Mateu 16:16 - Tshwa Bible

¹⁶ Simoni Pedro i lo hlamula aku ngalo: Wena u Kristu, Nʼwana wa Nungungulu a hanyako. Xip. 14:33; Maheb. 1:5; 1 Joh. 4:15

Mateu 16:16 Mawu Ofanana

Tisimu 2:7

Nzi taba nyiwo ya Jehova, Jehova i te ngalo ka mina: Wena u nʼwana wa mina, Nzi ku psweleko nyamutlha.

Tisimu 42:2

A muhefemulo wa mina wuzwa tora ha Nungungulu, ha yena Nungungulu a hanyako; Hi rini nzi ta ngata nzi ta woneka mahlweni ka Nungungulu ke?

Danieli 6:26

Nzaba nyiwo lezaku a matlhelweni wontihe ya mufumo wa mina, a vanhu a va rurumele va chava a Nungungulu wa Danieli. Hakuva i Nungungulu a hanyako a teku tsoma, ni mufumo wakwe a wu na magumo, ni kufuma kakwe ku ta simamisa kala kupinzuka.

Mateu 1:16

Jakobe a beleka Josefa a nuna wa Maria, loyi a nga beleka Jesu loyi va nge hi Kristu.

Mateu 14:33

Ni lava va nga hi lomu ngalaveni va lo mu khizamela, vaku: Hizinene u Nʼwana wa Nungungulu. Tis. 2:7; Lo. 4:41; Rom. 1:4

Mateu 16:15

Aku kabye: Nwinake mu ngalo hi mina mani?

Mateu 26:63

Kanilezi Jesu i lo miyela. Ni mupristi wa hombe i te ngalo kakwe: Nza ku hlambanyisa hi Nungungulu, lezaku u hi byela loku u hi Kristu, a Nʼwana wa Nungungulu. Levi 5:1; Isa. 53:7

Mateu 27:54

Laha a nduna ya zana ni lava va nga hi nayo va lavelela Jesu, na va wonile a kutsekatseka ka misava, ni zinwani zi nga wa mahekile, va lo chava nguvu, vaku: Hakunene, loyi i wa hi Nʼwana wa Nungungulu! Mar. 15:39; Lu. 23:47

Mateu 4:3

Zonake a muringi i lota, a taku ka yena: Loku wena u hi Nʼwana wa Nungungulu, laya a maribye lawa lezaku ma maha zibaba.

Marku 14:61

Kanilezi i lo miyela, a nga hlamulangi nchumu. A mupristi wa hombe i lo engeta a mu wutisa, aku kakwe: Hi wena Kristu, a Nʼwana wa loyi a Khesiwako ke? Isa. 53:7; Mat. 26:63

Luka 2:11

Hi lezaku nyamutlha mu belekelwe a Muhanyisi le mutini wa Davida, loyi a nga Kristu a Hosi. Isa. 9:6; Mat. 1:21

Johani 1:49

Nataneli i lo hlamula, aku ngalo: Rabi, wena u Nʼwana wa Nungungulu, U Hosi ya vaIsraeli. Mat. 14:33; 27:42

Johani 11:27

Yena aku: Ina, Hosi; nza kholwa lezaku hi wena Kristu, a Nʼwana wa Nungungulu, loyi a nga wa ta kuta misaveni. Mat. 16:16; Xip. 4:42

Johani 20:31

Kanilezi lezi zi tsalilwe, aku kasi mu fela ku kholwa lezaku Jesu hi Kristu, a Nʼwana wa Nungungulu; ni ku hi kukholwa mu fela kuva ni kuhanya vitweni gakwe. Lu. 1:4; Xip. 3:15, 16; 1 Ped. 1:8, 9

Johani 6:57

Kota lezi a Dadani loyi a hanyako a nga nzi ruma, na mina nza hanya hi kota ya Dadani; hizalezo loyi a nzi gako, i ta hanya hi kota ya mina.

Johani 6:68

Simoni Pedro i lo mu hlamula, aku: Hosi, hi taya ka mani ke? Wena u na ni timhaka ta wutomi ga pinzukelwa. Miti. 5:20

Johani 6:69

Hi kholilwe, ha zi tiva lezaku wena u Loyi wa Kubasa wa Nungungulu. Mat. 16:16; Mar. 8:29; Lu. 9:20

Mitiro 14:15

vaku: Madota, Hiyini mu mahako lezi zilo? Hinawu hi vanhu va tshamela ginwe na nwina, hi mu nehela a ivangeli, lezaku kasi ma fela ku tsika lezi zi nga nyawuliko, muta ka Nungungulu loyi a hanyako, loyi a nga maha tilo ni misava ni bimbi, ni zontlhe lezi zi nga ka zona; Jak. 5:17; 1 Sam. 12:21; 1 Tes. 1:9

Mitiro 8:36

Kota lezi va nga ha longoloka ni ndlela, va lo chikela laha ku nga ni mati. A nduna yi te ngalo; A mati hi lawa; xana nzi beletelwa hi yini ku bapatizwa?

Mitiro 8:37

Filipu aku: Loku u kholwa hi mbilu ya wena yontlhe u nga vumelwa. Yiku: Nza kholwa lezaku Jesu Kristu i Nʼwana wa Nungungulu.

Mitiro 9:20

Zalezo i loba hungu hi Jesu lomu masinagogeni, lezaku i Nʼwana wa Nungungulu.

Va le Roma 1:4

A kombisiwa hi ntamu lezaku i Nʼwana wa Nungungulu hi Moya wa wubaswa, hi kuvuka kakwe hi ka vafileko. Hi yena Jesu Kristu a Hosi ya hina, Miti. 13:33; Maheb. 9:14

2 Va le Korinte 1:19

Hakuva a Nʼwana wa Nungungulu, yena Jesu Kristu, loyi a nga xumayelwa xikari ka nwina hi mina na Silvanusi na Timote, a nga mahangi wa Ina ni Ahihi, kanilezi a kakwe ku na ni Ina xontlhe xikhati. Ekso. 3:14; Mar. 1:1; Lu. 1:35; Miti. 9:20; Maheb. 13:8

2 Va le Korinte 3:3

Hakuva za su dlunya lezaku nwina mu papilo ga Kristu, legi gi tsalilweko hi hina, na mu nga tsaliwangi hi tinta, kanilezi hi Moya wa Nungungulu loyi a hanyako; a mu tsaliwangi timbiteni ta maribye, kanilezi timbileni ta nyama, ti nga timbilu ta vanhu. Ekso. 24:12; Tis. 40:8; Ezek. 11:19; 1 Kor. 3:5

2 Va le Korinte 6:16

Ku kwihi a kuvumelana ka tempeli ya Nungungulu ni zifananiso za vanungungulu va mawunwa ke? Hina hi tempeli ya Nungungulu a hanyako, kota lezi Nungungulu a ngaku ngalo: Nzi ta tshama ka vona, nzi fambafamba xikari ka vona; nzi ta maha Nungungulu wabye, vona va ta maha vanhu va mina. Levi 26:12; Jer. 31:33; Ezek. 36:28

Deuteronome 5:26

Hakuva mbamani va ngazwa kukotisa hina a gezu ga Nungungulu loyi a hanyako na gi wulawula hi lomu nzilweni, va hanya ke? Vala. 13:22

1 Va le Tesalonika 1:9

Hakuva a vanhu va hi hlawutela hi maenghenela ya hina xikari ka nwina, ni kutsika ka nwina a zifananiso mu hunzulukela ka Nungungulu, kasi ku khozela loyi a hanyako ni wa zinene,

1 Timote 3:15

kasi loku nzi hlwela u fela ku zi tiva lezaku a vanhu va fela ku tshamisa kuyini ndlwini ya Nungungulu, leyi yi nga bandla ga Nungungulu a hanyako, yi nga mhanze ni xiseketelo xa zinene.

1 Timote 4:10

Hi xona xigelo xa kutira ka hina ni kulwa, hakuva hi tsumbile a Nungungulu a hanyako, loyi a nga Muhanyisi wa vanhu vontlhe, nguvunguvu lava va kholwako.

Maheberu 10:31

Za chavisa a ku wela mandleni ya Nungungulu a hanyako. Lu. 12:5

Maheberu 12:22

Kanilezi nwina mu tile xitsungeni xa Zioni, ni le mutini wa Nungungulu a hanyako, a Jerusalema ga le tilweni, ni ka tingelosi ti nga hlayiwiko, Fil. 3:20; Kuv. 3:12

Maheberu 3:12

Tlharihani vamakabye, ku nga taku yi hi kona ka munwe wa nwina a mbilu yi bihileko yi nga kholwiko, ya ku fularela Nungungulu loyi a hanyako.

Maheberu 9:14

nguvunguvu a nkhata wa Kristu, loyi a nga ti nyikela ka Nungungulu hi Moya wa pinzukelwa na a nga hi na kusoleka, wu ta hlaza a tivalo ta nwina, wu susa a mitiro leyi yi fileko, kasi ma fela ku khozela a Nungungulu a hanyako. Lu. 1:74; Rom. 1:4; Tit. 2:14

1 Johani 4:15

Kani hi wihi a vumelako lezaku Jesu i Nʼwana wa Nungungulu, Nungungulu i tshama ka yena, na yenawu i tshama ka Nungungulu. Rom. 19:9

1 Johani 5:20

Ha zi tiva lezaku a Nʼwana wa Nungungulu i tile, i hi nyikile kupima kasi ha mu tiva loyi wa zinene, hi kona ka loyi wa zinene, ka yena Nʼwana wakwe Jesu Kristu. Hi yena Nungungulu wa zinene, ni wutomi legi ga pinzukelwa. Isa. 44:6; Lu. 24:45; Joh. 17:3

1 Johani 5:5

Himani loyi a hlulako tiko, loku ku nga hi yena loyi a kholwako lezaku Jesu i Nʼwana wa Nungungulu ke? 1 Kor. 15:57

Kuvululelwa 7:2

Zonake nzi lo wona yinwani ngelosi na yi huma hi le Mutsuwuka-gambo, yi hi ni xifungo xa Nungungulu a hanyako. Yi loba hungu hi gezu ga hombe ka tingelosi leti ta mune ti nyikilweko a ntamu wa ku onha a misava ni bimbi,