Mateu 5:12 - Tshwa Bible

¹² Tsakani, mu nengela nguvu, hakuva ngwa hombe a nchachazelo wa nwina le tilweni; hakuva va lo xanisisa lezo a vaprofeti lava va mu rangeleko. Neh. 9:26; Miti. 5:41; 1 Ped. 4:13

Mateu 5:12 Mawu Ofanana

Genesisi 15:1

Anzhako ka lezi zilo ni gezu ga Jehova gi lota ka Abrama hi kulora, giku: U nga chavi, Abrama! Nzi xitlhangu xa wena; a nchachazelo wa wena wa hombe nguvu.

1 Tihosi 18:13

Kasi a hosi ya mina a yi byelwangi lezi nzi nga zi maha a xikhatini lexo Jezebeli a nga hlasela vaprofeti va Jehova ke? Lezaku nzi tekile a zana ga vaprofeti va Jehova nzi va avanyisa hi mitlawa mimbiri ya 50 a munwe, nzi va fihla lomu muhumeni, nzi va phamela ni ku vaha mati.

1 Tihosi 18:4

hakuva xikhatini lexo Jezebeli a nga hlasela a vaprofeti va Jehova, Obadia i wa tekile a zana ga vaprofeti, a va avanyisa hi mitlawa mimbiri ya 50 a munwe, a va fihla lomu muhumeni, a va phamela ni ku va nwisa.

1 Tihosi 19:2

Zonake Jezebeli i lo rumela ntsumi ka Elija, aku: A vanungungulu a va nzi tsayise ni ku engeta, loku manziko hi xwalexi xikhati nzi nga ku dayi, kota lezi u nga dayisa zona munwe ni munwani wa vona,

1 Tihosi 21:20

Ahabi i te ngalo ka Elija: Xana u nzi kumile wena nala wa mina ke? Elija aku: Hi zona, nzi ku kumile, hakuva wena u ti xavisile hi ku maha lezi zi bihileko mahlweni ka Jehova!

1 Tihosi 22:8

A hosi ya ka Israeli yi te ngalo ka Jehoxafate: I kona munwe loyi hina hi faneleko ku wutisa ha yena ka Jehova, a nga Mikaia a nʼwana Imla; kanilezi nza mu venga, hakuva a ziprofeto zakwe a zi wulawuli kusasa ha mina, ntsena kubiha. Jehoxafate i te ngalo: Ngha a hosi yi nga wuli lezo.

2 Tihosi 1:9

Zonake a hosi yi lo rumela a nduna ka Elija, na yi hi ni 50 wa vanhu. Yi lo kanziha yiya kakwe yi ya mu kuma na a tshamile le hehla ka xitsunga; zonake yiku kakwe: Munhu wa Nungungulu, a hosi yi ngalo: Relela uta!

2 Kronekele 16:10

Zonake Asa i lo zangarela a muwoni a mu hoxa paxweni. I wa mu zangarele nguvu hi kota ya mhaka leyo. I lo xanisa a vanwani vo kari ka xwalexo xikhati.

2 Kronekele 36:16

Kanilezi vona va lo rukatela a mitsumi ya Nungungulu, va xanza timhaka ta yena, va hlekula vaprofeti vakwe, kala a zanga ya Jehova yi vukela a vanhu vakwe laha ka kuva ku nga hi na kuhuluka.

Nehemia 9:26

Ahembaloko, va wa nga ingisi; va lo ti alisa, va hoxa milayo ya wena lenzhako, va daya vaprofeti va wena lava va nga wa kanela kabye lezaku va tlhelela ka wena, va vindlusa a zanga ya wena.

