Mateu 27:52 - Tshwa Bible

⁵² A zilahla zi lo vululeka, ni mimiri ya vanyingi laʼvo basa lava va nga file yi lo vuxiwa.

Mateu 27:52 Mawu Ofanana

2 Tihosi 13:21

Laha va nga wa lahla munhu, va lo wona a butho ginwe na gita. Va lo hoxa a xirumbi lomu nkeleni wa Elixa. Laha a nga khumba a marambu ya Elixa, i lo vuka a hanya a yima hi milenge yakwe.

Isaya 25:8

I ta fuvisa kufa kala ku pinzuka; Hosi Nungungulu i ta hlanguta mihloti tinghoheni tontlhe; I ta susa tingana ta vanhu vakwe misaveni yontlhe, Hakuva Jehova i wulile lezo. 1 Kor. 15:26, 54; 2 Tim. 1:10; Kuv. 7:17

Isaya 26:19

A vafileko va wena va ta tlhela va hanya, A zirumbi za vafi va mina a zi vuke! Vukani mu giya, nwina lava mu etleleko tshurini, Hakuva a nzhokati ya wena i nzhokati ya wuronga, Zonake a misava yi ta tlhela yi humesa a vafileko. Ezek. 37:3

Danieli 12:2

Vanyingi lava va etleleko tshurini wa misava va ta vuka; a vanwani va ta vuka vaya wutomini ga pinzukelwa, kasike a vanwani va ta vuka vaya ti-nganeni ni hlokiselelweni wu nga gumelwiko. Mat. 25:46; Joh. 5:28

Hosea 13:14

Nzi ta va tirula ntanwini wa Xeoli, nzi va tlhatlhisa kufeni. Kufa, yi kwihi mitungu ya wena ke? Xeole, ku kwihi kulovisa ka wena ke? A nzi na kuhunzuluka kupimeni ka mina.

Johani 11:11

Loku a wulawulile lezo, aku ngalo kabye: Lazaru, a xaka ga hina, i etlele; kanilezi nza famba, nzi ya mu vuxa. Dan. 12:2; Mat. 9:24; Miti. 7:60

Mitiro 7:60

Zonake i lo khizama, aba huwa hi gezu ga hombe, aku: Hosi, u nga va hlayeli a xionho lexi. Laha na a wulile lezo i lo etlela. Lu. 23:34

1 Va le Korinte 11:30

Hi xigelo lexo a vanyingi va nwina va na ni gome, va babya, ni vanwani va file.

1 Va le Korinte 15:20

Kanilezi futsi Kristu i vukile hi ka vafileko, hi yena matewula ya vona lava va etleleko. Miti. 26:23; 1 Ped. 1:3

1 Va le Korinte 15:51

Langutani, nza mu byela fihlakalo waku ngalo: Hi nga ta etlela hontlhe, kanilezi hina hontlhe hi ta hunzuluswa xiyimo Fil. 3:21; 1 Tes. 4:15

1 Va le Tesalonika 4:14

Hakuva loku hi kholwa lezaku Jesu i lofa a tlhela a vuka, hizalezo ni lava va etleleko, Nungungulu i ta va vuxa ha Jesu, a va wuyisa zinwe naye. 1 Kor. 15:13

1 Va le Tesalonika 5:10

loyi a nga hi fela, lezaku hambu hi hanyanya, kutani hi etlele, hi ta hanya zinwe naye,