Mateu 22:16 - Tshwa Bible

¹⁶ Va lo ruma ka yena a vapizani vabye zinwe ni va ka Herodi, va yaku: Mugonzisi, ha zi tiva lezaku wena u wa zinene, u gonzisa a ndlela ya Nungungulu hi zinene; a ku khatali hi munhu, hakuva a ku cuwuki a xiyimo xa vanhu.

Mateu 22:16 Mawu Ofanana

1 Tihosi 22:14

Mikaia i lo hlamula aku: Nzi hlambanya hi Jehova a hanyako, lezaku lezi Jehova a ta nga nzi byela, hi zalezo nzi ta nga zi wula. Mitse. 22:38

Tisimu 12:2

Va hembelana mawunwa ni vaakelane vabye, Va xengetela hi milomu yabye, Va wulawula hi timbilu timbiri.

Tisimu 5:9

Hakuva a ku na kutsumbeka milonwini yabye, A timbilu tabye ti tele hi kubiha; A minkolo yabye zilahla zi ahlamileko; Va wulawula mahlenga hi tirimi tabye. Rom. 3:13

Tisimu 55:21

A magezu ya nomu wakwe ma nanziha ku hunza mawomba, Kanilezi ku hi ni kuholova mbilwini yakwe. A magezu yakwe ma olova ku hunza mafura, Kasi lezo ti hi tisupado ti hlomulweko.

Mavingu 29:5

A munhu loyi a xengetelako muakelane wakwe, mu vekela maziyo ka milenge yakwe.

Malaki 2:6

A nayo wa zinene wu wa hi nonwini wakwe, a kubiha ku wa nga hi kona milonwini yakwe. I wa famba zinwe na mina hi kurula ni kululama, a hunzulukisa votala kugoheni.

Malaki 2:9

Hikwalaho nzi mu mahile mu soleka ni kuva vo biha mahlweni ka vanhu vontlhe, hakuva a mu hlayisi a tindlela ta mina, kanilezi mu cuwuka a nghohe ya munhu loku mu tlhamusela a nayo. 1 Sam. 2:30

Mateu 22:24

vaku: Mugonzisi, Mosi i te ngalo: Loku munhu afa na a nga hi na vana, a nakulobye i ta hlambela sati wakwe kasi ku vuxela nakulobye a mbeleko. Deut. 25:5

Mateu 22:26

i lo maha lezo a wa wumbiri kambe, ni wa wunharu, ku kala ka vantlhanu ni vambiri.

Mateu 26:18

Aku ngalo: Fambani mutini ka munhu wo kari, mu yaku ka yena; A Mugonzisi i ngalo: A xikhati xa mina xi tshinele, nzi taga pasika ndlwini ya wena, zinwe ni vapizani va mina.

Mateu 26:49

Laha na a chikele ka Jesu, i te ngalo: Xewe Rabi! a mu pswopswa. 2 Sam. 20:9

Marku 10:17

Laha a nga huma a goxometa ndleleni, a munhu i lo tsutsumela kakwe, a khizama mahlweni ka yena, a mu wutisa, aku: Mugonzisi wa nene, nzi ta maha yini, kasi nzi fela kuga a tshomba ya wutomi ga pinzukelwa ke? Mat. 19:16; Lu. 18:18

Marku 12:13

Zonake va lo ruma ka yena a vokari va vaFarisi ni va ka Herodi, lezaku va fela ku ya mu hika kuwulawuleni. Mat. 22:15; Lu. 20:20

Marku 12:14

Va lota, va taku kakwe: Mugonzisi, ha zi tiva lezaku u wula zinene, a ku chavi munhu, hakuva a ku cuwuki a xiyimo xa vanhu, kanilezi u gonzisa a ndlela ya Nungungulu hi zinene. Xana zi fanele ku yisa nzhuvo ka Kesari, kutani a hi zona ke? Hi luva, kutani hi nga luvi ke?

Marku 3:6

A vaFarisi va lo huma, va ya tlhangana ni va ka Herodi, va xuxa khungo ha yena, lezaku va ta mu dayisa kuyini. Mat. 12:14; 22:16

Marku 8:15

I lo va laya, aku: Tlharihani, mu ti wonela a comelo ga vaFarisi ni comelo ga ka Herodi.

Luka 20:21

Va lo mu wutisa, vaku: Mugonzisi, ha zi tiva lezaku wena u wulawula u gonzisa hi kululamileko; a ku languti a dzumba ga munhu, kanilezi u gonzisa a ndlela ya Nungungulu hi zinene. Mat. 22:16; Mar. 12:14

Luka 7:40

Jesu i lo mu hlamula, aku: Simoni, Nzi na ni mhaka a ku wula ka wena. Yena aku: Wula Mugonzisi.

