Mateu 26:70 - Tshwa Bible

⁷⁰ Kanilezi i lo kaneta mahlweni ka vona vontlhe, aku: A nzi zi tivi lezi u zi wulako.

Mateu 26:70 Mawu Ofanana

Mavingu 28:26

Loyi a tsumbako mbilu yakwe wutsumbu xipumbu; anilezi loyi a fambako hi wutlhari i ta tlhatlhiswa.

Mavingu 29:23

A matshanza ya munhu ma ta mu tsongahata; anilezi loyi a nga ni moya wa kutikoramisa, i ta dzunziwa. Lu. 14:11; 1 Ped. 5:5

Mavingu 29:25

A ku chava vanhu ku neha ziyo, anilezi loyi a tsumbako Jehova i ta pona. Mat. 10:28

Isaya 57:11

U wa dzukiswa hi mani, u chava mani ko kala u nga tsumbeki, Lezi u nga kala u nzi alakanya hambu ku nzi khatalela ke? Kasi a ku nzi chavi, hilezi nzi miyeleko xikhati xo leha ke?

Jeremia 17:9

A mbilu yi khohlakele ku hunza zilo zontlhe, Yi bolile, yi nga tibyiwa hi mani ke? Tis. 1:3

Mateu 26:51

Kanilezi munwe wa lava va nga hi na Jesu, i lo tshambuluta canja gakwe, a hlomula supado yakwe, aba a nanza ga mupristi wa hombe, a mu tsema ndleve. Joh. 18:10

Mateu 26:56

Kanilezi zontlhe lezi zi maheka, kasi ku fela ku tatiseka a mitsalo ya vaprofeti. Zonake a vapizani vontlhe va lo mu siya, va tsutsuma. Jesu a lamuliwa hi mupristi wa hombe.

Mateu 26:58

Pedro i lo mu lanzela hi le kule, aya hubyeni ya mupristi wa hombe; i lo enghena a tshama zinwe ni malanza, kasi ku wona kumbhela ka zona.

Mateu 26:69

Laha Pedro a nga tshamile lahandle le hubyeni, ku lota kakwe a nanza ga xisati, a taku: Wenawu u wa hi na Jesu wa le Galilea. Mar. 14:66; Lu. 22:55; Joh. 18:16

Mateu 26:71

Laha na a humele nyangweni, a munwani wasati i lo mu wona, aku ngalo ka lava va nga hi laho: Loyi munhu kambe i wa hi na Jesu wa le Nazareta.

Luka 22:57

Kanilezi Pedro i lo kaneta, aku: Wasati, a nzi mu tivi.

Va le Roma 11:20

Kunenewe, ma phatlulwe hi kota ya kungakholwi kabye, na wena u yimile hi kukholwa ka wena. U nga ti kukumukisi, kanilezi chava. Xip. 12:16; Fil. 2:12

1 Va le Korinte 10:12

Hikwalaho loyi a alakanyako lezaku i yimile, a ti wonele, a nga dzuka awa.

Kuvululelwa 21:8

Kanilezi a matoya, ni vangakholwiko, ni va manyala, ni vadayi, ni zibhayi, ni valoyi, ni vakhozeli va zifananiso, ni vontlhe vahembi, va ta kuma xiavelo xabye le tiveni legi gi vurako hi nzilo ni solufa; hi kona a kufa ka wumbiri. 1 Kor. 6:9; Gal. 5:19-21; Efe. 5:5