Mateu 26:28 - Tshwa Bible

²⁸ hakuva lexi hi nkhata wa mina wa xivumelwano xiswa, lowu wu halatelwako a vanyingi a kutsetselelweni ka zionho. Ekso. 24:8; Jer. 31:31; Rom. 5:15

Mateu 26:28 Mawu Ofanana

Jeremia 31:31

Languta, a masiku ma tata, ku wula Jehova, Lawa nzi to maha a xivumelwano xiswa ni yindlu ya Israeli, ni yindlu ya ka Juda.

Levi 17:11

Hakuva a muhefemulo wa nyama wu lomu nkhateni. Hikwalaho nzi mu nyikile wona a ku maha ha wona a nzhiho wa mihefemulo ya nwina laha alatini, hakuva hi wona nkhata wu mahako nzhiho hi kota ya muhefemulo wu nga ka wona. Maheb. 9:22

Zakaria 9:11

Loku ku hi wena, hi kota ya xivumelwano xa wena xa nkhata, nzi ta tlhatlha a tiperesu ta wena ti huma rinzini gi nga hiko na mati. Ekso. 24:8; Maheb. 9:19

Mateu 20:28

kota lezi a Nʼwana wa munhu a nga telangiko ku ta tirelwa, kanilezi a ku ta tirela, ni ku nyikela kuhanya kakwe a kuva nzhiho wa ku tirula vanyingi. Isa. 53:10; Lu. 22:27; Joh. 13:4

Mateu 26:27

I lo teka a gombe, a bonga, a gi nyika kabye, aku: Nwanani nwentlhe ha gona;

Mateu 26:29

Nziku ka nwina; Kusukela lezi nzi nga ha tanwa mihanzu ya xivina, kala siku lego nzi ta nga yinwa yi hi yiswa, zinwe na nwina le mufunweni wa Dadani. Mar. 14:25; Miti. 10:41

Mateu 6:12

Hi tsetselele milanzu ya hina, khwatsi hilezi hi va tsetselelako lava va nga ni milanzu ka hina. Xip. 18:21

Marku 1:4

Lezo ku lota Johani, loyi a nga bapatiza xiwuleni, a kanela a kubapatiza ka kuhunzuluka loku ku yisako kutsetselelweni ka zionho. Mat. 3:1; Lu. 3:3

Marku 14:24

Aku ngalo kabye: Lowu hi nkhata wa mina wa xivumelwano, lowu wu halatelweko a vanyingi.

Luka 22:19

Yena i lo teka xibaba, laha na a bongile, i lo xi khema, a va nyika, aku: Lexi hi miri wa mina, lowu wu nyikelwako nwina; mahani lezo, mu nzi alakanya ha zona. 1 Kor. 11:24

Luka 22:20

Zinghaho ni gombe anzhako ka xilalelo, aku: Legi gombe hi xivumelwano xiswa nkhateni wa mina, lowu wu halatelwako nwina. 1 Kor. 10:16

Va le Roma 5:15

Kanilezi a xinyikiwo xa wuxinji a xi fanani ni xihambuko. Hakuva loku a vanyingi vafile hi kota ya xihambuko xa munhu munwe, hikwalaho ti anzisilwe nguvunguvu ka vanyingi a tipswalo ta Nungungulu, ni xinyikiwo xa tipswalo xi tileko hi munhu munwe, yena Jesu Kristu. Isa. 53:11; Mat. 20:28

Va le Roma 5:19

Hakuva khwatsi hi lezi hi kungaingisi ka munhu munwe a vanyingi va lo mahiwa vaonhi, hizalezo kambe hi kuingisa ka munwe a vanyingi va ta mahiwa volulama.

1 Va le Korinte 11:25

Zinghaho anzhako ka xilalelo i lo teka a gombe, aku: A gombe legi hi xivumelwano xiswa nkhateni wa mina; ni xihi xikhati mu gi nwako, mahani lezo kasi ku nzi alakanya. Maheb. 9:15

Va le Efesusi 1:7

Hi kuma ha yena a kutirulwa ka hina hi kota ya nkhata wakwe, ku nga kutsetselelwa ka zihambuko za hina, hi ku ringana ni kutala ka tipswalo takwe, Rom. 3:24; Maheb. 9:12

Va le Kolosi 1:14

loyi hi nga ni kutirulwa ha yena, ku nga kutsetselelwa ka zionho za hina.

Va le Kolosi 1:20

lezaku a ta ti tlhanganisa ha yena ni zilo zontlhe za laha misaveni, kutani za le tilweni, na a vanga kurula hi nkhata wa xihambano xakwe.

Maheberu 10:29

Xana a mu alakanyi nwina lezaku i fanelwe hi kubiwa ku tshisako ko hunza lezi, loyi a kanziheleko a Nʼwana wa Nungungulu, na a kanyisa a nkhata wa xivumelwano, lowu a nga basiswa ha wona, a engeta a rukatela a Moya wa tipswalo ke? Mat. 12:31; 1 Kor. 11:29

Maheberu 13:20

Makunu ngha Nungungulu wa kurula, loyi a wuyisileko hi ka vafileko a Hosi ya hina Jesu, loyi a nga murisi wa hombe wa tiyivu, hi nkhata wa xivumelwano xa pinzukelwa, Isa. 40:11; Ezek. 34:23; Zak. 9:11; Joh. 10:11, 14; Rom. 4:24; 15:33

Maheberu 9:28

hizalezo Kristu kambe, na a nyikelwe kanwe, kasi ku rwala a zionho za vanyingi, i ta woneka hi xikhati xa wumbiri a handle ka kuonha, a ka lava va mu rinzelako lezaku a va hanyisa. Rom. 6:10; Tit. 2:13; 1 Ped. 2:24

1 Johani 2:2

Hi yena a nga nzhiho wa ku susa zionho za hina, na ku nga hi za hina ntsena, kanilezi ni za tiko gontlhe kambe: Joh. 1:29; 4:42; Rom. 3:25

Kuvululelwa 7:14

Nziku ka gona: Hosi yanga, wa zi tiva wena. Giku ka mina: Lava hi vona va humako kuxanisekeni ka hombe, va hlazile tinguwo tabye va ti basisa nkhateni wa Yivana. Isa. 1:18; Maheb. 9:14; Xip. 6:9

Kuvululelwa 7:9

Anzhako ka lezo nzi lo cuwuka, nzi wona a xidlemo xa tsanza-vahlayi, xa matiko wontihe, ni tixaka, ni mifumo, ni tirimi, na xi yimile mahlweni ka xitshamu xa wuhosi ni mahlweni ka Yivana, na va ambele a tinguwo to basa to leha, na va hi ni micinzu mandleni yabye; Rom. 11:25; Xip. 3:5, 18; 5:9; 6:11