Mateu 18:14 - Tshwa Bible

¹⁴ Hizalezo a hi kuranza ka Raru wa nwina loyi a nga le tilweni, lezaku ku lahleka ni munwe wa lava va tsongwanyani.

Mateu 18:14 Mawu Ofanana

Isaya 40:11

I ta gisa a tlhambi wakwe khwatsi hi murisi; I ta tsombanyisa a tiyivana mawokweni yakwe, A ti rwala laha xifuveni xakwe, A fambisa khwatsi leti ti anwisako. Tis. 23:1; Mika 7:14; Joh. 10:11, 14 Himani a ringanako na Nungungulu?

Zakaria 13:7

Supado! Vukela a murisi wa mina, a munhu wa ka hina, ku wula Jehova wa tiyimpi. Bana murisi, a tiyivu ti ta hangalaka; nzi ta nawuluta a canja ga mina hehla ka lava va tsongwani. Mat. 26:31; Mar. 14:27

Mateu 18:13

Loku a yi kuma hizinene nziku ka nwina, wa tsaka ha yona nguvu ku hunza lezi a tsakisako zona hi leti ta 99 leti ti nga lahlekangiko.

Mateu 18:15

Loku a makabye wa wena a ku onhele, famba u ya mu kombisa nanzu wakwe na mu hi nwece. Loku a ku ingisa, u mu kumile a makabye wa wena. Levi 19:17; Lu. 17:3

Mateu 5:16

Hizalezo ngha na kuwonekela ka nwina ku woninga mahlweni ka vanhu, kasi va wona mitiro ya nwina yo saseka, va dumisa a Raru wa nwina wa le tilweni. Joh. 15:8; 1 Kor. 14:25; 1 Ped. 2:12

Mateu 6:32

Hakuva a vamatiko va zi lava zontlhe lezi zile; ni Raru wa nwina wa le tilweni wa zi tiva lezaku zontlhe lezi za laveka ka nwina.

Mateu 6:9

Hikwalaho khongelani kota lezi: Dadani wa hina wa le tilweni, a vito ga wena a gi hlawuliwe. Lu. 11:2

Luka 12:32

Nwina ntlhambi wu tsongwani, mu nga chavi; hakuva kuranza ka Raru wa nwina a ku mu nyika mufumo. Mat. 11:25, 26

Johani 17:12

Na nza ha hi navo, nzi lo va hlayisa vitweni ga wena, legi u nzi nyikileko gona; nzi va gongile, a ku na munwe a lovileko, saseka a nʼwana wa kulova, kasi a mitsalo yi fela ku tatiseka. Tis. 109:8; Maheb. 2:13; 1 Joh. 2:19

Johani 21:15

Lezo na va fihlule, Jesu aku ngalo ka Simoni Pedro: Simoni, nʼwana Johani, wa nzi ranza ku hunza lava ke? Aku ka yena: Ina, Hosi; wa zi tiva ku ngalo nza ku ranza. Jesu aku kakwe: Gisa tiyivana ta mina.

2 Timote 2:10

Hikwalaho nzi timisela zontlhe hi kota ya vahlawulilweko, kasi na vonawu va fela ku kuma a kuhanyiswa loku ku nga ka Kristu Jesu, zinwe ni kungangamela ka pinzukelwa. 2 Kor. 1:8

Maheberu 12:13

lulametani a tindlela ta mikonzo ya nwina, lezaku lexi xi khwitako xi nga khuyuki, kanilezi xi hanyiswa. Mav. 4:26; Gal. 6:1

2 Pedro 3:9

A Hosi a yi hlweli ku maha lezi yi nga tsumbisa zona, kota lezi vanwani va alakanyako lezaku ya hlwela. Kanilezi yi timisela ha nwina, hakuva a yi ranzi lezaku ku lova ni munwe, kanilezi yi ranza lezaku vontlhe va hunzuluka. Isa. 30:18; Ezek. 33:11; Hab. 2:3