Mateu 18:6 - Tshwa Bible

⁶ Kanilezi loyi a khunguvanyisako munwe wa lava va tsongwanyani va kholwako ka mina, ngha ziva chukwana ka yena lezaku a ribye ga hombe ga xigayo gi khonekwa nhanwini yakwe, a rikhiswa kueteni ka bimbi.

Mateu 18:6 Mawu Ofanana

Tisimu 105:15

Aku: Mu nga khumbeni vatotilweko va mina, Mu nga lamati vaprofeti va mina.

Zakaria 13:7

Supado! Vukela a murisi wa mina, a munhu wa ka hina, ku wula Jehova wa tiyimpi. Bana murisi, a tiyivu ti ta hangalaka; nzi ta nawuluta a canja ga mina hehla ka lava va tsongwani. Mat. 26:31; Mar. 14:27

Zakaria 2:8

Hakuva Jehova wa tiyimpi i ngalo: Anzhako ka kungangamela i nzi rumile ka matiko lawa ma ku hlaseleko, hakuva loyi a mu khumbako i khumba a nzololwani ya tihlo gakwe.

Mateu 17:27

kanilezi kasi hi nga va khunguvanyisa famba bimbini, u ya tlonweka ximemba, u khoma a xidluwani lexi u ta nga xi tlhukula kuranga. Laha na u ahlamisile a nomu wa xona, u ta kuma a xekeli; gi teke, u va nyika a ya mina ni ya wena.

Mateu 18:10

Ti woneleni lezaku mu nga kanyisi ni munwe wa lava va tsongwani; hakuva nza mu byela, lezaku a tingelosi tabye le tilweni ta wona xikhati xontlhe a nghohe ya Dadani wa mina loyi a nga le tilweni. Maheb. 1:14; Lu. 1:19

Mateu 18:14

Hizalezo a hi kuranza ka Raru wa nwina loyi a nga le tilweni, lezaku ku lahleka ni munwe wa lava va tsongwanyani.

Mateu 18:5

Ni loyi a amukelako a nwanana munwe wa kunghahi wa tsongwani hi vito ga mina i amukela mina. Xip. 10:42; Lu. 9:48

Marku 9:42

Kani hi wihi a khunguvanyisako munwe wa lava va tsongwani va kholwako ka mina, zi ngava chukwana ka yena lezaku a ribye ga xigayo gi khonekwa nhanwini yakwe, a rikhiswa bimbini. Lu. 17:1

Mitiro 9:5

Yena aku ngalo: Hi wena mani Hosi ke? A Hosi yiku: Hi mina Jesu loyi u mu xanisako.

Va le Roma 14:21

Zi sasekile ku kala u ngagi nyama, hambu kunwa vinya, hambu ku maha xilo lexi a makabye wa wena a ta nga khunguvanyeka ha xona.