Mateu 20:8 - Tshwa Bible

⁸ Laha gi nga hlwile, a nwinyi wa xivina aku ka nekwa yakwe: Vitana zitiri, u va nyika hakhelo yabye; sangula hi ka vo gumesa kala ka va kuranga.

Mateu 20:8 Mawu Ofanana

Genesisi 15:2

Abrama i te ngalo: Hosi Jehova, u ta nzi nyika yini ke? Nzi suka na nzi nga hi na nʼwana, loyi a ta ngaga a tshomba ya mina, kasi Eliazare wa le Damasku i tava mugi wa tshomba ya mina.

Genesisi 43:19

Va lo tshinela ka nekwa ya yindlu ya Josefa, va lo wulawula naye laha nyangweni ya yindlu,

Levi 19:13

U nga tsimbeketi wakelene na wena, ni ku phanga a zilo zakwe. U nga hlweli ni hakhelo ya xitiri kala ku chikela manziko.

Mateu 20:7

Va te ngalo kakwe: Hakuva a nga kona munhu wo hi nyika ntiro. Aku kabye: Fambani na nwinawu xivineni xa mina.

Mateu 20:9

Laha va ngata lava va nga tholiwa hi xikhati xa 5 horas wa gambo, munwe ni munwani i lo amukela cheleni.

Mateu 25:19

Loku ku hunzile masiku yo tala, yi lo wuya a hosi ya malanza lawo, yi ta hlayelana nawo.

Mateu 25:31

Kanilezi laha a Nʼwana wa munhu a ta ngata hi kungangamela kakwe, ni tingelosi tontlhe ti hi zinwe naye; zonake i ta tshama xitshanwini xakwe xa kungangamela. Zak. 14:5; Miti. 1:11; Kuv. 1:7

Luka 10:7

Tshamani ka yaleyo yindlu, muga ni kunwa lezi va mu nyikako; hakuva a xitiri xi fanelwe hi hakhelo ya xona. Mu nga fambafambi ka yindlu ni yindlu. Mat. 10:10, 11; 1 Kor. 9:4

Luka 12:42

A Hosi yi te ngalo: Himani a nekwa yi kholekileko, leʼyo tlhariha, leyi a hosi ya yona yi ta nga yi yimisa hehla ka malanza ya yona, kasi ku va avela zakuga hi xikhati xa kona ke? Mat. 24:45; 25:21; 1 Kor. 4:2

Luka 8:3

na Johana, a sati wa Kuza a nekwa ya Herodi, na Susana, ni vanwani vo tala, lava va nga va tirela hi zilo zabye.

2 Va le Korinte 5:10

Hakuva hina hontlhe hi yimelwe hi ku wonekeliswa kota lezi hi nga zona mahlweni ka xitshamu xa kulamula xa Kristu; kasi munwe ni munwani a fela ku amukela lezi zi ringanako lezi a zi mahileko na a ha hi mirini, kutani zo saseka hambu zi hi za kubiha. Kuv. 22:12

Deuteronome 24:15

u ta mu nyika hakhelo yakwe gona siku lego ga kuhaka kakwe, a gambo gi nga peli na u nga se ku mu hakhisa, hilezi xisiwana, i navela nguvu hakhelo yakwe, ku nga taku a rila ha wena ka Jehova zonake u kuma nanzu.

Titusi 1:7

Hakuva a murisi ngha a nga soleki, kota lezi a nga nekwa ya Nungungulu; na a nga hi na xikanikani, na a nga hi na xizangazangani, a nga ti nyikeliko kunweni ka byala, na a nga hi mubi, na a nga naveli bhinzu go biha; Levi 10:9; Mat. 24:45

Maheberu 9:28

hizalezo Kristu kambe, na a nyikelwe kanwe, kasi ku rwala a zionho za vanyingi, i ta woneka hi xikhati xa wumbiri a handle ka kuonha, a ka lava va mu rinzelako lezaku a va hanyisa. Rom. 6:10; Tit. 2:13; 1 Ped. 2:24

1 Pedro 4:10

Ngha munwe ni munwani a amukeleko a xinyikiwo xo kari, a tirela vanwani ha xona, kota tinekwa ti nene ta tipswalo ti tsalangeneko ta Nungungulu. Mat. 24:45; 1 Kor. 4:7

Rute 2:6

A nduna ya vatshoveli yiku: I pswatsana wa muMoabi, loyi a nga wuya na Naomi hi le tikweni ga Moabi.