Mateu 2:2 - Tshwa Bible

² Yi kwihi a hosi ya vaJuda leyi yi belekilweko? Hakuva hi wonile a nyeleti ya yona le Mutsuwuka-gambo, hi tile ku ta yi khozela. Mitse. 24:17; Lu. 2:11

Mateu 2:2 Mawu Ofanana

Tisimu 2:6

Aku: Hi mina nzi vekileko a hosi ya mina Le Zioni, a xitsunga xa mina xi basileko.

Tisimu 45:11

A hosi yi navela a wumbhuri ga wena, Hi yena nwinyi wa wena, yi khizamela.

Isaya 60:3

A matiko ma ta famba kuwonekeleni ka wena, Ni tihosi ti ta famba kuhatimeni ka kuvuka ka wena. Lu. 2:32; Kuv. 21:24

Jeremia 23:5

A masiku mata, ku wula Jehova, lawo nzi to vuxela Davida a Hluke gi lulamileko. I tava hosi ya ngoma, a humelela, yena i ta lamula hi nongameto ni kululama lomu tikweni.

Jeremia 30:9

Kanilezi va ta tirela Jehova, Nungungulu wabye, Na Davida, hosi yabye, Loyi nzi to va vuxela yena.

Zakaria 9:9

Tsaka nguvu, nhanyana wa le Zioni! Bana mikulungwani, wena nhanyana wa le Jerusalema. Languta, a hosi ya wena yata ka wena. I lulamile, i na ni kuhlula; ngwa ku ti koramisa, i khilele a mbongola, a role ga pswele ga mbongola. Isa. 12:6; Mat. 21:5; Joh. 12:15

Mitsengo 24:17

Mina nza mu wona, kanilezi a hi zalezi. Mina nza mu languta, kanilezi na a nga hi kusuhani. Ku ta huma nyeleti hi ka Jakobe, A nhonga ya wuhosi yi huma ka Israeli, Yi lamata a mareve ya Moabi, Yi mbhetisa vontlhe a vanana va vilinganya. 2 Sam. 8:2; Jer. 48:45

Mateu 2:3

Laha hosi Herodi na zi zwile, i lo karateka zinwe ni Jerusalema gontlhe.

Mateu 21:5

Byelani a nhanyana wa Zioni, muku: Languta, a Hosi ya wena yata ka wena, Yi rulile, yi khilele mbongoleni, A role ga pswele ga mbongola.

Mateu 27:11

Laha Jesu a nga wa yimile mahlweni ka mufumeli, yena i lo mu wutisa, aku: Wena u hosi ya vaJuda ke? Jesu aku ngalo kakwe: U wula zona. Mar. 15:2; Lu. 23:3; Joh. 18:37

Luka 19:38

vaku: A yi khesiwe a Hosi leyi yi tako vitweni ga Jehova; a kurula a kuve le tilweni, ni kungangamela le hehla-hehla! Tis. 118:26; Xip. 2:14; 13:35

Luka 2:11

Hi lezaku nyamutlha mu belekelwe a Muhanyisi le mutini wa Davida, loyi a nga Kristu a Hosi. Isa. 9:6; Mat. 1:21

Luka 23:3

Pilatu i lo mu wutisa, aku: Wena u hosi ya vaJuda ke? Yena i lo hlamula, aku: U wula zona. Mat. 27:11; 1 Tim. 6:13

Luka 23:38

Kambe ku wa hi ni mutsalo hehla kakwe, wu nge ngalo: Loyi hi hosi ya vaJuda. Mat. 27:37; Mar. 15:26; Joh. 19:19

Johani 1:49

Nataneli i lo hlamula, aku ngalo: Rabi, wena u Nʼwana wa Nungungulu, U Hosi ya vaIsraeli. Mat. 14:33; 27:42

Johani 12:13

va lo teka mahanga ya micinzu, va huma ku ya mu tlhangaveta, va kanyuluka, vaku: Hozana; a ku khesiwe yena loyi a tako vitweni ga Hosi, loyi a nga Hosi ya vaIsraeli. Tis. 118:25, 26

Johani 18:37

Zonake Pilatu aku ngalo kakwe: Kasi wena u hosi ke? Jesu i lo hlamula, aku: Wa wula wena uku nzi hosi. Nzi belekelwe lezo, nzi tele lezo tikweni, lezaku nzi fela ku kustumunya hi zinene. Vontlhe lava va nga va zinene, va ingisa a gezu ga mina. Xip. 8:47; 1 Joh. 3:19; 4:6

Johani 19:19

Pilatu i lo tsala papilo, a gi nameka laha xihambanweni; ku wa tsalilwe ku ngalo: Jesu wa le Nazareta, a Hosi ya vaJuda. Mat. 27:37; Mar. 15:26; Lu. 23:38

Johani 20:28

Tomasi i lo hlamula, aku kakwe: Hosi ya mina ni Nungungulu wa mina.

Johani 5:23

kasi vontlhe va fela kuva ni xichawo hi Nʼwana, kota lezi va nga ni xichawo hi Dadani. Loyi a nga hiko na xichawo hi Nʼwana, a nga chavi ni Dadani loyi a mu rumileko. 1 Joh. 2:23

Johani 9:38

Yena aku ngalo: Hosi, nza kholwa; a mu khizamela.

Maheberu 1:6

Kambe laha a ta nga enghenisa a wa matewula laha misaveni i ngalo: A tingelosi tontlhe ta Nungungulu a ti mu khizamele. Rom. 8:29; Kol. 1:18; 1 Ped. 3:22

Kuvululelwa 22:16

Mina Jesu nzi rumile a ngelosi ya mina a kuba hungu mabandleni hi timhaka leti. Nzi mutsu ni hluke ga Davida, nzi mahlahle a ngangamelako wa mixo. Xip. 1:1; 5:5