Mateu 3:7 - Tshwa Bible

⁷ Kanilezi laha na a wona a vanyingi va vaFarisi ni vaSadusi na vata kubapatizeni kakwe, i te ngalo kabye: Pswalo wa tinyoka, mu lulekilwe hi mani ku chava a khulo gi tako ke? Xip. 12:34; Rom. 5:9; 1 Tes. 1:10

Mateu 3:7 Mawu Ofanana

Genesisi 3:15

Nzi ta veka livengo xikari ka wena ni wasati, ni xikari ka pswalo wa wena ni pswalo wa wasati; i ta ku gandla a hloko, na wenawu u ta mu luma a xirenze xakwe. Rom. 16:20; Maheb. 2:14; 1 Joh. 3:8

Mavingu 28:4

Lava va tsikako nayo va dzunza va kubiha; anilezi lava va hlayisako nayo valwa navo.

Isaya 59:5

Va kuhlehela manza ya xihihigani, Va luka wupe ga zitoli. Loyi a gako manza yabye ofa, Ni loku ku fayiwa a ginwe ga wona ko huma nyoka.

Jeremia 51:6

Humani Babuloni mu tsutsuma, a munwe ni munwani a ponise wutomi gakwe, kasi mu nga lobyiswi hi kota ya xigoho xakwe; hakuva hi xona a xikhati xa kuphota ka Jehova, i ta muha a nchachazelo wakwe. Isa. 34:8; Kuv. 18:4, 6

Jeremia 6:10

Nzi ta byela mani, Nzi maha wumboni kasi va ingisa ke? A tindleve tabye makhuna, a va zi koti kuzwa. A mhaka ya Jehova i nzhukano kabye, a va yi ranzi.

Mateu 12:24

Kanilezi laha a vaFarisi na va zi zwile, va te ngalo: Loyi munhu i hlongola madimoni ntsena hi ntamu wa Belzebuba, loyi a nga hosi ya madimoni.

Mateu 12:34

Nwina pswalo wa tinyoka, mu ta zi kotisa kuyini ku wulawula a timhaka ti nene, lezi mu bihileko ke? Hakuva a nomu wa wulawula hi wunyingi ga mbilu. Xip. 3:7; Lu. 6:45

Mateu 15:12

Zonake ku lota vapizani, va taku ka yena: Xana wa zi tiva lezaku a vaFarisi va lo tsanwa laha va ngazwa a gezu legi ga wena ke?

Mateu 16:1

Ku lota vaFarisi ni vaSadusi, va ta mu ringa va kombela lezaku a va kombise a xiwoniso xa le tilweni. Mar. 8:11; Lu. 11:6; 1 Kor. 1:22

Mateu 16:6

Jesu aku ngalo kabye: Ti woneleni, mu tlharihela a comelo ga vaFarisi ni vaSadusi. Lu. 12:1

Mateu 22:15

Zonake a vaFarisi va lo famba va ya tsema khungo lezaku va ta mu dembelisa kuyini kuwulawuleni kakwe. Mar. 12:13; Lu. 20:20

Mateu 22:23

Gwalego siku ku lota kakwe a vaSadusi, lava va nge ngalo a ku kona kuvuka hi ka vafileko. Va lo mu wutisa, Mar. 12:18; Lu. 20:27; Miti. 23:8

Mateu 22:34

Laha a vaFarisi va ngazwa lezaku i miyetile a vaSadusi, va lo tsombana khatiginwe. Mar. 12:28

Mateu 23:33

Nwina tinyoka, a pswalo wa maphiri, mu ta ponisa kuyini a kulamulwa ka Gehena ke?

Mateu 5:20

Hakuva nza mu byele, nziku; Loku a kululama ka nwina ku nga hunzi a kululama ka vatsali ni vaFarisi, cima mu nga ta enghena mufunweni wa tilo. Rom. 9:31

Marku 12:13

Zonake va lo ruma ka yena a vokari va vaFarisi ni va ka Herodi, lezaku va fela ku ya mu hika kuwulawuleni. Mat. 22:15; Lu. 20:20

Marku 12:18

Zonake ku lota ka yena a vaSadusi, lava va nge ngalo a ku kona kuvuka hi ka vafileko; va ta mu wutisa, vaku: Mat. 22:23; Lu. 20:27; Miti. 23:8

Marku 8:15

I lo va laya, aku: Tlharihani, mu ti wonela a comelo ga vaFarisi ni comelo ga ka Herodi.

