Mateu 4:4 - Tshwa Bible

⁴ Kanilezi i lo hlamula aku ngalo: Ku tsalilwe lezaku: A munhu a nga ta hanya hi xibaba xoce, kanilezi hi timhaka tontlhelele leti ti humako nonwini wa Nungungulu. Deut. 8:3

Mateu 4:4 Mawu Ofanana

Eksodusi 16:15

A vanana va ka Israeli laha va nga zi wona, va lo wutisana, vaku: Zini lezi? Hakuva va wa nga zi tivi lezaku zini. Zonake Mosi aku: Lezi hi zona zibaba lezi Jehova a mu nyikako zona a kuva muga.

Eksodusi 16:35

A vanana va ka Israeli va loga manna 40 wa malembe, va kala va chikela tikweni legi gi akilweko: va loga manna va kala va chikela mimbhinganweni ya tiko ga Kanani.

Eksodusi 16:8

Mosi i lo engeta kambe aku: Hakunene Jehova i ta mu nyika a nyama laha gambyeni muga, ni mixo i ta mu nyika a zibaba, mu taga mu xura; hakuva i zwile kubhonga ka nwina, kota lezi mu mu zangareleko. Hakuva hina hova cini? A mu zangarelangi hina, mu zangarele Jehova.

Eksodusi 23:15

U ta hlayisa a mutlhangano wa zibaba zi nga comelwangiko; ka masiku ya ntlhanu ni mambiri, hi hweti ya Abibi, u taga a zibaba zi nga comelwangiko khwatsi hilezi u leletelweko; hakuva hi yona a hweti leyi u nga huma ha yona le Gipite. Hikwalaho a vanhu va nga dzuki va woneka mahlweni ka mina na va nga hi na nchumu.

Mateu 15:11

Lezi zi enghenako nonwini a hi zona zi bihisako munhu: kanilezi lezi zi humako nonwini, hi zona zi bihisako munhu. Miti. 10:15; Rom. 14:14, 17, 20

Mateu 4:10

Kanilezi Jesu aku ngalo kakwe: Suka Satani; hakuva ku tsalilwe ku ngalo: Wena u ta khozela Hosi Nungungulu wa wena, hi yena yece u to mu tirela. Deut. 6:13; 10:20

Mateu 4:7

Jesu i te ngalo ka yena: Kambe ku tsalilwe ku ngalo: U nga ringi Hosi Nungungulu wa wena. Deut. 6:16

Marku 7:20

A engeta aku: Lexi xi humako munhwini hi xona xi mu bihisako;

Luka 4:12

Jesu i lo mu hlamula, aku: Ku wulilwe ku ngalo, U nga ringi Hosi Nungungulu wa wena. Deut. 6:16

Luka 4:4

Jesu i lo mu hlamula, aku: Ku tsalilwe ku ngalo: A munhu a nga ta hanya hi xibaba xoce. Deut. 8:3

Luka 4:8

Jesu i lo mu hlamula, aku: Ku tsalilwe ku ngalo: U ta khozela Hosi Nungungulu wa wena, hi yena yece u to mu tirela. Deut. 6:13; 10:20

Johani 15:26

Kanilezi loku Muyimeli ata, loyi nzi ta nga mu rumela hi ka Dadani, a nga Moya wa zinene, lowu wu humako hi ka Dadani, i ta maha wukustumunyu ha mina. Lu. 24:49; Xip. 14:17, 26; 1 Joh. 5:6

Johani 6:63

A moya hi wona wu hanyisako, a nyama a yi vuni nchumu. A timhaka leti nzi mu byelileko tona, hi moya ni wutomi. 2 Kor. 3:6

Va le Roma 15:4

Hakuva timhaka tontlhe ti nga tsaliwa kale ti tsalelwe a ku gonzisa hina, lezaku kasi hi fela kuva ni kutsumba hi kota ya kutiya ni kuchavelelwa loku ku nyikwako hi Mitsalo. 2 Tim. 3:16

Va le Efesusi 6:17

Tekani a ndlhondlha ya kuhanyiswa, ni supado ya Moya, yi nga Mhaka ya Nungungulu. Maheb. 4:12; Kuv. 1:16

Deuteronome 8:3

I ku koramisile, i ku tsikile na u hi ni ndlala, i ku gisile manna, lawa u nga kala u nga ma tivi, lawa hambu vararu va wena na vona va wa nga ma tivi; aku kasi ku ku gonzisa lezaku a munhu a nga hanyi hi xibaba xoce, kanilezi hi timhaka tontlhelele ti humako nonwini wa Nungungulu.