Mateu 3:12 - Tshwa Bible

¹² A lihlelo lakwe li le canjeni gakwe, yena i ta swiyelisisa a wuhulelo gakwe, a hlengeletela a mavele yakwe magombeni yakwe, kanilezi a mungu i ta wu hisa hi nzilo wu nga timekiko. Mal. 3:3; Xip. 13:30

Mateu 3:12 Mawu Ofanana

Joba 21:18

Ni lezaku ve khwatsi linhonhombyana li biwako hi mheho; Va ku khwatsi i mungu loʼwu kukuletwako hi bhubhutsa?

Tisimu 1:4

A vakubiha a va nghaho; Va fanana ni mungu wu kukuletwako hi mheho. Joba 21:18

Tisimu 35:5

Ngha va ku khwatsi i mungu lo wu kukuletwako hi mheho; A va hlongoliswe hi ngelosi ya Jehova.

Isaya 1:31

A nhenha yi ta ku khwatsi fufanyi, ni ntiro wa yona wu ta ku khwatsi i hlahle, hi wumbiri gabye va taswa zinwe, a nga kona a ta nga va timela.

Isaya 17:13

A mifumo yi ta maha guwa khwatsi i guwa ga mati manyingi. Kanilezi Nungungulu i ta yi kawuka, yi tsutsumela kule; Yi ta hangalaswa yiku khwatsi i mungu wa zitsunga wu hangalaswako hi mheho. Kukotisa tsutsungwani mahlweni ka bhubhutsa.

Isaya 27:4

A nzi xi zangareli, Loku a zigetlwani ni mizwa zi wa talwa na mina, Nzi wa ta zi hlomela, nzi zi hisa zontlhe.

Isaya 28:28

A tirigo a yi fayiwi, Kanilezi a ku hunzisiwi mpimo wa kuhula ni ku yi gaya hi nghonghola ya kareta yakwe; A yi panzelelwi hi masonzo ya mahaxi.

Isaya 30:24

A tihomu ni timbongola leti ti rimako misava ti taga foliji gi Ringilweko hi munyu, legi gi heherilweko hi foloko ni lihlelo.

Isaya 41:16

U ta zi checheta, ni mheho yi ta zi kukuleta, A xipupuri xi zi hangalasa; Kanilezi wena u ta tsakela Jehova, U ti kulisa hi Loyi wa ku Basa wa ka Israeli.

Isaya 5:24

Hikwalaho khwatsi hi langavi ga nzilo gi gako tihlanga, Ni ku khwatsi hi loku gi hisa byanyi gi omileko, Zinghaho a mutsu wabye wu ta bola, Ni zitsangi zabye zi ta jujeka kukotisa tsutsungwani; Hakuva va tsikile a nayo wa Jehova wa tiyimpi, Va kanyisa a mhaka ya Wa ku Basa wa ka Israeli.

Isaya 66:24

Zonake va ta huma, va wona a zirumbi za lava va hambunyetileko mahlweni ka mina; hakuva a xiwungwani xabye xi nga tafa, ge hambu a nzilo wabye wu nga ta timeka. Va ta maha xinyenyeko ka nyama yontlhe. Dan. 12:2; Mar. 9:48

Jeremia 15:7

Nzi va heherile hi foxola le maphangweni ya tiko; A vapswali nzi va tekele a vana vabye, Nzi lovisa vanhu va mina. Hilezi va nga hunzulukangiko tindleleni tabye.

Jeremia 17:27

Kanilezi loku mu nga nzi ingisi, mu nga basisi a siku ga sabado, kanilezi mu rwala a minzhwalo ni ku enghena nayo hi tinyangwa ta Jerusalema hi siku ga sabado; zonake nzi ta dzivela a nzilo tinyangweni ta wona, wu hisa tiyindlu ta wuhosi ta lomu Jerusalema, a nzilo lowu wu nga ta timiwa. Ezek. 20:47; Hos. 8:14

Jeremia 4:11

A ka lexo xikhati ku ta byeliwa ka lava vanhu ni ka Jerusalema, ku ngalo: A mheho yo hisa ya le migangeni ya xiwula yite tshonono ni nhanyana wa vanhu va mina, na ku nga hi ku hehera ni ku checheta.