Luka 16:14

A vaFarisi lava va nga hi ziranzi za mali, va lozwa tontlhe leti timhaka; va mu tseketsela. Mat. 23:14

Luka 18:11

A muFarisi i lo yima hi tlhelo a khongela, aku: Nungungulu, nza ku bonga hilezi nzi nga fananiko ni vanwani vanhu; va nga makhamba, ni vakanganyisi, ni zirembi, hambu ku khwatsi hi muhlengisi loyi. Tis. 135:2; Isa. 1:15; Kuv. 3:17

Luka 7:30

Kanilezi a vaFarisi ni vagonzisi va nayo na va nga bapatizwangi hi yena, va lo nyenya a kungo ga Nungungulu. Miti. 20:27

Johani 1:24

A vanhu lavo va wa rumilwe hi vaFarisi.

Johani 8:44

Nwina mu vana va raru wa nwina a nga Satani, mu ranza ku maha a kunavela ka raru wa nwina. Yena i wa hi mudayi hi kusanguleni, a nga yimi zineneni, hakuva ku hava zinene ka yena. Loku a wulawula mawunwa, i wulawula hi za wutsumbu gakwe; hakuva hi muhembi, i raru wa mawunwa. Mat. 13:38; 1 Joh. 3:8; Juda 6

Johani 9:40

Laha a vaFarisi lava va nga wa yimile laho na vazwa lezi, vaku ngalo kakwe: Hinawu hi zikhumu ke? Rom. 2:19

Mitiro 15:5

Kanilezi a vanwani va ntlawa wa vaFarisi, lava va kholilweko, va lo suka, vaku: Za laveka lezaku a vamatiko va engheniswa wukwera, va layiwa a kuva va hlayisa a nayo wa Mosi.

Mitiro 20:31

Hikwalaho rinzelani, na mu alakanya lezaku hi malembe manharu a nzi tsikangi ku luleka munwe ni munwani wa nwina hi mihloti a wusiku ni mumu.

Mitiro 26:5

Loku va vumela ku kustumunya va zi tiva hi kale, lezaku nzi wa hi ni mahanyela ya wuFarisi, ma nga wone ma hunzako wontihe a kukhozeleni ka hina. Xip. 22:3; 23:6; Fil. 3:5

Mitiro 5:17

Kanilezi a zilo lezi zi lo vuxa a mupristi wa hombe, ni vontlhe va nga hi zinwe naye, va nga hi vaSadusi, va tatiswa hi mona, Xip. 4:1, 2

Va le Roma 1:18

Hakuva a zanga ya Nungungulu ya wonekeliswa hi le tilweni hehla ka kontlhe a kungakholwi ni kungalulami ka vanhu, lava va thindekisako a zinene hi kungalulami kabye. Miti. 17:30; Joba 24:13

Va le Roma 5:9

Nguvunguvu lezi makunu hi hlayelweko kululama hi kota ya nkhata wakwe, hi ta poniswa zangeni hi yena. 1 Tes. 1:10; 1 Joh. 1:7

1 Va le Tesalonika 1:10

na mu rinzela a Nʼwana a kuta hi le tilweni, loyi yena a nga mu vuxa hi ka vafileko, a nga Jesu loyi a hi hlangutako zangeni leyi yi ta ngata. Miti. 1:11; Rom. 2:7; Fil. 3:20; Maheb. 9:28; 2 Ped. 3:12; Kuv. 1:7

Maheberu 11:7

Hi kukholwa Noa na a byelilwe hi Nungungulu hi zilo zi nga kala zi nga se woniwa, i lo ingisa, a aka a taru kasi ku hanyisa a nghamu yakwe; hi ku maha lezo i lo kona a tiko, a maha xiga-tshomba ya kululama loku ku nga ka kukholwa. Gen. 6:13; Rom. 3:22

Maheberu 6:18

lezaku kasi hi zilo lezi zimbiri zi nga hiko na kuhunzuluka, lezi Nungungulu a nga zi kotiko ku hemba ha zona, hina hi fela kuva ni kutiyiswa ka ntamu, hina lava hi tsutsumeleko wuponelweni ku ta khoma a kutsumba loku ku vekilweko mahlweni ka hina.

1 Johani 3:10

Hi xwalexo xi kombisako lava va nga vana va Nungungulu ni lava va nga vana va Satani: kani hi wihi loyi a nga mahiko lezi zi lulamileko a hi wa Nungungulu, ge ni loyi a nga ranziko makabye wakwe.