Mateu 5:15 - Tshwa Bible

¹⁵ Ni kandiya, a yi lumekwi yi vekiwa lahasi ka xirunzu, kanilezi yi hayekwa le hehla, yi woninga vontlhe lava va nga lomu ndlwini. Mar. 4:21; Lu. 8:16; 11:33

Mateu 5:15 Mawu Ofanana

Eksodusi 25:37

U ta yi mahela a ntlhanu wa tikandiya ni timbiri; zonake va ta tihomeka a tikandiya ta kona le hehla ka yona, ti ta woningela a tlhelo ga le mahlweni ka yona.

Zakaria 4:2

Yiku ka mina: Xini u xi wonako? Nzi hlamula nziku: Nzi wona a meza ya tikandiya yo mahiwa hi nzalama basi; le hehla ka yona ku hi ni xibya xo chela kona mafura, na yi hi ni ntlhanu wa tikandiya ni timbiri; ku na ni ntlhanu wa mipuva ni mimbiri yi yako ka tikandiya ti nga hehla ka yona.

Mitsengo 8:2

Byela Aroni uku ngalo: Loku u yimisa a tikandiya, a ntlhanu wa tona ni timbiri ti ta woningela mahlweni ka meza ya tikandiya. Ekso. 25:37

Marku 4:21

Yena i te ngalo kabye: Xana a kandiya yi nehwa kasi ku vekwa lahasi ka xirunzu, kutani lahasi ka wuriri ke; a yi tlhatekwi le mezeni ke? Mat. 5:15; Lu. 8:16; 11:33

Luka 11:33

A ku na munhu a lumekako kandiya, a yi veka wutshanwini ga xihundla, hambu lahasi ka xirunzu, kanilezi yi hayekwa le hehla, kasi lava va enghenako va fela ku wona a kuwonekela. Mat. 5:15; Mar. 4:21; Xip. 8:16

Luka 11:36

Hikwalaho loku a miri wontihe wa wena wu tele hi kuwonekela na wu nga hi na tlhelo ga munyama, wona wontihe wu ta woningelwa, kota lezi a kandiya yi ku woningelako hi kuwonekela ka yona.

Luka 8:16

A nga kona munhu a lumekako kandiya a yi fenengeta hi xibya, kutani a yi veka lahasi ka wuriri; kanilezi i yi veka laha mezeni, kasi lava va enghenako va fela ku wona a kuwonekela. Mat. 5:15; Mar. 4:21; Xip. 11:33

Va le Filipi 2:15

kasi ma fela ku kala mu nga hi na kusoleka, mu basa, mu hi vanana va Nungungulu, lava va nga hiko na bala xikari ka xizukulwana xi gombonyekileko ni xi bihileko, lexi mu woningako xikari ka xona khwatsi hi kuwonekela laha misaveni,

Maheberu 9:2

Hakuva ku wa mahilwe a tabernakeli; lomu ka xipetso xo ranga ku wa hi ni meza ya tikandiya, ni meza yi nga hi ni zibaba za xikombiso; a xipetso lexi xi wa tibyiwa ku ngalo, Wutshamu go Basa. Ekso. 25:23, 30, 31; 26:1

Kuvululelwa 2:5

Hikwalaho alakanya laha u wileko ha kona, u hunzuluka, u maha mitiro yo sangula; loku u nga mahi lezo nzi tata ka wena, nzi ta susa a meza ya wena ya kandiya a wutshanwini ga yona, loku u nga hunzuluki. Mat. 21:41