristu, loyi a nga ni wudzunzo ni kufuma kala kupinzuka ni kupinzuka. Amen. Jer. 23:22; 1 Kor. 3:10; Efe. 5:20

1 Pedro 4:14

Nwina mu katekile loku mu rukiwa hi kota ya vito ga Kristu; hakuva a Moya wa kungangamela, wu nga Moya wa Nungungulu, wu le hehla ka nwina.