Mateu 24:22 - Tshwa Bible

²² Loku lawo masiku ma wa nga komiswangi, ngha ku nga hi kona ni munwe a hanyisilweko; kanilezi hi kota ya vahlawulilweko a masiku lawo ma ta komiswa. Isa. 65:8, 9; Zak. 14:2, 3

Mateu 24:22 Mawu Ofanana

Isaya 6:13

Loku ku sala munwe xikari ka va khume, na yena i ta hunza xikari ka nzilo, khwatsi hi sinya ya munga ni nkanyi, hambu loku yi tsemilwe a xibho xi ta hluka xi humesa matluka. A xibho xa kona xi tava mbewu yi basileko.

Zakaria 13:8

Lomu tikweni gontlhe, ku wula Jehova, a xipanze zimbiri za vanhu va kona zi tafa, ku sala a xipanze xa wunharu.

Zakaria 14:2

Hakuva nzi ta tsombanyisa a matiko wontlhe kasi kulwa ni Jerusalema, a muti wu ta tekiwa, a tiyindlu ti phangiwa, ni vavasati va pfinyiwa. A khihlanya ga vanhu va muti gi ta yiswa wukhumbini, kanilezi a misalela ya vanhu yi nga ta humeswa mutini.

Mateu 22:14

Hakuva mbanyingi va rambilweko, kanilezi va tsongwani va hlawulilweko.

Mateu 24:24

hakuva ku ta huma vanhu va ta nga ti wula Kristu hi ku hemba, ku huma ni vaprofeti va mawunwa; va ta maha ziwoniso za hombe ni zirewukiso, kasi ku pengisa ni vahlawulilweko loku zi koteka. Deut. 13:1; Rom. 8:28; 2 Tim. 2:19

Mateu 24:31

Yena i ta ruma a tingelosi, takwe na tiba mimpunzu yo vuma nguvu; ti ta tsombanyisa a vahlawulilweko vakwe hi ka mune wa matlhelo ya misava, kusukela magemeta-musi ya tilo kala ka manwani magemeta-musi. 1 Kor. 15:52; 1 Tes. 4:16

Marku 13:20

Loku Hosi yi wa nga komisangi lawo masiku, ngha ku nga hi kona ni munwe a hanyisilweko, kanilezi hi kota ya vahlawulilweko, lava yi va hlawulileko, yi ma komisile lawo masiku.

Luka 18:7

Xana Nungungulu a nga ta va photela a vahlawulilweko vakwe, lava va rilako ka yena a mumu ni wusiku ke, a nga ta timisela ha vona ke? Kuv. 6:10

Va le Roma 9:11

hakuva a vanana na va nga se ku belekiwa, hambu ni ku maha zo saseka kutani za kubiha, lezaku a khungo ga Nungungulu hi tlhelo ga kuhlawula gi fela ku simama, hi kota ya yena loyi a vitanako, na ku nga hi kota ya mitiro, Efe. 1:4

2 Timote 2:10

Hikwalaho nzi timisela zontlhe hi kota ya vahlawulilweko, kasi na vonawu va fela ku kuma a kuhanyiswa loku ku nga ka Kristu Jesu, zinwe ni kungangamela ka pinzukelwa. 2 Kor. 1:8

1 Pedro 1:1

Mina Pedro, nzi nga mupostoli wa Jesu Kristu, nza rungula a vahlawulilweko, a valuveli lava va hangalakileko le Pontu, ni le Galatia, ni le Kapadokia, ni le Asia, ni le Bitunia, Miti. 2:5, 9; Jak. 1:1