Mateu 19:21 - Tshwa Bible

²¹ Jesu i te ngalo ka yena: Loku ti ranza kuva loyi a mbheleleko, famba u ya xavisa lezi u nge nazo, u nyika zisiwana; kwalaho u tava ni tshomba le tilweni; zonake tana, u nzi lanzela.

Mateu 19:21 Mawu Ofanana

Genesisi 17:1

Laha Abrama a nga hi ni 99 wa malembe, Jehova i lo woneka ka Abrama, aku ngalo kakwe: Hi mina Nungungulu wa Ntamu wontihe; famba mahlweni ka mina na u longamile.

Genesisi 6:9

Leti hi timhaka ta Noa. Noa i wa hi munhu a lulamileko, a nga hi na nanzu xikhatini xakwe; Noa i lo famba zinwe na Nungungulu. Maheb. 11:7; 2 Ped. 2:5

Joba 1:1

Ku wa hi kona a munhu wo kari le tikweni ga Uzi, a vito a nga hi Joba; i wa hi munhu a nga wa mbhelele kululameni, loyi a nga chava Nungungulu, a nyenya kubiha.

Tisimu 37:37

Cuwukisisa a munhu a mbheleleko, u languta loyi a lulamileko, Hakuva a munhu wa kurula i na ni vazukulu.

Mateu 16:24

Zonake Jesu i te ngalo ka vapizani vakwe: Loku munhu a ranza ku nzi lanzela, a ti tsike, a rwala xihambano xakwe a nzi lanzela. Xip. 10:38; Mar. 8:34; Lu. 9:23

Mateu 19:20

A jaha legi giku ka yena: Zontlhe lezo nzi zi hlayisile; nza ha kiyelelwa hi yini ke? Miti. 2:45; 4:34, 35

Mateu 19:22

Kanilezi laha na gi zwile gezu lego, a jaha gi lo suka na gi karatekile, hakuva gi wa hi ni titshomba to tala.

Mateu 19:28

Jesu i lo va hlamula, aku: Hizinene nziku ka nwina: Hi xikhatini xa ku vuxetwa luswa ka zontlhe, laha a Nʼwana wa munhu a ta nga tshama xitshanwini xakwe xa wuhosi, nwina lava mu nzi lanzeleko mu ta tshama ka 12 wa zitshamu za wuhosi, mu lamula a 12 wa tixaka ta Israeli.

Mateu 4:19

I te ngalo ka vona: Nzi lanzeleni, nzi ta mu maha vakukuti va vanhu. Lu. 5:10, 11

Mateu 5:48

Hikwalaho ngha na nwina mu mbhelela, khwatsi hi Raru wa nwina wa le tilweni a mbheleleko. Gen. 17:1; Efe. 5:1; Jak. 1:4

Mateu 8:22

Kanilezi Jesu aku kakwe: Nzi lanzele, u tsika a vafileko va lahla vafileko vabye.

Mateu 9:9

Laha Jesu na a suka laho, i lo wona a munhu a vitwako Mateu, na a tshamile wutshanwini go hlengisa; i te ngalo kakwe: Nzi lanze. Yena i lo suka, a mu lanzela. Mar. 2:14; Lu. 5:27

Marku 10:21

Jesu na a mu cuwuka i lo mu ranza, aku kakwe: Wa ha vumala xilo xinwe; famba u ya xavisa zontlhe lezi u nga nazo, u nyika zisiwana; zonake u tava ni tshomba le tilweni; zonake ngona u nzi lanzela. Mat. 6:19, 20; Lu. 12:33

Marku 2:14

Kota lezi a nga hunza, i lo wona Levi nʼwana Alfeusi, na a tshamile ndlwini ya alfandega; i te ngalo kakwe: Nzi lanzele. I lo suka a mu lanzela.

Marku 8:34

I lo vitana a xidlemo zinwe ni vapizani vakwe, aku ngalo kabye: Loku munhu a ranza ku nzi lanzela, a ti tsike, a rwala xihambano xakwe, a nzi lanzela. Mat. 10:38; 16:24; Lu. 9:23

Luka 12:33

Xavisani lezi mu nga nazo, mu nyika zisiwana; ti maheleni a zikhwama zi nga hlakaliko, a tshomba le tilweni leyi yi nga mbheliko; laho a khamba gi nga bhoxiko, hambu ni sumba yi nga giko. Mat. 6:20; 19:21; Miti. 2:45; 4:34

Luka 14:33

Zinghaho ni wihi wa nwina a nga tsikiko zontlhe lezi a nga nazo, a nga zi koti ku maha mupizani wa mina.

Luka 16:9

Nziku ka nwina: Ti maheleni a maxaka hi cuma lexi xi nga lulamangiko; kasi loku xi mbhelile, va fela ku mu amukela mixaxeni ya pinzukelwa. Dan. 4:27; Mat. 6:19; 19:21

Luka 18:22

Laha Jesu na zi zwile, i te ngalo kakwe: Wa ha vumala xilo xinwe; xavisa zontlhe lezi u nga nazo, u avela zisiwana, wena u tava ni tshomba le tilweni; zonake ngona u nzi lanzela. Mat. 6:19, 20; 1 Tim. 6:19

Luka 5:27

Zonake i lo suka laho, a wona a muhlengisi, a vito gakwe hi Levi, na a tshamile wutshanwini go hlengisa, aku ka yena: Nzi lanzele. Mat. 9:9; Mar. 2:14

Luka 6:40

A mupizani a nga hunzi mugonzisi wakwe, kanilezi loyi ni loyi loku a mbhelele zigonzweni i ta kota mugonzisi wakwe ntsena. Mat. 10:24; Joh. 13:16; 15:20

Luka 9:23

I te ngalo ka vona vontlhe: Loku munhu a xuva ku nzi lanzela, a ti tsike, a ti rwexa xihambano xakwe masiku ni masiku, a nzi lanza. Mat. 10:38; 16:24; Mar. 8:34

Johani 10:27

A tiyivu ta mina ta ingisa a gezu ga mina; mina nza ti tiva, ta nzi lanzela.

Johani 12:26

Loku munhu a nzi tirela, a nzi lanzele; ni laha nzi nga kona, i ta va kona loyi a nzi tirelako. Loku munhu a nzi tirela, yaloye i ta dzunziwa hi Dadani. Xip. 14:3; 1 Tes. 4:17

Mitiro 2:45

Va lo xavisa zipetso ni zilo zabye, va zi avela ka vontlhe, kota kuvumala ka munwe ni munwani. Isa. 58:7

Maheberu 10:34

Hakuva mu lo va zwela wusiwana lava va nga lomu makhotsweni, kambe mu lo vumela hi kutsaka laha mu nga wutlelwa a zibya za nwina, na mu tiva lezaku mu na ni za chukwana, lezi zi te ku tsoma. Lu. 12:33; Miti. 5:41; Fil. 1:7