Mateu 15:19 - Tshwa Bible

¹⁹ Hakuva hi le mbilwini ku huma a maalakanyo yo biha, ni kudaya, ni wubhayi, ni kuremba, ni kuyiva, ni wukustumunyu ga mawunwa, ni tihlamba. Gen. 6:5; 8:21; Mar. 7:21

Mateu 15:19 Mawu Ofanana

Genesisi 6:5

Nungungulu i lo wona kuonha ka vanhu lezaku ku kulile laha misaveni, ni lezaku a mixuvo ya timbilu tabye yi bihile masiku wontihe.

Genesisi 8:21

Na Jehova i lozwa masema yo nanziha; aku ngalo mbilwini yakwe: Nzi nga ta engeta nzi rukatela a misava hi kota ya vanhu; a maalakanyo ya timbilu ta vanhu ma bihile kusukela wunwananeni gabye; nzi nga ta ha engeta nzi lovisa zontlhe zi hanyako kota lezi nzi zi mahileko. Isa. 54:9; Mat. 15:19

Tisimu 119:113

Nza venga lava va timbilu timbiri, Kanilezi a nayo wa wena nza wu ranza. 1 Tih. 18:21; Jak. 1:8

Mavingu 22:15

A wupumbu gi namarela mbilwini ya nwanana; anilezi a nhonga ya tsayiselelo yi ta gi susa ka yena.

Mavingu 24:9

A maalakanyo ya wupumbu hi xionho; i mutseketseli manyalataniso vanhwini.

Mavingu 4:23

Hlayisa mbilu ya wena ku hunza zontlhe, akuva yona i hlowo ya wutomi.

Mavingu 6:14

A mbilu yakwe yi tele hi kukanganyisa, alakanyela kubiha xontlhe xikhati; xwanya kuhambana.

Isaya 55:7

A wa kubiha ngha a tsika ndlela yakwe, Ni loyi a nga lulamangiko a tsike maalakanyo yakwe; Ngha a tlhelela ka Jehova, na yena i tava ni tipswalo kakwe, Ni ka Nungungulu wa hina, hakuva i ta tsetselela hi matsenya.

Isaya 59:7

A mikonzo yabye yi tsutsumela kubiheni, Yi hatlisela ku ya halata a nkhata wu nga hiko na nanzu; A maalakanyo yabye maalakanyo ya kubiha, A kuhahlula ni kulovisa zi lomu tindleleni tabye.

Jeremia 17:9

A mbilu yi khohlakele ku hunza zilo zontlhe, Yi bolile, yi nga tibyiwa hi mani ke? Tis. 1:3

Jeremia 4:14

Jerusalema, basisa a mbilu ya wena kubiheni, Kasi wa fela ku hanyiswa. A maalakanyo ya wena ya kubiha ma ta tshama na wena kala rini ke?

Mitsengo 22:29

Balaami i te ngalo ka mbongola: Hi lezi u hlakanako ha mina. Loku nzi wa hi ni tlhari mandleni, ngha nzi ku tlhava zalezi.

Mateu 15:20

Hi zona lezi zi bihisako munhu; kanilezi a kuga hi mandla ma nga hlaziwangiko a zi bihisi munhu.

Mateu 5:28

Kanilezi mina nziku ka nwina: Kani hi mani a cuwukako wasati a mu navela, i sina a bhayile naye mbilwini yakwe. Mav. 6:25

Mateu 9:4

Jesu na a tiva kualakanya kabye, aku ngalo: Hi yini mu alakanyako kubiha timbilwini ta nwina? Tis. 139:2; Xip. 12:25; Lu. 5:22

Mitiro 8:22

Hikwalaho hunzuluka kubiheni ka wena, u kombela ka Hosi, kutani u nga tsetselelwa a kualakanya ka mbilu ya wena.

Va le Roma 7:18

Hakuva nza zi tiva lezaku a kusaseka a ku tshami xikari ka mina, lezo hiku ngalo, lomu nyameni ya mina; a kuxuva aku maha kusaseka ku kona, kanilezi a nzi na ntamu wa ku maha lezi zi sasekileko. Gen. 6:5