Mateu 20:28 - Tshwa Bible

²⁸ kota lezi a Nʼwana wa munhu a nga telangiko ku ta tirelwa, kanilezi a ku ta tirela, ni ku nyikela kuhanya kakwe a kuva nzhiho wa ku tirula vanyingi. Isa. 53:10; Lu. 22:27; Joh. 13:4

Mateu 20:28 Mawu Ofanana

Joba 33:24

Zonake Nungungulu wa mu hawukela, aku: Mu tlhatlheni, a nga weli rinzini; Mina nzi kumile a nzhiho.

Tisimu 49:7

A munhu a nga zi koti ku tirula a nakulobye, Hambu ku mu humesela nzhiho ka Nungungulu.

Isaya 53:5

Kanilezi yena i tlhabyilwe hi kota ya zihambunyeto za hina, A tshobyiwa hi kota ya zigoho za hina; A xitsayiso lexi xi hi nyikako kurula xi lo wela hehla kakwe, Zonake hi hanyiswa hi timbirimbi takwe. Rom. 4:25; 1 Kor. 15:3; 1 Ped. 2:24

Isaya 53:8

I susilwe hi kuxanisiwa ni kulamuliwa, Kanilezi a xikari ka vanhu va ka kabye himani a zi alakanyileko Lezaku i lo susiwa misaveni ya vahanyako, A biwa hi kota ya zionho za tiko ga mina?

Mitsengo 7:15

ni nkuzana ni hamba, ni yivana ya lembe ginwe a wukale ya munyikelo wa kuhiswa,

Mateu 20:27

Ni loyi a ranzako ku maha wo ranga xikari ka nwina a ave khumbi ya nwina;

Mateu 26:28

hakuva lexi hi nkhata wa mina wa xivumelwano xiswa, lowu wu halatelwako a vanyingi a kutsetselelweni ka zionho. Ekso. 24:8; Jer. 31:31; Rom. 5:15

Mateu 8:20

Jesu aku ngalo kakwe: A vahlati va na ni timhako, ni tinyanyani ta tilo ti na ni zisaka; kanilezi a Nʼwana wa munhu a nga nako laha a nga vekako kona hloko yakwe.

Marku 10:45

Hakuva a Nʼwana wa munhu a nga telangi ku ta tirelwa, kanilezi a ku ta tirela, ni ku nyikela kuhanya kakwe a kuva nzhiho wa ku tirula vanyingi. Mat. 20:28; Joh. 13:14; 1 Tim. 2:6

Marku 14:24

Aku ngalo kabye: Lowu hi nkhata wa mina wa xivumelwano, lowu wu halatelweko a vanyingi.

Luka 22:27

Hakuva himani wahombe? Hi loyi a tshamako kugeni, kutani hi loyi a khozelako ke? A hi yena loyi a tshamako kugeni ke? Kasi mina nzi kona xikari ka nwina kota loyi a khozelako. Xip. 12:37; Joh. 13:13; Fil. 2:7

Johani 10:15

kota lezi Dadani a nzi tivako, na mina nza mu tiva Dadani; nzi nyikela a kuhanya ka mina hi kota ya tiyivu. Mat. 11:27; Xip. 15:13

Va le Roma 4:25

loyi a nga nyikelwa hi kota ya zihambuko za hina, a vuxiwa, kasi hi fela ku hlayelwa kululama. Isa. 53:5; 1 Kor. 15:17; Maheb. 9:28

2 Va le Korinte 8:9

Hakuva ma ti tiva a tipswalo ta Hosi ya hina Jesu Kristu, lezaku hambu lezi a nga fumile, i lo maha xisiwana hi kota ya nwina, lezaku nwina mu fela ku fuma hi kota ya wusiwana gakwe. Mat. 8:20; Lu. 9:58; Fil. 2:6, 7

Va le Galatia 3:13

Kristu i lo hi tirula ka nzhukano ya nayo, laha a nga mahiwa a nzhukano hi kota ya hina; hakuva ku tsalilwe ku ngalo: I rukatelwe mani na mani loyi a hayekilweko sinyeni, Deut. 21:23

Va le Efesusi 1:7

Hi kuma ha yena a kutirulwa ka hina hi kota ya nkhata wakwe, ku nga kutsetselelwa ka zihambuko za hina, hi ku ringana ni kutala ka tipswalo takwe, Rom. 3:24; Maheb. 9:12

Va le Efesusi 5:2

mu famba hi liranzo kota lezi Kristu a nga mu ranza, a ti nyikela hi kota ya hina, ava mhamba ni muphahlelo wa masema yo nuhela ka Nungungulu. Gen. 8:21; Levi 1:9; Joh. 13:34; 1 Joh. 3:11

1 Timote 2:6

Yena i lo ti nyikela a kuva nzhiho wa vontlhe, ku mahiwa wukustumunyu hi lezo a xikhatini xi faneleko;

Titusi 2:14

loyi a nga ti nyikela hi kota ya hina, kasi a fela ku hi tirula kubiheni kontlhe, a ti basisela a vanhu lava va ta ngava vakwe, va pinyamileko mitirweni yo saseka. Ekso. 15:16; Deut. 7:6; 14:2; Maheb. 9:14

Maheberu 2:10

Hakuva zi wa mu fanele Nungungulu, loyi zontlhe zi mahelweko yena, na zi mahilwe hi yena, lezaku loku a neha vana vanyingi kungangameleni, a fela ku mbhelelisa hi kuxaniseka a muvangi wa kuhanyiswa kabye. Lu. 24:46; Miti. 3:15; Rom. 11:36

Maheberu 5:8

Hambu lezi a nga hi Nʼwana, i lo gonza kuingisa hi lezi a nga xaniseka ha zona; Fil. 2:8; Xip. 3:6

Maheberu 9:28

hizalezo Kristu kambe, na a nyikelwe kanwe, kasi ku rwala a zionho za vanyingi, i ta woneka hi xikhati xa wumbiri a handle ka kuonha, a ka lava va mu rinzelako lezaku a va hanyisa. Rom. 6:10; Tit. 2:13; 1 Ped. 2:24

1 Pedro 2:24

Hi yena a nga rwala zionho za hina mirini wakwe laha xihambanweni, lezaku hina na hi file hi tlhelo ga zionho, hi fela ku hanya kululameni. Nwina mu hanyisilwe hi tirimbiri takwe. Isa. 53:4-6, 11; Rom. 6:11

1 Pedro 3:18

Hakuva na Kristu i lo xaniseka kanwe hi kota ya zionho; yena loyi a lulamileko i lo xanisekela lava va nga lulamangiko, kasi a fela ku hi yisa ka Nungungulu; na a dayilwe nyameni, i lo hanyiswa hi ka moya; Rom. 8:11; Kol. 1:21; Maheb. 9:26

1 Johani 2:2

Hi yena a nga nzhiho wa ku susa zionho za hina, na ku nga hi za hina ntsena, kanilezi ni za tiko gontlhe kambe: Joh. 1:29; 4:42; Rom. 3:25

Kuvululelwa 1:5

ni ka Jesu Kristu, a kustumunyu a tsumbekileko, loyi a nga matewula ya vafileko, a Hosi ya tihosi ta misava. A ka yena loyi a hi ranzako, a nga hi tlhatlha zionhweni za hina hi nkhata wakwe, Joh. 8:14; 15:9; Efe. 1:20