Mateu 20:16 - Tshwa Bible

¹⁶ Lezo a vo gumesa va ta maha va kuranga, ni va kuranga va ta maha vo gumesa. Xip. 19:30; 22:14

Mateu 20:16 Mawu Ofanana

Mateu 19:30

Kanilezi a vanyingi va lava va kuranga, va tava a vo gumesa, ni lava vo gumesa va tava va kuranga.

Mateu 21:31

Hi wihi wa lava vambiri a nga maha kuranza ka raru wakwe ke? Vaku: Hi loyi wa kuranga. Jesu aku kabye: Hizinene nziku ka nwina: A vahlengisi ni zibhayi va mu rangela ku enghena mufunweni wa Nungungulu.

Mateu 22:14

Hakuva mbanyingi va rambilweko, kanilezi va tsongwani va hlawulilweko.

Mateu 7:13

Enghenani hi nyangwa yo hlongana; hakuva a nyangwa yi yako kulobyisweni yi anamile, ni ndlela yi komamako kona yi kulile; mbanyingi va fambako ha yona. Lu. 13:24

Marku 10:31

Kanilezi a vanyingi va nga va kuranga va tava va lenzhako, ni va lenzhako va tava va kuranga.

Luka 14:24

Hakuva nziku ka nwina: a nga kona ni munwe wa vona lava va rambilweko a ta nga laza a mubuzo wa mina Mat. 21:43; 22:8; Miti. 13:46

Luka 15:7

Nziku ka nwina: Zinghaho ku tava kona kutsaka le tilweni hi kota ya muonhi munwe loyi a hunzulukako, a ku hunza loku ku nga kona hi kota ya lava va 99 wa vanhu va lulamileko, lava ku nga lavekiko kabye lezaku va hunzuluka. Xip. 5:32

Luka 7:47

Hikwalaho nziku ka wena: A zionho zakwe leʼzinyingi, zi tsetselelwe, hakuva i ranzile nguvu; kanilezi loyi a tsetselelako a zitsongwani, i ranza kutsongwani. 1 Tim. 1:14

Va le Roma 5:20

Kambe a nayo wu lota lezaku kasi a xihambuko xi anza; kanilezi laha kuonha ku nga anza, a tipswalo ti lo anza nguvunguvu; Lu. 7:47; Joh. 15:22; Xip. 3:20; 1 Tim. 1:14

Va le Roma 8:30

Lava a nga va yimisa hi kale, valava i lo va vitana, ni lava a va vitanileko i lo tlhela a va hlayela kululama; ni lava a nga va hlayela kululama i lo engeta a va kulisa. 1 Kor. 1:24; 6:11; Efe. 4:4

Va le Roma 9:30

Zonake hi taku yini ke? Hi ngalo, a vamatiko lava va nga kala va nga hloti a kululama, va ku kumile, a kululama loku ku nga ka kukholwa.

1 Va le Tesalonika 2:13

Hi kota ya lezo ha simamisa hi bonga Nungungulu, lezaku laha mu nga amukela a mhaka ya Nungungulu, leyi mu nga yi kuma ka hina, a mu yi amukelangi khwatsi i mhaka ya vanhu, kanilezi mu lo amukela a mhaka ya Nungungulu kota lezi yi nga yona, a mhaka leyi yi tirako xikari ka nwina lava mu kholwako. Mat. 10:40