Mateu 19:9 - Tshwa Bible

⁹ Mina nziku ka nwina: Kani hi wihi a ta nga hlongola a sati wakwe ahandle ka kubhaya, a teka munwani, wa bhaya; ni loye a tekako loyi a hlongolweko wa bhaya. Xip. 5:32; Mar. 10:11; Lu. 16:18

Mateu 19:9 Mawu Ofanana

Genesisi 20:3

Kanilezi Nungungulu i lota ka Abimeleki a norweni wa wusiku, i te ngalo kakwe: Languta, wena u file hi kota ya loyi wasati u mu tekileko; hakuva i sati wa vambe.

2 Kronekele 21:11

Jehoramu i lo engeta kambe a maha matshamu ma tlakukileko lomu zitsungeni za va ka Juda; i lo kucetela a vanhu va le Jerusalema ku ti nyiketela wubhayini, a pengisa va ka Juda.

Jeremia 3:1

Ve ngalo: Loku a wanuna a hlongola sati wakwe, loye wasati a ti fambela, a ya tekiwa hi munwani wanuna, xana loyi wanuna a nga zi kota ku mu tlhelela kambe ke? A tiko lego gi nga ta swariswa hi ku maha lezo ke? Kanilezi wena loyi u gengileko hi wubhayi ni zigango zo tala, xana u ta tlhelela ka mina, ku wula Jehova. Deut. 24:4

Jeremia 3:8

Nzi lo wona lezaku hambu lezi nzi nga hlongole Israeli, nzi mu nyika a papilo ga kuhambana hi kota ya wubhayi gakwe, Juda a makabye wakwe loyi a nga tsumbekangiko, a nga chavangi, kanilezi yenawu i lo famba a ya maha gona wubhayi. Deut. 24:1; 2 Tih. 17:18

Ezekieli 16:15

Kanilezi u tsumbile a wumbhuri ga wena, u maha wuoswi hi kota ya wudumo ga wena, u ti nyikela wubhayini ni vontlhe vahunzi lava va nga zi ranza.

Ezekieli 16:29

U enzelekisile a wubhayi ga wena lomu tikweni ga Kanani kala le Kaldea, hambu lezo a ku kolwangi.

Ezekieli 16:8

Laha nzi nga hunza laha u nga hi koha, nzi lo wona lezaku a xikhati xa Wena xa liranzo xi wa chikele; nzi lo tshambuluta a nkumba wa mina hehla ka wena, nzi fenengeta a wumbyiri ga wena. Ina, nzi lo ku hlambanyela; nzi maha xivumelwano zinwe na wena, zonake u lo maha wa mina, ku wula Hosi Jehova. Gen. 22:16; Rute 3:9; Hos. 2:2

Mateu 19:10

A vapizani vaku ka yena: Loku zi hi lezo a mhaka ya wanuna ni sati wakwe, a hi zinene ku teka.

Mateu 19:8

I lo hlamula, aku: Mosi i lo mu vumela ku hlongola a vasati va nwina hi kota ya kunonoha ka timbilu ta nwina; kanilezi hi kusanguleni ku wa nga hi lezo.

Mateu 5:32

Kanilezi mina nziku ka nwina: Kani hi mani a hlongolako a sati wakwe, ahandle ka mhaka ya wubhayi, wa mu bhayisa; kani hi wihi a ta nga mu teka laha pa hlongolwe wa bhaya. Lu. 16:18; Rom. 7:3; 1 Kor. 7:10, 11

Luka 16:18

Kani hi wihi a hlongolako a sati wakwe, a teka munwani, wa bhaya; ni loyi a tekako sati a hlongolweko hi nuna, wa bhaya. Mat. 5:32; 19:9; Mar. 10:11

1 Va le Korinte 5:1

Ku zwele kontlhe lezaku gi kona wubhayi xikari ka nwina, a wubhayi legi gi nga tibyiwiko ni xikari ka vamatiko, lezaku munwe wa nwina i tekile a sati wa raru wakwe. Deut. 27:20; 2 Kor. 7:12; Efe. 5:3

1 Va le Korinte 7:39

A wasati i bohilwe na a ha hanya a nuna wakwe; kanilezi loku a nuna afa, i tlhatlhekile; a nga tekana ni wihi loyi a mu ranzako, ntsena ku mahiwa Hosini. Deut. 17:3; Rom. 7:2; 2 Kor. 6:14

1 Va le Korinte 7:4

A sati a nga fumeli miri wakwe, sine nuna wakwe; zinghaho ni nuna wa kona, a nga fumeli miri wakwe, sine a sati.