Mateu 24:31 - Tshwa Bible

³¹ Yena i ta ruma a tingelosi, takwe na tiba mimpunzu yo vuma nguvu; ti ta tsombanyisa a vahlawulilweko vakwe hi ka mune wa matlhelo ya misava, kusukela magemeta-musi ya tilo kala ka manwani magemeta-musi. 1 Kor. 15:52; 1 Tes. 4:16

Mateu 24:31 Mawu Ofanana

Tisimu 22:27

Wontihe matlhelo ya misava ma ta alakanya Jehova, ma hunzuluka; Tixaka tontlhe ta vamatiko ti ta khizama mahlweni ka wena.

Tisimu 67:7

Nungungulu i ta hi katekisa; Kontlhe kugumelwa ka misava ku ta mu chava.

Tisimu 81:3

Kuwonekeni ka hweti banani mpunzu, Wu biwa ni xikhatini xa babani, Hi siku ga mubuzo wa hina. Ekso. 12:1; Levi 23:5; Deut. 16:1

Eksodusi 19:16

Hi siku ga wunharu laha na gi cile, ku wa hi kona kudzinza ni kuhatima, ni refu legi ga ntima na gi hi hehla ka xitsunga; ni kuvuma loku ka hombe ka punzu ku lo tinga. Zonake a vanhu vontlhe lava va nga hi lomu wugovelweni va lo rurumela.

Isaya 11:12

A matiko yi ta ma yimisela a nghapa, Yi tsombanyisa lava va hlongolweko va ka Israeli, Ni ku tlhanganyisa lava va hangalakileko va ka Juda, Va suka matlhelweni ya mune ya misava. Deut. 30:4; Joh. 10:16

Isaya 13:5

Va huma tikweni ga le kule, a magemeta-musi ya tilo; Hi Jehova ni matlhari ya zanga yakwe a tako ku ta lovisa tiko gontlhe.

Isaya 27:13

Masikwini lawo ku ta biwa a punzu wa hombe, Zonake lava va nga wa lahlekile tikweni ga Assiria Ni lava va nga tsutsumele tikweni ga le Gipite, Va tata va ta khizamela Jehova xitsungeni xi basileko le Jerusalema.

Isaya 42:10

Yimbelelani a lisimu tiswa ka Jehova, Mu mu dumisa kusukela magunweni ya misava; Nwina lava mu yako bimbini, ni zontlhe zi nga ka gona, A matiko ya le bimbini ni lava va akileko ka wona.

Isaya 43:6

Nzi taku ka Nwalungu: Humesa! Ni ka Dzonga: U nga alisi! Wuyisa a varisanyana va mina hi le kule, Ni vanhwana va mina hi le magemeta-musi ya misava;

Isaya 45:22

Tlhelelani ka mina mu hanyiswa, Nwina nwentlhe magemeta-musi ya misava; Hakuva mina nzi Nungungulu, a ku na munwani.

Isaya 49:18

Tlakusa a mahlo ya wena u lunguza: Vontlhe va tsombene, vata ka wena! Khwatsi hilezi nzi hanyako, ku hlambanya Jehova, U ta ti bombisa ha vona khwatsi hi nguwo, U ti ambexa ha vona kota muswika.

Isaya 60:4

Tlakusa a mahlo ya wena u lunguza, Languta: va tsombene vontlhelele, vata ka wena; A vana va wena va tata hi le kule, Ni vanhwana va wena vata na va wukarelwe.

Danieli 7:2

Danieli i te ngalo: A norweni wa mina wa wusiku nzi lo wona a mune wa timheho ta tilo ti huma hi ntamu hehla ka bimbi ga hombe.

Zakaria 14:5

Mu ta tsutsuma hi minzhelelo ya zitsunga za mina, hakuva a minzhelelo ya zitsunga za mina yi ta chikela ni le Azeli. Mu ta tsutsuma khwatsi hi lezi mu nga tsutsuma a xitsekatseka xa misava masikwini ya Uzzia a hosi ya ka Juda. Zonake Jehova a Nungungulu wa mina i tata, ni vontlhe va basileko zinwe na wena.