Tisimu 19:11

A nanza ga wena ga lulekwa ha zona; Loyi a zi hlayisako i na ni nchachazelo wa hombe. Levi 18:5; Joh. 14:21, 23; 1 Tim. 4:8

Tisimu 58:11

Zonake a vanhu va taku: Kunene, loyi a lulamileko i na ni nchachazelo; Hakunene, ku kona Nungungulu loyi a lamulako misaveni. 2 Tes. 1:5

Mavingu 11:18

A hakhelo ya wa kubiha ya khohlisa; anilezi loyi a byalako kululama i ta kuma nchachazelo wu nene. Hos. 10:12; Jak. 3:18

Isaya 3:10

Wulani lezaku lava va lulamileko va katekile, hakuva va taga a mbhanzo wa zimaho zabye.

Jeremia 2:30

Nzi bile mahala a vanana va nwina, A va vumelangi ku kawukiwa. A supado ya nwina yi khadamule a vaprofeti va nwina, Khwatsi i nghala yi hlakahlako. 1 Tih. 19:10; Mat. 23:34

Jeremia 26:8

Loku Jeremia a gumesile ku kanela zontlhe lezo Jehova a mu layileko zona a ku tivisa vanhu, a vapristi ni vaprofeti ni vontlhe vanhu va lo mu khoma, vaku: Futsi u tafa.

Jeremia 37:14

Jeremia a hlamula, aku: Mawunwa, a nzi pfowoleli ka maKaldea. Hambu lezo a nga mu zwangi, Irija i lo khoma Jeremia a mu yisa ka tihosana.

Mateu 16:27

Hakuva a Nʼwana wa munhu i tata hi kungangamela ka Raru wakwe, zinwe ni tingelosi takwe; hi kwalaho i ta chachazela munwe ni munwani kotisa mitiro yakwe. Mar. 8:38; 2 Kor. 5:10; Kuv. 2:23

Mateu 6:16

Loku mu yila, mu nga tsuvi khwatsi hi vaxengeteli, hakuva va tshuvika tinghohe tabye, kasi va fela ku wonwa hi vanhu vaku va yila. Hizinene nziku ka nwina, va sina va wu amukele a nchachazelo wabye. Isa. 58:5

Luka 13:34

Jerusalema, Jerusalema, wena loyi u dayako vaprofeti, ni ku gandla hi maribye lava va rumelweko ka wena! Zikhati zingani nzi nga xuva ku wungeletela a vanana va wena, kota a pswele gi wungeletelako a zihukwana za gona lahasi ta tipapa ta gona, kanilezi a mu zi ranzangi! Mat. 23:37

Luka 6:23

Tsakani hi lego siku, mu maha migiyo; hakuva ngwa hombe a nchachazelo wa nwina le tilweni; hakuva hi mahela legi a vararu vabye va lo xanisa a vaprofeti. Mat. 5:12; Miti. 5:41; Kol. 1:24

Luka 6:35

Kanilezi ranzani valala va nwina, mu va mahela kusaseka, ni ku va pemba na mu nga tsumbi ku tlheliselwa; zonake a nchachazelo wa nwina wu ta maha wa hombe, mu ta maha vana va Loyi a nga Hehla-hehla; hakuva yena i na ni tipswalo ka lava va nga bongiko ni ka lava va bihileko. Tis. 37:26; Mat. 5:45

Mitiro 16:25

Hi laha xikari ka wusiku, Paule na Silasi va wa kari va khongela, va yimbelela tisimu to dumisa Nungungulu, a tiperesu na ti va ingisela.

Mitiro 5:41

A vapostoli va lo suka hi laha hubyeni, na va tsaka hilezi va hlayelweko lava va faneleko a ku xaniseka hi kota ya vito ga Jesu. Mat. 5:12; Rom. 5:3; 2 Kor. 12:10; Fil. 1:29; Jak. 1:2

Va le Roma 5:3

Na ku nga hi lezi ntsena, kanilezi kambe hi na ni zigingi kukaratekeni ka hina, na hi tiva lezaku a kukarateka ku vanga kuhonisela; Mat. 5:11; Fil. 2:17

