Mateu 27:24 - Tshwa Bible

²⁴ Lezo Pilatu na a wonile lezaku a nga zi koti ku va rutisa, ntsena ku vuxa woyonga, i lo teka mati, a hlamba mandla yakwe mahlweni ka xidlemo, aku: A nzi na nanzu hi nkhata wa munhu loyi a lulamileko; ti woneleni nwina. Deut. 21:6

Mateu 27:24 Mawu Ofanana

Tisimu 26:6

Nzi ta hlamba mandla ya mina kululameni, Nzi renzelekela a nganzelo ga wena, Jehova.

Jeremia 2:27

Lava va wulako ka dzanza, vaku: Wena u dadani wa mina, Vaku ka ribye: Mina nzi pswalilwe hi wena. Hakuva va nzi fularele, a va nzi cuwukeli; Kanilezi a xikhatini xa khombo va taku ngalo: Yima, u hi hlanguta!

Jeremia 2:35

Hambu zi hi tano, u ngalo: Kota lezi nzi nga hava nanzu, A zanga yakwe yi sukile ka mina. Languta, nzi ta ku kecara, Lezi u nge ngalo: A nzi onhangi!

Mateu 26:5

kanilezi vaku ngalo: Ngha zi nga mahiwi laha mubuzweni, ku nga vuka vilinganya xikari ka vanhu.

Mateu 27:19

Laha Pilatu na ha tshamile xitshanwini xa kulamula, a sati wakwe i lo rumela mhaka kakwe, aku; Ngha u nga hi na mhaka ni munhu loye a lulamileko. Hakuva ni wusiku nzi xanisekile nguvu hi kulora hi kota ya yena.

Mateu 27:23

Yena aku: Hikuyini, kubiha muni a ku mahileko ke? Kanilezi va lo kanyuluka nguvu, vaku: Ngha a belelwa!

Mateu 27:4

aku: Nzi onhile lezi nzinyikeleko munhu a nga onhangiko nchumu. Kanilezi va te ngalo: Xini lexo ka hina? I mhaka ya wena!

Mateu 27:54

Laha a nduna ya zana ni lava va nga hi nayo va lavelela Jesu, na va wonile a kutsekatseka ka misava, ni zinwani zi nga wa mahekile, va lo chava nguvu, vaku: Hakunene, loyi i wa hi Nʼwana wa Nungungulu! Mar. 15:39; Lu. 23:47

Mateu 27:9

Hi laha ku nga tatiseka lezi muprofeti Jeremia a nga kanela, aku: Va lo teka a 30 wa zipanze za siliva, a tsengo wa loyi a nga pimilwe, loyi a vo kari va vana va Israeli va nga mu pimela. Zak. 11:12, 13

Johani 13:9

Simoni Pedro aku ngalo kakwe: Hosi, yi ngavi mikonzo ya mina ntsena, kanilezi ni mandla ni hloko.

Johani 19:4

Pilatu i lo huma kambe, aku kabye: Langutani, nzi ta mu humesa ka nwina, kasi mu fela ku zi tiva lezaku a nzi kumi nanzu ka yena.

Mitiro 3:14

Mu lo kaneta loyi wa Kubasa ni wa Kululama, mu kombela lezaku mu tlheliselwa a mudayi, Tis. 16:10; Mar. 1:24; Xip. 7:52

2 Va le Korinte 5:21

Hakuva loyi a nga kala a nga ku tivi kuonha, Nungungulu i lo mu maha xionho hi kota ya hina; lezaku ha yena hi fela kuva kululama ka Nungungulu. Isa. 53:6, 9; Jer. 23:6; Rom. 1:17; Gal. 3:13; Fil. 3:9; Maheb. 7:26

1 Pedro 3:18

Hakuva na Kristu i lo xaniseka kanwe hi kota ya zionho; yena loyi a lulamileko i lo xanisekela lava va nga lulamangiko, kasi a fela ku hi yisa ka Nungungulu; na a dayilwe nyameni, i lo hanyiswa hi ka moya; Rom. 8:11; Kol. 1:21; Maheb. 9:26