Jeremia 51:2

Nzi ta rumela a vamatiko le Babuloni, lava va ta nga mu hehera, va maha tiko gakwe gi sala gi hi phanga; hakuva hi siku ga khombo va ta gi vukela matlhelo wontihe.

Jeremia 7:20

Hikwalaho Hosi Jehova i ngalo: Nzi ta chulula a zanga ya mina ni khulo ga mina wutshanwini legi, a hehla ka vanhu ni hehla ka zihari, ni hehla ka tisinya ta khwati ni mihanzu ya misava; zi ta vura zi nga kotekiku timiwa.

Hosea 13:3

Hikwalaho va ta kota a hunguva ya mixo, ni nzhokati leʼyi tlhatlhekako hi kuhatlisa, vaku khwatsi i mungu wu kukuletwako hi xipupuri lomu wuhulelweni, ni kukotisa i musi wu humako hi lomu chimeleni.

Amosi 9:9

Hakuva nzi ta leletela lezaku a yindlu ya ka Israeli yi heheriwa xikari ka matiko wontlhe, kukotisa a mavele ma heheriwako hi lihlelo, ku ngawi ni nzhoho yinwe lahasi.

Malaki 4:1

Hakuva langutani, a siku gata, legi gi to vura ku fana ni pingo ga nzilo. Vontlhe a vamatshanza ni vontlhe a vamahi va kubiha va ta fanana ni byanyi gi womileko. A siku legi gi tako gi ta va hisa, ku wula Jehova wa tiyimpi, gi nga ta va siyela mutsu hambu liravi.

Mateu 13:30

Ngha na mu zi tsika zi kula zinwe ku kala ku chikela kutshovela. Hi xikhati xa kutshovela nzi taku ka vatshoveli: A kuranga wungeletelani a nyasavari, mu mu boha hi tinyanza, mu mu hisa; kanilezi a mavele mu ma hlengeletela magombeni ya mina. Xip. 3:12

Mateu 13:41

A Nʼwana wa munhu i ta ruma a tingelosi takwe, ti ta wungeletela ti humesa mufunweni wakwe zontlhe lezi zi khunguvanyisako, ni lava va mahako kubiha, Xip. 18:7; 2 Ped. 2:1, 2

Mateu 13:42

ti ta va hoxa phingweni ga nzilo; laho ku tava kona a mikosi ni kugetsela ka meno. Xip. 3:12; Kuv. 19:20; 20:10

Mateu 13:43

Zonake a valulamileko va ta ngangamela kotisa gambo mufunweni wa Raru wabye. Loyi a nga ni tindleve, ngha a ingisa. Dan. 12:3; 1 Kor. 15:42, 43, 58

Luka 3:16

Johani i lo hlamula, aku ngalo ka vona vontlhe: Mina nzi mu bapatiza hi mati; kanilezi wa hata loyi a nga ni ntamu ku nzi hunza, loyi a tingoti ta zilato zakwe nzi nga faneliko ku ti tlhatlha; i ta mu bapatiza hi Moya wa ku Basa ni nzilo. Mat. 3:11

Luka 3:17

A lihlelo lakwe li lomu canjeni gakwe, kasi ku swiyelisisa a nzhimbo wakwe, ni ku hlengeletela a mavele magombeni yakwe; kanilezi a mungu i ta wu hisa hi nzilo wu nga timekiko. Mika 4:12; Mat. 13:30

Johani 15:2

Ni gihi ravi gi nga ka mina, legi gi nga pswaliko mihanzu, wa gi tsema; kanilezi legi gi pswalako mihanzu wa gi thena, kasi gi fela ku pswala hi kuhunzeleleko. Mat. 15:13