Mateu 4:7 - Tshwa Bible

⁷ Jesu i te ngalo ka yena: Kambe ku tsalilwe ku ngalo: U nga ringi Hosi Nungungulu wa wena. Deut. 6:16

Mateu 4:7 Mawu Ofanana

Tisimu 106:14

Kanilezi va lo engheniwa hi kunavela lomu xiwuleni, Va ringa Nungungulu kona. Ekso. 16:3; Mitse. 11:4; 1 Kor. 10:6

Tisimu 78:18

Va lo ringa Nungungulu timbilwini tabye, Hi ku kombela zakuga za kunavela kabye. Ekso. 16:2; Mitse. 11:4

Tisimu 78:41

Ina, va lo engeta va ringa Nungungulu, Va tsanwisa Wakubasa wa Israeli.

Tisimu 78:56

Kanilezi va lo ringa Nungungulu loyi a Hunzeleleko Kutlakuka va mu hluwuka, A va hlayisangi a wumboni gakwe.

Tisimu 95:9

Laha a vadadani va nwina va nga nzi ringa, Va lo nzi ringa, hambu lezi va wonileko mitiro ya mina. 1 Kor. 10:9

Eksodusi 17:2

Hilezo a vanhu va lo sola Mosi, vaku: Hi nyike mati hinwa. Mosi aku ka vona: Hi yini mu nzi zangarelako? Mu mu ringela yini Jehova?

Eksodusi 17:7

I lo chula wutshamu lego a vito ga Masa na Meriba hi kota ya kukaneta ka vanana va ka Israeli; ni ku ringa Jehova, vaku: Xana Jehova i kona xikari ka hina, kutani a nga kona ke?

Isaya 8:20

A hi yeni nayweni ni wumbonini! Loku va nga wuli lezo, a tiko gi nga ha ta kuva ni wuronga ginwani.

Malaki 3:15

Makunu hi ngalo a vamatshanza va katekile. Ina, va vuvuma lava va mahako kubiha; va phika Nungungulu, va huluka.

Mitsengo 14:22

Hakuva vontlhe lava vanhu va wonileko kungangamela ka mina ni zihlamaliso lezi nzi mahileko le Gipite, ni lomu xiwuleni, va nzi ringileko khume ga zikhati, kanilezi a va ingisi gezu ga mina.

Mateu 21:16

vaku ka yena: Wa zizwa lezi va zi wulako ke? Jesu aku kabye: Ina, cima a mu gonzangi a gezu legi gi nge ngalo: Hi milomu ya zihlangana ni tisana u ti longisele kudzunziwa? Tis. 8:2

Mateu 21:42

Jesu aku kabye: Xana a mu gonzangi Mitsalweni ku ngalo: A ribye legi gi nga aliwa hi vaaki, Gi mahile a hloko ya magumo; Lexi xi mahilwe hi Hosi, Xa hlamalisa mahlweni ya hina. Tis. 118:22; Miti. 4:11; Efe. 2:20

Mateu 4:10

Kanilezi Jesu aku ngalo kakwe: Suka Satani; hakuva ku tsalilwe ku ngalo: Wena u ta khozela Hosi Nungungulu wa wena, hi yena yece u to mu tirela. Deut. 6:13; 10:20

Mateu 4:4

Kanilezi i lo hlamula aku ngalo: Ku tsalilwe lezaku: A munhu a nga ta hanya hi xibaba xoce, kanilezi hi timhaka tontlhelele leti ti humako nonwini wa Nungungulu. Deut. 8:3

Luka 4:12

Jesu i lo mu hlamula, aku: Ku wulilwe ku ngalo, U nga ringi Hosi Nungungulu wa wena. Deut. 6:16

Mitiro 15:10

Makunu-ke, hikuyini mu ringako Nungungulu, hi ku rwexa a pingu tinhanwini ta vapizani, lowu hina ni vakoko va hina hi nga zi kotangiko ku wu rwala? Mat. 23:4; Gal. 5:1

Mitiro 5:9

Pedro aku ngalo kakwe: Hikuyini mu vumeleneko a ku ringa a Moya wa Hosi ke? Wangabye, a mikonzo ya lava va lahlileko a nuna wa wena yi laha nyangweni, na wena va ta ku rwala lahandle. Deut. 6:16; Mat. 4:7; Lu. 4:12; 1 Kor. 10:9

1 Va le Korinte 10:9

Ngha hi nga ringi Hosi, kota vanwani va vona va nga yi ringa, va dawa hi tinyoka. Ekso. 17:2, 7; Mitse. 21:6

Deuteronome 6:16

Mu nga ringi Jehova Nungungulu wa nwina, kota lezi mu nga mu ringa le Masa.

Maheberu 3:9

Laha a vakoko va nwina va nga nzi ringa ni ku nzi hlola. Hambu lezi va nga wonile a mitiro ya mina 40 wa malembe.