1 Va le Korinte 3:8

Makunu loyi a byalako ni loyi a cheletelako mati va ecana; kanilezi munwe ni munwani i ta amukela a hakhelo yakwe khwatsi hi mitiro yakwe. Tis. 62:12; Rom. 2:6; Kuv. 2:23; 22:12

2 Va le Korinte 4:17

Hakuva a kuxaniseka ka hina ko hehuka ka xikhatanyana ntsena, ka hi tirela a ntsengo wa hombe wa wudumo ga pinzukelwa;

Va le Filipi 1:29

Hakuva hi kota ya Kristu mu nyikilwe a thomo a kuva mu kholwa, na ku nga hi lezi ntsena, kanilezi mu nyikilwe a thomo ga ku xaniseka hi kota va vena. Miti. 5:41; Rom. 5:3; Efe. 2:8

Va le Filipi 2:17

Hambu loku a nkhata wa mina wu lombelwa muphahlelweni laha ku mahiwako muphahlo wa kukholwa ka nwina, ni lezo kambe nzi ta tsaka na nwina nwentlhe.

Va le Kolosi 1:24

Makunu nza tsaka kuxanisekeni ka mina, loku nzi xanisekako hi kota va nwina; nzi tatisa nyameni ya mina lezi zi nga sele a kuxanisekeni ka Kristu hi kota ya miri wakwe, wu nga bandla gakwe. Efe. 1:23; Fil. 3:10

Va le Kolosi 3:24

Ma zi tiva lezaku mu ta amukeliswa a tshomba hi Hosi, yiva nchachazelo wa nwina; hakuva a nwinyi loyi mu mu tirelako hi Hosi Kristu.

1 Va le Tesalonika 2:15

Lava va nga daya Hosi Jesu ni vaprofeti, va hlongola na hina; a va xalalisi Nungungulu, kanilezi mbalala va vanhu vontlhe; Mat. 5:12; Miti. 7:52

Maheberu 10:34

Hakuva mu lo va zwela wusiwana lava va nga lomu makhotsweni, kambe mu lo vumela hi kutsaka laha mu nga wutlelwa a zibya za nwina, na mu tiva lezaku mu na ni za chukwana, lezi zi te ku tsoma. Lu. 12:33; Miti. 5:41; Fil. 1:7

Maheberu 11:26

I lo alakanya lezaku a kurukwa ka Kristu i pfuno wa hombe ku hunza a kufuma ka le Gipite; hakuva i wa langutela a nchachazelo.

Maheberu 11:33

lava va nga hlula matiko hi kukholwa, va lamula hi kululama, va kuma lezi va tsumbisilweko zona, va vala milomu ya tinghala, Dan. 6:22

Maheberu 11:6

Kanilezi ahandle ka kukholwa a zi koteki ku mu tsakisa; hakuva loyi a tshinelako ka Nungungulu i yimelwe hi ku kholwa lezaku ku kona Nungungulu, ni lezaku yena wa chachazela lava va mu lavako.

Jakobe 1:2

Vamakabye va mina, ngha mu wula lezaku kutsaka ntsena loku mu wela lomu minzhingweni yi tsalangeneko; Mat. 5:12; Miti. 5:41; 1 Ped. 1:6

Jakobe 5:10

Vamakabye, a kutimisela ni lihlaza-mbilu la vaprofeti lava va nga wulawula vitweni ga Hosi, a zive xiwonelo xa nwina. Mat. 5:12

1 Pedro 4:13

Kanilezi tsakani loku mu hlengela kuxanisekeni ka Kristu, kasi laha kuvululelweni ka kungangamela kakwe mu fela ku tsaka muva ni zigingi. Miti. 5:41; Rom. 8:17

Rute 2:12

Jehova a ku tlhelisele mitiro ya wena, u amukela nchachazelo wa hombe hi ka Jehova Nungungulu wa ka Israeli, loyi u tileko hasi ka tipapa takwe kasi ku ta kuma wuponelo. Tis. 17:8; Mat. 23:37