Zakaria 2:6

Ho, ho, tsutsumani hi lomu tikweni ga Nwalungu, ku wula Jehova; nwina lava nzi nga mu hangalasa matlhelweni ya mune wa timheho, ku wula Jehova.

Zakaria 6:5

A ngelosi yiku ka mina: Leti hi mune wa timheho ta tilo, ti sukelako laha ti nga yimile kona mahlweni ka Hosi ya misava yontlhe. Jer. 49:36; Dan. 7:2; Kuv. 7:1

Zakaria 9:10

Nzi ta fuvisa a tikareta lomu Efraime, ni mahaxi le Jerusalema, ni mawura ya yimpi ma ta fuviswa. I ta wulawula kurula a ka mifumo; a kufuma kakwe ku ta sukela bimbini ginwe kala ka ginwani, ni kusukela Congweni kala magemetamusi ya misava.

Zakaria 9:14

Jehova i ta woneka hehla kabye, a ligalala lakwe li ta phandiwa li ku khwatsi xingwalangwanza. Hosi Jehova i taba a mpunzu, a famba hi xipupuri xa Dzonga.

Mateu 13:41

A Nʼwana wa munhu i ta ruma a tingelosi takwe, ti ta wungeletela ti humesa mufunweni wakwe zontlhe lezi zi khunguvanyisako, ni lava va mahako kubiha, Xip. 18:7; 2 Ped. 2:1, 2

Mateu 24:22

Loku lawo masiku ma wa nga komiswangi, ngha ku nga hi kona ni munwe a hanyisilweko; kanilezi hi kota ya vahlawulilweko a masiku lawo ma ta komiswa. Isa. 65:8, 9; Zak. 14:2, 3

Mateu 24:24

hakuva ku ta huma vanhu va ta nga ti wula Kristu hi ku hemba, ku huma ni vaprofeti va mawunwa; va ta maha ziwoniso za hombe ni zirewukiso, kasi ku pengisa ni vahlawulilweko loku zi koteka. Deut. 13:1; Rom. 8:28; 2 Tim. 2:19

Mateu 24:32

Makunu gonzani hi sinya ya nkuwu a mufananiso wa wona: Loku a ravi ga wona gi nyuka, gi hluka matluka, ma zi tiva lezaku a ximumu xi le kusuhi;

Mateu 25:31

Kanilezi laha a Nʼwana wa munhu a ta ngata hi kungangamela kakwe, ni tingelosi tontlhe ti hi zinwe naye; zonake i ta tshama xitshanwini xakwe xa kungangamela. Zak. 14:5; Miti. 1:11; Kuv. 1:7

Mateu 28:18

Zonake Jesu i lo tshinela ka vona, aku kabye: Wu nyikilwe ka mina a ntamu wontihe a tilweni ni laha misaveni; Dan. 7:13; Lu. 10:22; Miti. 2:36; Efe. 1:21; Maheb. 1:2

Marku 13:27

I ta ruma tingelosi, a tsombanyisa a vahlawulilweko vakwe le matlhelweni ya mune, kusukela magemeta-musi ya misava ku kala magemetamusi ya tilo,

Luka 24:47

ni lezaku a kuhunzuluka ni kutsetselelwa ka zionho ku ta kanetwa vitweni gakwe xikari ka matiko wontihe, ku sangula hi le Jerusalema. Gen. 12:3; Isa. 49:6; Dan. 9:24; Mika 4:2; Mal. 1:11; Miti. 13:38

Johani 11:52

Na ku nga hi tiko goce, kanilezi hi lezaku a fela ku wungeletela a vana va Nungungulu lava va hangalakileko. Isa. 49:6; Efe. 2:14; 1 Joh. 2:2

