Mateu 18:3 - Tshwa Bible

³ aku ngalo: Hizinene nziku ka nwina: Loku mu nga hunzuluki, mu maha kota vanana va tsongwani, cima mu nga ta enghena mufunweni wa tile. Lu. 18:16; 1 Kor. 14:20

Mateu 18:3 Mawu Ofanana

Tisimu 131:2

Futsi nzi rulisile muhefemulo wa mina, nzi wu miyeta; Khwatsi hi nwanana a lumulilweko ka mamani wakwe, A muhefemulo wa mina wu fanana ni nwanana a lumulilweko.

Isaya 6:10

Nonohisa a timbilu ta vanhu la va, U vala tindleve tabye, u tsunya mahlo yabye, Va ngazwi hi tindleve tabye, va nga pimi hi timbilu tabye, Kasi va nga hunzuluki va hanyiswa. Deut. 29:3; Rom. 11:8

Mateu 13:15

Hakuva a timbilu ta lava vanhu ti nonohile, A tindleve tabye a ti hatlisi ku ingisa, Ni mahlo yabye ma tsimbile; Ku nga taku va wona hi mahlo yabye, Vazwa hi tindleve tabye, Va pima hi timbilu tabye, Va hunzuluka, nzi va hanyisa. Maheb. 5:11

Mateu 18:2

I lo vitana a nwanana tsongwani, a mu yimisa xikari kabye,

Mateu 18:4

Hikwalaho ni wihi loyi a ta nga ti koramisa a maha kota nwanana loyi tsongwanyani, hi yena a nga wahombe mufunweni wa tilo. Xip. 20:27

Mateu 19:14

Kanilezi Jesu aku ngalo: Tsikani a vanana, mu nga va beleteli a kuta ka mina, hakuva a mufumo wa le tilweni ngwa va kunghahi.

Mateu 19:23

Jesu i te ngalo ka vapizani vakwe; Hizinene nziku ka nwina: Za nonoha ka munhu a fumileko ku enghena mufunweni wa le tilweni. Mar. 10:24; 1 Kor. 1:26

Mateu 5:18

Hizinene nziku ka nwina: Ku ta kala ku hunza a tilo ni misava, na cima ku nga fuvangi a nzhatana munwe kutani xidokho xinwe xa nayo, kala zontlhe lezi zi maheka. Lu. 16:17

Mateu 5:20

Hakuva nza mu byele, nziku; Loku a kululama ka nwina ku nga hunzi a kululama ka vatsali ni vaFarisi, cima mu nga ta enghena mufunweni wa tilo. Rom. 9:31

Mateu 6:16

Loku mu yila, mu nga tsuvi khwatsi hi vaxengeteli, hakuva va tshuvika tinghohe tabye, kasi va fela ku wonwa hi vanhu vaku va yila. Hizinene nziku ka nwina, va sina va wu amukele a nchachazelo wabye. Isa. 58:5

Mateu 6:2

Hikwalaho loku u nyika loyi a vumalako, u ngabi mpunzu mahlweni ka wena, khwatsi hi lezi va mahako a vaxengeteli masinagogeni ni lomo maphangweni, kasi va fela ku dumiswa hi vanhu. Hizinene nziku ka nwina; Va sina va amukele a nchachazelo wabye. Rom. 12:8

Mateu 6:5

Laha mu khongelako, mu nge khwatsi hi vaxengeteli, lava va ranzako a ku khongela na va yimile masinagogeni ni lomu mahanzakanyeni ya maphango, kasi va fela ku woniwa hi vanhu. Hizinene nziku ka nwina, va sina va amukele a nchachazelo wabye.

Marku 4:12

kasi hi ku wona, va ta wona, kanilezi va nga wonisisi; hi kuzwa va tazwa, kanilezi va nga zi pimi; ku nga taku va hunzuluka va tsetselelwa kuonha kabye Isa. 6:9; Mat. 13:14; Rom. 11:8

Luka 13:24

Kurumetani ku enghena hi nyangwa yi hlongileko; hakuva nziku ka nwina: Mbanyingi va ta nga ringa ku enghena, kanilezi va ta tsanzeka. Mat. 7:13; Rom. 9:31

Luka 22:32

kanilezi mina nzi ku kombelele, lezaku a kukholwa ka wena ku nga hluleki. Wena loku u hunzulukile, tiyisa a vanakuloni. Tis. 51:13; Joh. 17:9; 21:15-17

Johani 1:51

A engeta aku: Hizinene, hizinene, nziku ka nwina: Mu ta wona tilo na gi vululekile, a tingelosi ta Nungungulu na ti kari ti kanziha ti relela hehla ka Nʼwana wa munhu. Gen. 28:12

Johani 3:3

Jesu i lo hlamula aku ngalo kakwe: Hakunene loku munhu a nga belekiwi luswa, a nga na ku wona mufumo wa Nungungulu. Xip. 1:13; Gal. 6:15; Tit. 3:5

Johani 3:5

Jesu i lo hlamula, aku: Kunenenene nziku ka wena: Loku munhu a nga belekiwi hi mati ni Moya, a nga na ku enghena mufunweni wa Nungungulu. Mar. 16:16; Miti. 2:38

Mitiro 14:22

na va tiyisa a mihefemulo ya vapizani, va va khongotela ku tiyiseta kukholweni, vaku hi yimelwe hi ku enghena mufunweni wa Nungungulu hi zikarato zo tala. Xip. 11:23; Mat. 10:38; Rom. 8:17

Mitiro 28:27

Hakuva a mbilu ya tiko legi yi nonohile, A tindleve ta gona ta nonoka ku ingisa, A mahlo yabye va tsimbile, Ku nga taku va wona hi mahlo yabye, Vazwa hi tindleve tabye, Va pima hi timbilu tabye, Va hunzuluka, nzi va hanyisa. Isa. 44:18

Mitiro 3:19

Hikwalaho ti soleni, mu hunzuluka, kasi a zionho za nwina zi fela ku vinyetelwa, kasi ku chikela a zikhati za kuhumutwa hi le ka Hosi;

1 Va le Korinte 14:20

Vamakabye mu nga mahi zihlangi kupimeni ka nwina, kanilezi mahani zihlangi ka zakubiha, mu maha madota kupimeni. Tis. 119:99; 131:2; Mat. 11:25; 18:3; 1 Ped. 2:2

1 Pedro 2:2

Lavani a masi ma nene ya moya, khwatsi hi zihlangana za ha belekiwako, kasi ma fela ku kula ha wona mu hanyiswa, Mat. 18:3; 1 Kor. 3:2

2 Pedro 1:11

hakuva hi ku maha lezo mu ta nyikiwa a ku enghena mufunweni wu nga mbheliko wa Hosi ya hina ni Muhanyisi Jesu Kristu.