Johani 14:6

Jesu aku kakwe: Mina nzi ndlela, ni zinene, ni wutomi; a nga kona a tako ka Dadani, loku a ngati ha mina. Xip. 1:4; 8:32; 10:9; Maheb. 9:8

Johani 18:37

Zonake Pilatu aku ngalo kakwe: Kasi wena u hosi ke? Jesu i lo hlamula, aku: Wa wula wena uku nzi hosi. Nzi belekelwe lezo, nzi tele lezo tikweni, lezaku nzi fela ku kustumunya hi zinene. Vontlhe lava va nga va zinene, va ingisa a gezu ga mina. Xip. 8:47; 1 Joh. 3:19; 4:6

Johani 7:18

Loyi a wulawulako hi za wutsumbu gakwe, i lava wudzunzo ga yena nwinyi; kanilezi loyi a lavako ku dzunza loyi a mu rumileko; hi yena a gonzisako zinene, ku hava a kungalulami ka yena. Xip. 5:41; 8:50

2 Va le Korinte 2:17

Hakuva a hi ku khwatsi hi lava vanyingi, lava va bihisako a mhaka ya Nungungulu; kanilezi hi kanela a mhaka ya Kristu Mahlweni ka Nungungulu khwatsi hi vanhu va mbilu yi basileko, na hi kurumetilwe hi Nungungulu.

2 Va le Korinte 4:2

kanilezi hi tsikile a zilo zi fihlilweko za tingana, a hi fambi hi mano, hambu ku bihisa a mhaka ya Nungungulu; kanilezi hi humesa zinene ziku dlunya, na hi ti yimela ka livalo la munhu munwe ni munwani mahlweni ka Nungungulu. 1 Tes. 2:3, 5

2 Va le Korinte 5:16

Hikwalaho a ha ha tivi munhu hi ka nyama; hambu lezi hi nga mu tiva Kristu hi ka nyama, makunu a ha ha mu tivisi lezo. Mat. 12:50

Va le Galatia 1:10

Xana makunu nzi lava ku kholwisa vanhu kutani Nungungulu ke? Kutani nzi lava ku xalalisa vanhu ke? Loku nza ha ranza ku xalalisa vanhu nzi wa ta ngha nzi nga hi nanza ga Kristu. 1 Tes. 2:4; Jak. 4:4; 1 Joh. 3:19

Va le Galatia 2:6

Kanilezi lava va tibyiwako hi lezaku mbamani (kutani mba ku yini, a hi nchumu ka mina; Nungungulu a nga cuwuki xiyimo xa munhu), nzi ngalo: Vona lava va nga vahombe a va nzi engetelangi nchumu. Xip. 6:3; Miti. 10:34; Rom. 2:11; 2 Kor. 2:11

Deuteronome 33:9

Loyi a nga ku ngalo hi dadani wakwe ni mamani wakwe: A nzi va wonangi! Loyi a nga tivangiko vamakabye vakwe, Loyi a nga khataleliko a vanana vakwe, Kasi va hlayisa a gezu ga wena. Va chivirikela xivumelwano xa wena. Ekso. 32:25; Mat. 10:37; Lu. 14:26

1 Va le Tesalonika 2:4

Kanilezi kota lezi hi kumilweko hi Nungungulu, hi hi ni fanelo a kuva hi nyikwa a ntiro wa ivangeli, hina ha yi kanela, na ku nga hi ku xalalisa vanhu, kanilezi kasi ku xalalisa Nungungulu, loyi a hlolako timbilu ta hina. Mav. 17:3; 1 Kor. 7:25; 1 Tim. 1:11; Tit. 1:3

Jakobe 3:17

Kanilezi a wutlhari legi gi tako hi le hehla, a kusangula gi basile, kambe gi na ni kurula, gi nene, ga ingisa, gi tele hi wuxinji ni mihanzu yo saseka, a gi na kukanakana ni kuxengetela. 1 Kor. 2:6; 1 Ped. 1:22

1 Johani 5:20

Ha zi tiva lezaku a Nʼwana wa Nungungulu i tile, i hi nyikile kupima kasi ha mu tiva loyi wa zinene, hi kona ka loyi wa zinene, ka yena Nʼwana wakwe Jesu Kristu. Hi yena Nungungulu wa zinene, ni wutomi legi ga pinzukelwa. Isa. 44:6; Lu. 24:45; Joh. 17:3