Mateu 26:35 - Tshwa Bible

³⁵ Pedro aku kakwe: Hambu loku nzi ngafa na wena, nzi nga ta ku kaneta. A vapizani vontlhe va wulawu zalezo.

Mateu 26:35 Mawu Ofanana

Eksodusi 19:8

Vontlhe vanhu va lo hlamula khatiginwe, vaku; Zontlhe lezi Jehova a zi wulileko hi ta zi maha. Mosi i lo yisa timhaka ta vanhu ka Jehova.

Mavingu 28:14

I katekile a munhu loyi a nga ni livalo xontlhe xikhati; anilezi loyi a nonohisako a mbilu yakwe i ta wela khombyeni.

Mavingu 29:23

A matshanza ya munhu ma ta mu tsongahata; anilezi loyi a nga ni moya wa kutikoramisa, i ta dzunziwa. Lu. 14:11; 1 Ped. 5:5

Mateu 10:33

Kanilezi loyi a ta nga nzi ala mahlweni ka vanhu, minawu nzi ta mu ala mahlweni ka Dadani wa mina loyi a nga le tilweni.

Johani 13:37

Pedro aku kakwe: Hosi, a nzi zi koti ku ku lanzela makunu hikuyini ke? Nzi ta tsika ni wutomi ga mina hi kota ya wena. Mat. 26:33; Mar. 14:29; Lu. 22:33

Va le Roma 11:20

Kunenewe, ma phatlulwe hi kota ya kungakholwi kabye, na wena u yimile hi kukholwa ka wena. U nga ti kukumukisi, kanilezi chava. Xip. 12:16; Fil. 2:12

1 Va le Korinte 10:12

Hikwalaho loyi a alakanyako lezaku i yimile, a ti wonele, a nga dzuka awa.

Va le Filipi 2:12

Hilezoke, varanzekako va mina, khwatsi hi lezi mu ingisileko xontlhe xikhati, na ku nga hi loku nzi hi kona ka nwina ntsena, kanilezi nguvunguvu makunu loku nzi ngha nzi hi hava, tirelani a kuhanyiswa ka nwina hi kuchava ni kururumela.

1 Pedro 1:17

Loku nwina mu mu vitana muku i Dadani, loyi a lamulako munwe ni munwani hi mitiro yakwe, na a nga cuwuki a xiyimo xa munhu, hanyani hi kuchava a xikhati xa kuluvela ka nwina lomu. Deut. 10:17; Rom. 2:11