Va le Roma 10:18

Kanilezi nzi ngalo: A va yi zwangi ke? Ina, va zwile. A kuwulawula kabye ku zwele misaveni yontlhe, Ni timhaka tabye ti chikele ni le magemetamusi. Tis. 19:4; Mat. 24:14

1 Va le Korinte 15:52

hi xikhatanyana xo fanana ni kutsopeta ka tihlo, loku ku biwa a mpunzu wo gumesa; hakuva a mpunzu wu ta biwa, zonake a vafileko va ta vuka va nga ha boli kambe, na hina hi ta hunzuluswa xiyimo. Mat. 24:31

Va le Efesusi 1:10

lezaku a yimisa a xaxameto a kumbheleni ka xikhati, lowu ha wona a ta nga tlhanganyisa zilo zontlhe ka Kristu, a zilo za le matilweni ni lezi za laha misaveni. 1 Kor. 3:22; Fil. 2:9; Maheb. 9:10

Deuteronome 30:4

Hambu loku a vanhu va wena va hlongolweko va wa hi ka magumeso ya tilo, Jehova Nungungulu wa wena i ta va tsombanyisela a va wuyisa ha kona.

Deuteronome 4:32

Wutisa ta masiku ya kale lawa ma ku rangeleko, kusukela a siku lego Nungungulu a nga vanga munhu laha misaveni, kusukela kusanguleni ka tilo kala magumeso ya gona, xana ku na nga humelela a zilo za hombe zo kota lezi ke? kutani va na ngazwa zo kota lezo ke?

1 Va le Tesalonika 4:16

Hakuva yona Hosi wutsumbu yi ta relela hi le tilweni hi huwa yi leletelako, ku zwala a gezu ga ngelosi ya hombe ni mpunzu wa Nungungulu; lava va fileko ka Kristu va ta vuka kuranga. Mat. 24:30; Miti. 1:11; 2 Tes. 1:7

2 Va le Tesalonika 2:1

Makunu vamakabye, hi kukumbuka a kuwuya ka Hosi ya hina Jesu Kristu, ni kutsombana ka hina na yena, ha mu khongotela Mat. 24:31

Maheberu 12:19

ni kuvuma ka mpunzu, ni gezu gi nga kari gi wulawula, lezaku lava va nga gizwa va kombela lezaku gi nga ha wulawuli mhaka ka vona;

Kuvululelwa 1:20

A fihlakalo wa tinyeleti ta ntlhanu ni timbiri leti u nga ti wona canjeni ga mina ga xinene, ni timeza ta nzalama ta ntlhanu ni timbiri to veka tikandiya hi lowu: A tinyeleti ta ntlhanu ni timbiri hi tingelosi ta ntlhanu wa mabandla ni mambiri, ni timeza leti ta ntlhanu ni timbiri to veka tikandiya hi mabandla lawa ya ntlhanu ni mambiri. Zak. 4:2; Mat. 5:15

Kuvululelwa 11:15

A ngelosi ya wuntlhanu ni timbiri yi loba mpunzu wa yona; ku zwakala a magezu ya hombe le tilweni, maku ngalo: Makunu a mufumo wa misava wu lumba Hosi ya hina, na Kristu wa yona; yena i ta fuma kala kupinzuka ni kupinzuka. Isa. 27:13; Dan. 2:44

Kuvululelwa 7:1

Anzhako ka lezo nzi lo wona mune wa tingelosi na ti yimile matlhelweni ya mune ya misava, na ti tsimbetela a mune wa timheho ta misava, lezaku ku nga pupuxi mheho misaveni, kutani le bimbini, hambu ni ka sinya yinwe. Dan. 7:2; Xip. 9:4

Kuvululelwa 8:2

Zonake nzi lo wona a ntlhanu wa tingelosi ni timbiri leti ti yimileko mahlweni ka Nungungulu, ti nyikwa a ntlhanu wa mimpunzu ni mimbiri. 2 Kro. 29:25-28; Mat. 18:10