Mateu 24:5 - Tshwa Bible

⁵ Hakuva vanyingi va tata hi vito ga mina, na vaku: Hi mina Kristu; va ta pengisa vanyingi. Jer. 14:14; Vesi 11

Mateu 24:5 Mawu Ofanana

Jeremia 14:14

Jehova i lo nzi hlamula, aku: A vaprofeti va profeta mawunwa vitweni ga mina. A nzi va rumangi, a nzi va layangi; a nzi wulawulangi nchumu kabye. Va profeta ka nwina a miwoniso ya mawunwa ni kuvumba, a zilo za mahala za kukhohlakala ka timbilu tabye.

Jeremia 23:21

A nzi rumangi vaprofeti lavo, kanilezi va ti tsutsumele ha voce; a nzi xuxangi navo, kanilezi va lo profeta ha voce.

Jeremia 23:25

Nzi zwile lezi a vaprofeti va zi wulako, lava va profetako mawunwa hi vito ga mina, vaku: Nzi lorile, nzi lorile!

Jeremia 37:9

Jehova i ngalo; Mu nga ti kanganyisa muku: A maKaldea ma ta suka xikari ka hina, hakuva ma nga ta suka.

Mateu 24:11

Ku ta huma vaprofeti vanyingi va mawunwa, va pengisa votala. 2 Ped. 2:1; 1 Tim. 1:4

Mateu 24:24

hakuva ku ta huma vanhu va ta nga ti wula Kristu hi ku hemba, ku huma ni vaprofeti va mawunwa; va ta maha ziwoniso za hombe ni zirewukiso, kasi ku pengisa ni vahlawulilweko loku zi koteka. Deut. 13:1; Rom. 8:28; 2 Tim. 2:19

Johani 5:43

Nzi tile hi vito ga Dadani, a mu nzi amukeli; kasi loku ata munwani hi vito gakwe yena nwinyi, yena mu ta mu amukela.

Johani 8:24

Hikwalaho nzi mu byelile, lezaku mu ta fela zionhweni za nwina; hakuva loku mu nga kholwi lezaku nzi mina yena, mu ta fela zionhweni za nwina. Vesi 21; Mar. 16:16

Johani 8:28

Hikwalaho Jesu aku ngalo: Loku mu tlakusile Nʼwana wa munhu, zonake mu ta zi tiva lezaku nzi mina yena, ni lezaku a nzi mahi nchumu ha nzoce, kanilezi nza kanela kota lezi a nzi gonzisileko Dadani. Xip. 3:14; 12:32; Rom. 1:4

1 Johani 2:18

Vana vanga, makunu xikhati xo gumesa; kota lezi mu nga zizwa lezaku wata Mukaneti wa Kristu, hambu ni lezi va kona vanyingi vakaneti va Kristu; hi kota ya lezo ha zi tiva lezaku xikhati xo gumesa. Mat. 24:5; 2 Tes. 2:3; Maheb. 1:2

1 Johani 2:22

Himani Muhembi, loku ku nga hi yena loyi a kanetako lezaku Jesu hi Kristu ke? A Mukaneti wa Kristu hi yena loyi a kanetako Dadani ni Nʼwana.

1 Johani 4:3

kanilezi a mimoya yontlhe leyi yi nga vumeliko a kuta ka Jesu nyameni a hi ya Nungungulu. Hi wona moya wa Mukaneti wa Kristu, lowu mu wu zwileko ku ngalo wata; makunu wu laha tikweni ni lezi. 2 Tes. 2:7; 2 Joh. 7

Kuvululelwa 13:8

Vontlhe lava va akileko misaveni va ta xi khozela, vontlhe lava a mavito yabye ma nga tsaliwangiko bhukwini ga wutomi ga Yivana leyi yi nga tlhabyiwa hi le kusanguleni ka tiko. Ekso. 32:32; Fil. 4:3; Xip. 17:8