Mateu 23:34 - Tshwa Bible

³⁴ Hikwalaho nzi ta mu rumela a vaprofeti, ni vanhu vo tlhariha, ni vatsali; a vanwani va vona mu ta va daya, mu va belela; ni vanwani mu ta va xupula masinagogeni ya nwina, mu va hlongolisa ka muti munwe ni munwani; Lu. 11:49; Miti. 5:40; 2 Kor. 11:24

Mateu 23:34 Mawu Ofanana

2 Tihosi 21:10

Jehova i lo kanela hi milomu ya malanza yakwe, va nga vaprofeti, aku:

2 Kronekele 24:21

Va lo boha xikungo xa ku mu lovisa; va mu gandla hi maribye lomu hubyeni ga yindlu ya Jehova, hi kuleletela ka hosi.

Mavingu 11:30

A mbhanzo ya loyi a lulamileko i sinya ya wutomi; i loyi a tlharihileko wa kanyara mihefemulo.

Jeremia 26:8

Loku Jeremia a gumesile ku kanela zontlhe lezo Jehova a mu layileko zona a ku tivisa vanhu, a vapristi ni vaprofeti ni vontlhe vanhu va lo mu khoma, vaku: Futsi u tafa.

Jeremia 36:26

Zonake a hosi yi lo laya lezaku Baruke, a mutsali, na Jeremia muprofeti, va khonwa hi Jerahmeeli a nʼwana wa hosi, na Seraia nʼwana Azrieli, na Xelemia nʼwana Abdeeli, kanilezi Jehova i lo va fihla.

Mateu 10:23

Kanilezi loku va mu xanisa mutini wo kari, chavelani ka munwani; hakuva hizinene nziku ka nwina: Mu nga ta kala mu mbheta a miti ya vaIsraeli, na Nʼwana wa munhu a nga se ku chikela. Miti. 8:1; Xip. 16:28

Mateu 13:52

Aku ngalo kabye: Makunu kani hi wihi mutsali loyi a gonzisilweko hi za mufumo wa tilo i fanana ni munhu loyi a nga nwinyi wa yindlu, loyi a humesako mabakweni yakwe a zilo ziswa ni zilo za kale.

Mateu 23:31

Hilezo mu maha wukustumunyu nwina wutsumbu, lezaku mu vana va lavo va nga daya vaprofeti. Miti. 7:51, 52; 1 Tes. 2:15

Luka 24:47

ni lezaku a kuhunzuluka ni kutsetselelwa ka zionho ku ta kanetwa vitweni gakwe xikari ka matiko wontihe, ku sangula hi le Jerusalema. Gen. 12:3; Isa. 49:6; Dan. 9:24; Mika 4:2; Mal. 1:11; Miti. 13:38

Johani 16:2

Va ta mu hlongola masinagogeni; kunene, xa hata xikhati laha munwe ni munwani loyi a mu dayako, a ta nga alakanya lezaku i tirela Nungungulu. Xip. 9:22; Miti. 26:9, 10

Johani 20:21

Jesu i lo engeta aku kabye; A kurula a kuve ka nwina! Kota lezi Dadani a nzi rumileko, hizalezo na minawu nza mu ruma nwina. Mat. 28:18; 2 Tim. 2:2; Maheb. 3:1

Mitiro 1:8

Kanilezi mu ta nyikiwa a ntamu, loku wu tile hehla ka nwina a Moya wa ku Basa; zonake mu ta maha vakustumunyu va mina laha Jerusalema, ni le Judia gontlhe, ni le Samaria, ku kala le magemeta-musi ya misava.

Mitiro 11:27

Hi lawo masiku a vaprofeti va lo relela hi le Jerusalema, vaya Antiokia. Xip. 2:17; 13:1; 1 Kor. 12:28; Efe. 4:11

Mitiro 12:2

A daya Jakobe, a nakulobye wa Johani, hi supado. Pedro a tlhatlhiwa paxweni hi ngelosi.

Mitiro 13:1

Ku wa hi kona a vaprofeti ni vagonzisi lomu bandleni ga le Antiokia, va nga Barnabasi, na Simeoni loyi a nga vitwa Nigeri, na Lukio wa le Kirene, na Manaen loyi a nga wundliwa zinwe ni hosi Herodi, na Saule. Xip. 14:26; 11:22

Mitiro 14:19

Kanilezi ku lo chikela a vaJuda na vata hi le Antiokia ni le Ikoniume, va hlohlotela a zidlemo, va gandla Paule hi maribye, va mu rorovisela le handle ka muti, na va alakanya lezaku i file. Xip. 13:45; 2 Kor. 11:25

Mitiro 15:32

Judasi na Silasi, lezi va nga hi vaprofeti, va lo luleka vamakabye hi magezu yo tala, va va tiyisa. Xip. 14:22; 18:23

Mitiro 5:40

Vona va lo mu ingisa. Laha na va vitanile a vapostoli, va lo vaba, va va laya lezaku va nga ha kaneti hi vito ga Jesu, va va tsika va famba. Mar. 13:9; Lu. 20:10

1 Va le Korinte 2:6

Ahembalokoke, hina ha wulawula a wutlhari xikari ka lava va mbheleleko; kanilezi na ku nga hi wutlhari ga nguva leyi, hambu ni ga tihosi ta nguva leyi leti ti hunzako. Efe. 4:13; Jak. 3:15

1 Va le Korinte 3:10

Hi tipswalo ta Nungungulu leti nzi nyikilweko tona, nzi lo aka a xiseketelo khwatsi hi gogwe wa kuaka, ni munwani i lo aka hehla ka xona. Kanilezi ngha munwe ni munwani a tlhariha lezaku i akisa kuyini ka xona. Rom. 15:20; 1 Ped. 4:11

Va le Kolosi 1:28

Hi yena hi mu kanelako, na hi kari hi luleka ni ku gonzisa vanhu vontlhe hi wutlhari gontlhe, lezaku hi fela ku yimisa vanhu vontlhe na va mbhelele ka Kristu.

1 Va le Tesalonika 2:16

va hi tsimbetela a ku kanela ka vamatiko, lezaku va fela ku hanyiswa; lezo va tatisa xontlhe xikhati a lipimo la zionho zabye. Kanilezi a khulo ga Nungungulu gi va putsuketele magumo. Gen. 15:16; Mat. 24:6; Miti. 13:50; 14:19; 17:5; 22:21; Lu. 11:52

Maheberu 11:37

Va lo gandliwa hi maribye, va sahiwa hi tisaruti, va ringwa, va dawa hi supado; va lo nzulanzula na va ambele a mabhebhe ya tiyivu ni timbuti; va lo pswhelekelwa, va xaniseka, ni ku khomiwa hi kubiha, 1 Tih. 21:13; 2 Tih. 1:8

Kuvululelwa 11:10

Ni lava va akileko misaveni va tava ni migiyo ha vona, va tsaka, va rumelana zinyikiwo; hilezi a vaprofeti lava vambiri va lo karata lava va akileko misaveni. Estere 9:19