Mateu 21:31 - Tshwa Bible

³¹ Hi wihi wa lava vambiri a nga maha kuranza ka raru wakwe ke? Vaku: Hi loyi wa kuranga. Jesu aku kabye: Hizinene nziku ka nwina: A vahlengisi ni zibhayi va mu rangela ku enghena mufunweni wa Nungungulu.

Mateu 21:31 Mawu Ofanana

Joba 15:6

A nomu wa wena wa ku kona, a hi mina; Ina, a milomu ya wena ya kustumunya, yi ku vukela.

Ezekieli 33:11

Wula kabye uku: Nza hlambanya hi kuhanya ka mina, ku wula Hosi Jehova, a nzi xalaliswi hi kufa ka wakubiha; kanilezi nzi xalaliswa hi kuhunzuluka ka wakubiha a ndleleni yakwe a hanya. Hunzulukani, hunzulukani mu suka tindleleni ta nwina to biha! Mu ta lova hikuyini, nwina va yindlu ya ka Israeli?

Mateu 12:50

Hakuva kani hi wihi a ta nga maha kuranza ka Dadani wa mina loyi a nga le tilweni, hi yena nakulori, ni makweru, ni mamani. Joba 15:14; Gal. 5:6; Kol. 3:11

Mateu 18:3

aku ngalo: Hizinene nziku ka nwina: Loku mu nga hunzuluki, mu maha kota vanana va tsongwani, cima mu nga ta enghena mufunweni wa tile. Lu. 18:16; 1 Kor. 14:20

Mateu 20:16

Lezo a vo gumesa va ta maha va kuranga, ni va kuranga va ta maha vo gumesa. Xip. 19:30; 22:14

Mateu 21:30

Zonake i loya ka nzisana, a ya wulisa za lezo. I lo hlamula, aku: Nzi taya, hosi; kanilezi a nga yangi.

Mateu 5:18

Hizinene nziku ka nwina: Ku ta kala ku hunza a tilo ni misava, na cima ku nga fuvangi a nzhatana munwe kutani xidokho xinwe xa nayo, kala zontlhe lezi zi maheka. Lu. 16:17

Mateu 5:46

Hakuva loku mu ranza lava va mu ranzako, i nchachazelo muni mu nga nawo ke? Hambu a vahlengisi a va mahi lezo ke? Lu. 6:32

Mateu 6:5

Laha mu khongelako, mu nge khwatsi hi vaxengeteli, lava va ranzako a ku khongela na va yimile masinagogeni ni lomu mahanzakanyeni ya maphango, kasi va fela ku woniwa hi vanhu. Hizinene nziku ka nwina, va sina va amukele a nchachazelo wabye.

Mateu 7:21

A hi vona vontlhelele lava va nge ngalo ka mina: Hosi, Hosi, va ta nga enghena mufunweni wa tilo; kanilezi sine loyi a mahako a kuranza ka Dadani wa mina loyi a nga le tilweni. Miti. 19:13; Rom. 2:13; Jak. 1:22

Mateu 9:9

Laha Jesu na a suka laho, i lo wona a munhu a vitwako Mateu, na a tshamile wutshanwini go hlengisa; i te ngalo kakwe: Nzi lanze. Yena i lo suka, a mu lanzela. Mar. 2:14; Lu. 5:27

Luka 15:10

Nziku ka nwina: Zinghaho ku kona kutsaka mahlweni ka tingelosi ta Nungungulu, hi kota ya muonhi munwe loyi a hunzulukako,

Luka 19:22

Yena aku ngalo ka gona: Nanza go biha, nzi ta ku lamula hi magezu ya wena. Wena u wa kari u zi tiva lezaku nzi munhu wa lunya, nzi tekako lezi nzi nga vekangiko, nzi tshovela lezi nzi nga byalangiko; 2 Sam. 1:16; Joba 15:6; Mat. 25:26

Luka 7:29

A vanhu vontlhe ni vahlengisi na va zi zwile, va lo vumela lezaku Nungungulu i longamile, hakuva va wa bapatizilwe hi kubapatiza ka Johani. Mat. 3:5; Xip. 3:12

Johani 3:3

Jesu i lo hlamula aku ngalo kakwe: Hakunene loku munhu a nga belekiwi luswa, a nga na ku wona mufumo wa Nungungulu. Xip. 1:13; Gal. 6:15; Tit. 3:5

Johani 3:5

Jesu i lo hlamula, aku: Kunenenene nziku ka wena: Loku munhu a nga belekiwi hi mati ni Moya, a nga na ku enghena mufunweni wa Nungungulu. Mar. 16:16; Miti. 2:38

Mitiro 17:30

Nungungulu i lo hunisela zikhati za kungativi; kanilezi makunu wa laya vanhu vontlhe, a matshanwini wontihe, lezaku va hunzuluka.

Va le Roma 3:19

Makunu ha zi tiva lezaku zontlhe lezi a nayo wu zi wulako, wa wula zona ka lava va nga lahasi ka nayo; lezaku kasi ku valiwa milomu yontlhe, ni misava yontlhe yiva ni nanzu mahlweni ka Nungungulu. Ezek. 16:63; Xip. 2:2

Va le Roma 5:20

Kambe a nayo wu lota lezaku kasi a xihambuko xi anza; kanilezi laha kuonha ku nga anza, a tipswalo ti lo anza nguvunguvu; Lu. 7:47; Joh. 15:22; Xip. 3:20; 1 Tim. 1:14

2 Pedro 3:9

A Hosi a yi hlweli ku maha lezi yi nga tsumbisa zona, kota lezi vanwani va alakanyako lezaku ya hlwela. Kanilezi yi timisela ha nwina, hakuva a yi ranzi lezaku ku lova ni munwe, kanilezi yi ranza lezaku vontlhe va hunzuluka. Isa. 30:18; Ezek. 33:11; Hab. 2:3