Mateu 18:12 - Tshwa Bible

¹² Xana mu yini nwina ke? Loku munhu a hi ni zana ga tiyivu, zonake ku penga yinwe ya tona, xana a nga siyi leti ta 99 le zitsungeni, a famba a ya lava leyi yi pengileko ke? Lu. 15:4

Mateu 18:12 Mawu Ofanana

1 Tihosi 21:17

Zonake a gezu ga Jehova gi loya ka Elija a muTixebeti gi yaku:

Tisimu 119:176

Nzi pengile khwatsi hi yivu yi lahlekileko, Hlota nanza ga wena, Hakuva a nzi rivali milayo ya wena. Isa. 53:6; Lu. 15:4

Isaya 53:6

Hina hontlhe hi wa hambukile khwatsi hi tiyivu, Munwe ni munwani a famba hi ndlela yakwe; Kanilezi Jehova i mu rwexile a kubiha ka hina hontlhe,

Jeremia 50:6

A vanhu va mina va wa hi tiyivu leti ti lahlekileko. Va hambukisilwe hi varisi vabye, va va tsika lomu zitsungeni. Va pepetsekile lomu zitsungeni vaya migangeni, va kohlwa hi ranga gabye.

Ezekieli 34:12

Nzi ta lava a tiyivu ta mina kota lezi a murisi a lavako a tlhambi wakwe laha a nga xikari ka tiyivu takwe ti hangalakileko; nzi ti humesa matshanwini wontihe lawa ti hangalakileko ka wona hi siku ga dzuvi ni munyama, Jer. 31:10; Joeli 2:2; Lu. 15:4

Ezekieli 34:16

Nzi ta lava leyi yi nga lahlekile, nzi wuyisa leyi yi nga pengisilwe, nzi bohelela leyi yi tshobyilweko, nzi tiyisa leyi yi babyako. Kanilezi nzi ta lovisa leti ti nonileko ni ta ntamu; nzi ta ti risa hi nongameto.

Ezekieli 34:28

Va nga ta ha maha a pfimba wa vamatiko, hambu ku giwa hi zivanza za misava; va ta tshama hi kurula, a nga kona a to va dzukisa.

Ezekieli 34:4

Leti to rereka a mu ti tiyisetangi, ge hambu a ku chuma leyi yi nga babya, kutani ku bohelela leyi yi tshobyilweko, ni ku wuyisa leyi yi nga wa pengisilwe, hambu ku lava leyi yi nga wa lahlekile; kanilezi mu lo ti fumela hi kutsimbeketa ni tihanyi.

Ezekieli 34:6

A tiyivu ta mina ti pepetseka lomu zitsungeni zontlhe ni lomu migangeni yontlhe. Ina, a tiyivu ta mina ti lo hangalaka misaveni yontlhe; a ku na munhu a ti lavako.

Mateu 12:11

Aku ka vona: Hi wihi xikari ka nwina, loyi a nga ni yivu yinwe, loku yi wela rinzini hi siku ga sabado, a ta nga kala a nga yi khomi a yi humesa ke?

Mateu 18:13

Loku a yi kuma hizinene nziku ka nwina, wa tsaka ha yona nguvu ku hunza lezi a tsakisako zona hi leti ta 99 leti ti nga lahlekangiko.

Mateu 21:28

Kanilezi mu yini nwina ke hi mhaka leyi? A munhu i wa hi ni vana vambiri; i loya ka nhonzwa, a yaku ngalo: Nwananga, famba u ya tira xivineni nyamutlha.

Mateu 22:42

aku: Mu alakanya yini nwina hi Kristu? I nʼwana mani ke? Vaku ngalo kakwe: I nʼwana Davida.

1 Va le Korinte 10:15

Nzi wulawula ku khwatsi hi ka lava va tlharihileko; pimani nwina venyi lezi nzi zi wulako.

1 Pedro 2:25

Hakuva mu wa pengile khwatsi hi tiyivu ti lahlekileko; kanilezi makunu mu tlhelele ka Murisi ni Muhlayisi wa mihefemulo ya nwina. Ezek. 34:6; Joh. 10:11, 14, 16