Mateu 21:12 - Tshwa Bible

¹² Jesu i lo enghena tempeleni ya Nungungulu, a hlongola vontlhe lava va nga kari va xavisa ni ku xava tempeleni; i lo khubhunyeta a timeza ta vaxavisi va mali, ni zitshamu za lava va nga Xavisa zipomba; Mar. 11:11; Lu. 9:45; Deut. 14:25

Mateu 21:12 Mawu Ofanana

Eksodusi 30:13

Vontlhe lava va ta nga hlayiwa va ta humesa a khihlanya ga xekeli hi lipimo la xekeli gi basileko (gi nga ni makume mambiri ya magera), a khihlanya ga xekeli munyikelo wa Jehova.

Levi 1:14

Loku a munyikelo wakwe ka Jehova wu hi muphahlo wa kuhiswa wa tinyanyani, i ta nyikela a munyikelo wa zipomba kutani mavinyani ya matuva.

Levi 12:6

Zonake loku ma mbhelile a masiku ya kubasiswa kakwe, hambu loku a hi mufana kutani nhanyana, i ta neha ka mupristi laha nyangweni ya tabemakeli ga mutlhangano a yivana ya lembe ginwe a wukale, yi tava ya muphahlo wa kuhiswa, ni vinyani ga xipomba kutani i tuva, kasi ku maha a muphahlelo wa kuonha. Lu. 2:22

Levi 12:8

Kanilezi loku a nga zi koti ku kuma a yivana, i ta neha matuva mambiri, kutani mavinyani mambiri ya zipomba; ginwani ga muphahlelo wa kuhiswa, ni ginwani ga muphahlelo wa kuonha. A mupristi i ta mu mahela a muphahlo wa nzhiho, zonake i ta basiswa.

Levi 14:22

ni matuva mambiri, kutani mavinyani mambiri ya zipomba, kota lezo a ta nga zi kuma; ginwani gi tava ga muphahlelo wa kuonha, ni ginwani gi tava ga muphahlelo wa kuhiswa.

Levi 14:30

Zonake i ta nyikela ginwani tuva, hambu vinyani ga xipomba, kota kukuma kakwe.

Levi 15:14

Zonake hi siku ga wuntlhanu ni manharu i ta lava a matuva mambiri, kutani mavinyani mambiri ya zipomba, aya ti kombisa mahlweni ka Jehova laha nyangweni ya tenda ga mutlhangano, aya ma nyikela ka mupristi.

Levi 15:29

Hi siku ga wuntlhanu ni manharu, i ta teka matuva mambiri, kutani mavinyani mambiri ya zipomba, a ma neha ka mupristi laha nyangweni ya tabemakeli ga mutlhangano.

Levi 5:11

Loku a vumala a matuva mambiri, kutani mavinyani mambiri ya zipomba, loye a onhileko i ta neha a munyikelo wakwe hi za wukhume ka efa ya mapa yo basa, ma tava muphahlo wa kuonha. A nga dzuki a chela mafura hehla ka wona, hambu ni libani lo nuhela, hakuva muphahlo wa kuonha.

Levi 5:7

Kasi loku a vumala a yivu kutani i mbuti, i ta neha ka Jehova a muphahlo wa xionho xakwe a matuva mambiri, kutani mavinyani mambiri ya zipomba, ginwe ga muphahlo wa kuonha, ni ginwani ga muphahlo wa kuhiswa.

Marku 11:11

Yena i lo enghena Jerusalema ni lomo tempeleni; laha na cuwukisile zontlhe gi wa pelile; yena a huma, aya Betania zinwe ni vakhume ni vambiri.

Luka 2:24

va ya humesa a munyikelo kota lezi ku layilweko nayweni wa Hosi, ku ngalo: A patswa wa matuva, kutani mavinyani mambiri ya zipomba. Levi 12:2, 6, 8

Johani 2:13

A Pasika ga vaJuda gi wa tshinele, zonake Jesu i lo kanziha aya Jerusalema. Ekso. 12:14; Deut. 16:1; Xip. 6:4