Mateu 18:17 - Tshwa Bible

¹⁷ Loku a ala ku va ingisa, ku bike bandleni; ni loku a nga ingisi handla, a mahe ka wena kotisa wamatiko ni muhlengisi. Rom. 18:17; 1 Kor. 5:9

Mateu 18:17 Mawu Ofanana

Ezra 6:21

A va ka Israeli lava va wuyileko hi le wukhumbini va loga zinwe ni vontlhe lava va ti hambanyisileko ni manyala ya vanhu va tiko lego, va ta ti tlhanganyisa zinwe navo kasi ku hlota Jehova Nungungulu wa ka Israeli.

Ezekieli 11:12

Zonake mu ta zi tiva lezaku nzi mina Jehova, nwina lava mu nga hlayisangiko a zilayelo za mina ni milayo ya mina, kanilezi mu lanzele a milayo ya matiko lawa ma mu ranzeleko.

Mateu 10:3

Filipu, na Bartolomeu; Tomasi, na Mateu muhlengisi; Jakobe a nʼwana Alfeu, na Tadeu;

Mateu 11:19

A Nʼwana wa munhu i lota, waga, wonwa, ve ngalo: Langutani munhu wa kulonzola, xidakwa, munghana wa vahlengisi ni vaonhi! Kanilezi a wutlhari gi kombisile a kululama ka gona hi mitiro ya gona. Xip. 9:10; Lu. 7:35

Mateu 5:46

Hakuva loku mu ranza lava va mu ranzako, i nchachazelo muni mu nga nawo ke? Hambu a vahlengisi a va mahi lezo ke? Lu. 6:32

Mateu 6:7

Mu nga byabyatsi hava kukhongeleni ka nwina, khwatsi hi vamatiko; hakuva vona ve ngalo va ta zwiwa hi kota ya kuwulawula nguvu kabye. Mutsa. 5:2

Luka 15:1

A vahlengisi vontlhe ni vaonhi va lo tshinela ka yena ku ta muzwa. Mat. 9:10

Luka 18:11

A muFarisi i lo yima hi tlhelo a khongela, aku: Nungungulu, nza ku bonga hilezi nzi nga fananiko ni vanwani vanhu; va nga makhamba, ni vakanganyisi, ni zirembi, hambu ku khwatsi hi muhlengisi loyi. Tis. 135:2; Isa. 1:15; Kuv. 3:17

1 Va le Korinte 5:9

Nzi mu tsalele papilweni ga mina a kuva mu nga mahi wunghana ni zibhayi; 2 Kor. 6:14

1 Va le Korinte 6:1

Xana a munhu wa nwina loku a hi ni mhaka ni waakelane, i tiyela yini a mu kecara mahlweni ka lava va nga lulamangiko, wutshanwini ga ku yi yisa mahlweni ka vobasa ke?

2 Va le Tesalonika 3:6

Makunu ha mu laya, vamakabye, a vitweni ga Hosi ya hina Jesu Kristu, lezaku mu tsawukana ni vamakabye vontlhe va fambako hi vilinganya, va nga hlayisi a gonzo leyi hi nga mu gonzisa yona. Rom. 16:17; 1 Kor. 5:11; 1 Tim. 6:5; 2 Joh. 10

1 Timote 6:5

ni kukanetisana ka vanhu lava va bihisilweko kupimeni kabye, lava va lahlekelweko hi zinene, na va alakanya lezaku a xikholwa i ndlela ya bhinzu. Rom. 16:17; 2 Tim. 3:8; Tit. 1:11

Joxua 22:15

Na vona va lota ka vanana va ka Rubeni, ni ka vanana va ka Gadi, ni ka khihlanya ga lixaka la ka Manasa, le tikweni ga le Gileade, va lo ta wulawula zinwe navo, vaku: