Mateu 15:31 - Tshwa Bible

³¹ ku kala a zidlemo zontlhe zi rewuka, loku zi wona timbeveve ti wulawula, ni zikhurubu zi hanyiswa, ni zilema zi famba, ni zikhumu zi wona; zi lo dumisa Nungungulu wa Israeli.

Mateu 15:31 Mawu Ofanana

Genesisi 32:28

Yena i te ngalo: A vito ga wena gi nga ta ha vitanwa ku ngalo Jakobe, gi ta vitanwa ku ngalo hi wena Israeli; hakuva u pfinyene ni Nungungulu ni vanhu, u hlulile.

Genesisi 33:20

Laho i lo aka a alati, i lo gi chula ku ngalo hi El-Elohe-Israeli.

Tisimu 50:15

Nzi vitane zikhatini za makhombo; Nzi ta ku hlanguta, na wena u ta nzi dumisa. Mat. 7:7

Tisimu 50:23

Loyi a nyikako muphahlo wa kubonga, i dumisa mina, Ni loyi a lulametako a ndlela yakwe Nzi ta mu kombeta a kuhanyisa ka Nungungulu.

Eksodusi 24:10

Lahasi ka mikonzo yakwe ku wa hi ni xilo xo fanana ni ribye gi vatlilweko ga safira; xi wa ngangamela khwatsi i: tilo.

Mateu 15:30

Ku lota kakwe a zidlemo za hombe, na zi neha a zilema, ni zikhumu, ni timbeveve, ni zikhurubu, ni vanwani vo tala; va lo va veka laha mikonzweni yakwe, a va hanyisa; Isa. 35:5, 6; Lu. 7:22

Mateu 18:8

Loku a canja ga wena kutani konzo wa wena zi ku khunguvanyisa, zi tseme, u zi hoxa kule; hakuva zi ku sasekele ku enghena kuhanyeni u hi xilema, kutani u khwita, ku hunza a ku hoxiwa nzilweni wa pinzukelwa na u ngha u hi ni mandla mambiri ni mikonzo mimbiri.

Mateu 21:14

A zikhumu ni zilema zi lota kakwe lomu tempeleni, a zi hanyisa.

Mateu 8:10

Laha Jesu na a zi zwile, i lo hlamala, aku ka lava va mu lanzelako: Hizinene nziku ka nwina, a nzi se ku kuma a kukholwa ka hombe ko kota loku, hambu ni ka Israeli.

Mateu 9:32

Na va kari va huma; ku lo tiswa kakwe a munhu wa mbeveve, loyi a nga hi ni dimoni.

Mateu 9:33

Laha a dimoni na gi humesilwe, a mbeveve yi lo wulawula. A zidlemo zi lo hlamala, ziku: Cima a ku na nga wonwa zo kota lezi ka Israeli!

Mateu 9:8

Laha vanhu va nga zi wona, va lo rewuka va dumisa Nungungulu, loyi a nyikileko ntamu wa kunghahi ka vanhu.

Marku 2:12

Zonake i lo vuka, a teka sango a huma mahlweni ka vona vontlhe; hikwalaho vontlhe va lo hlamaliswa, va dumisa Nungungulu, vaku: Cima a hi wonangi zakunghahi.

Marku 7:37

Va lo hlamaliswa nguvu, vaku: Yena i mahile zilo zontlhe khwatsi: i maha ni ziwiri a kuzwa ni timbeveve ti wulawula.

Marku 9:43

Loku a canja ga wena gi ku maha u khubeka, gi tseme; hakuva zi ku sasekele a kuva u enghena wutomini na u hi xilema, ku hunza a kuva U hi ni mandla ya wena mambiri u hoxwa Gehena, nzilweni wu nga timekiko, Deut. 13:6; Mat. 5:29; 18:8

Luka 14:13

Kanilezi laha u mahako a mubuzo, ramba zisiwana, ni zirela, ni zilema, ni zikhumu; Neh. 8:10, 12

Luka 14:21

A nanza gi lo wuya, gi ta byela a hosi ya gona timhaka leto. Zonake a nwinyi wa yindlu i lo zangara, aku ngalo ka nanza gakwe: Hatlisa u famba maphangweni ni tindleleni ta muti, u tisa laha a zisiwana, ni zirela, ni zikhumu ni zilema.

Luka 18:43

Khalekhale i lo tlhela a wona; a mu lanza, a dumisa Nungungulu. A vanhu vontlhe loku va zi wonile, va lo dumisa Nungungulu. Xip. 5:26; Miti. 4:21; 11:18

Luka 7:16

Vanhu vontlhe va lo chava, va dumisa Nungungulu, vaku: Ku humele muprofeti wa hombe xikari ka hina; niku: Nungungulu i enzele a vanhu vakwe. Joh. 4:19

Johani 9:24

Zonake va lo vitana hi xikhati xa wumbiri a munhu loyi a nga hi xikhumu, vaku ngalo ka yena: Dumisa Nungungulu; ha zi tiva lezaku loyi munhu muonhi. Jox. 7:19; 1 Sam. 6:5; Vesi 16