Mateu 23:4 - Tshwa Bible

⁴ Ina, va boha minzhwalo yo binza, va yi rwexa makatleni ya vanhu; kanilezi a wutsumbu gabye a va na ku yi tshineta hi litiho. Lu. 11:46; Miti. 15:10

Mateu 23:4 Mawu Ofanana

Isaya 46:1

Beli i vumbamile, Nebo wa korama, A zifananiso zabye zi rwaliwa hi zifuyo ni tihomu; Lezi mu nga zi rwala zi pakelwa ka zihari zi kareleko.

Mateu 23:23

Khombo a give ka nwina vatsali ni vaFarisi, nwina vaxengeteli! Hakuva mu nyikela a za wukhume a minte ni anase ni kumine, kasi mu tsikile a tshinya ga nayo, gi nga nongameto, ni wuxinji, ni kukholeka; kanilezi mu wa fanelwe hi ku maha lezi zo ranga, mu nga tsiki zinwani. 1 Sam. 15:2; Xip. 9:13; Lu. 11:42

Mateu 23:3

Hikwalaho zontlhe lezi va mu byelako, zi maheni, mu zi gonga; kanilezi mu nga mahi mitiro yabye: hakuva vo wula, kanilezi a va mahi. Rom. 2:19

Luka 11:46

Yena i te ngalo: Khombo a give ni ka nwina vagonzisi va nayo; hakuva mu rwexa vanhu a minzhwalo yo binza; kasi nwina wutsumbu a mu vumeli ku henya minzhwalo leyo hi litiho linwe la nwina. Mat. 23:4

Mitiro 15:10

Makunu-ke, hikuyini mu ringako Nungungulu, hi ku rwexa a pingu tinhanwini ta vapizani, lowu hina ni vakoko va hina hi nga zi kotangiko ku wu rwala? Mat. 23:4; Gal. 5:1

Mitiro 15:28

Hakuva zi lo woneka ka Moya wa ku Basa ni ka hina, lezaku zi sasekile loku hi nga mu rwexi a nzhwalo wa hombe wo hunza zilo lezi zi lavekako;

Va le Galatia 6:13

Hakuva hambu vona lava va zitshiva a va gongi nayo; kanilezi va ranza a kuva mu enghena wukwera, kasi va fela ku ti kulisa hi kota ya nyama ya nwina.

1 Johani 5:3

Hakuva a ku mu ranza Nungungulu hi ku hlayisa milayo yakwe; ni milayo yakwe a yi karati. Mika 6:8; Joh. 14:15, 21, 23

Kuvululelwa 2:24

Kanilezi ka vanwani va nwina va nga le Tiatira, nwentlhe lava mu nga vumeliko a gonzo leyi, lava mu nga tiviko a kueta ka Satani, kota lezi va wulako vona, mina nzi ngalo: Nzi nga ta mu rwexa munwani nzhwalo, Miti. 15:28